Թրամփը կարող է հեռանալ. Իրավիճակը բարդացել է

Մինչ հայ հանրությունը հետևում է, թե ինչ ճակատագիր կունենա ԱՄՆ կոնգրեսում Հայոց Ցեղասպանության ճանաչման բանաձևը, սև ամպեր են կուտակվում ԱՄՆ նախագահի գլխավերևում:

Միացյալ Նահանգների Կոնգրեսի Ներկայացուցիչների պալատի խոսնակ Նենսի Փելոսին պնդում է, որ նախագահ Դոնալդ Թրամփը արդեն ընդունել է կաշառակերության հանգամանքը ուկրաինական սկանդալում: Սպիտակ տան ղեկավարի իմփիչմենթի հարցով դռնբաց լսումների երկրորդ օրը դեմոկրատ կոնգրեսականների առաջնորդը, ամփոփելով Ուկրաինայի և Միացյալ Նահանգների նախագահների աղմկահարույց հեռախոսազրույցի վերաբերյալ ցուցմունքները, հայտարարել է՝ Դոնալդ Թրամփի քայլերը հակասում են ամերիկյան Սահմանադրությանը: «quid pro quo՝ ծառայություն ծառայության դիմաց», - նշել է Նենսի Փելոսին՝ հավելելով․ - «Կաշառակերությունը ռազմական օգնության տրամադրումն է կամ հետաձգումը՝ ի պատասխան ընտրությունների կեղծ հետաքննության մասին հրապարակային հայտարարությունների», հաղորդում է «Ազատությունը»: «Այն, ինչ արել է նախագահ Թրամփը՝ ընտրություններում հաջողության հասնելու նպատակով այլ երկրի դեմ ճնշում գործադրել, ինչպես նաև իր քայլերի մասին տեղեկատվությունը թաքցնել, սրա ֆոնին Նիքսոնի քայլերը ոչինչ են», - նշել է դեմոկրատ առաջնորդը:

ԱՄՆ-ի 37-րդ նախագահ Ռիչարդ Նիքսոնը առաջին և առայժմ միակ ԱՄՆ նախագահն է, ով հեռացել է պաշտոնից նախքան ժամկետի լրանալը․ 1974 թվականին գաղտնալսումների հետ կապված սկանդալի և իմփիչմենթի վտանգի պատճառով Նիքսոնը հրաժարական է տվել:

Փելոսին և նրա Դեմոկրատական կուսակցությունը Թրամփին մեղադրում են նախագահական լիազորությունները չարաշահելու մեջ՝ մասնավորապես մատնանշելով Ուկրաինայի նախագահի հետ ամռանը տեղի ունեցած հայտնի հեռախոսազրույցը, որի ընթացքում, ըստ ընդդիմախոսների, Թրամփը ստիպել է Զելենսկուն հետաքննություն սկսել իր քաղաքական հակառակորդ Ջո Բայդենի և նրա որդու՝ Հանթեր Բայդենի նկատմամբ, ով անցած տարիներին Ուկրաինայում բիզնես գործունեություն է ծավալել: Ընդ որում, Սպիտակ տան կողմից հրապարակված սղագրությունների համաձայն, Թրամփը փորձել է սառեցնել Ուկրաինայի համար նախատեսված մոտ 400 միլիոն դոլարի ռազմական օգնությունը:

Այդ հեռախոսազրույցը ի պաշտոնե գաղտնալսած ամերիկյան հատուկ ծառայությունների աշխատակիցը պնդել է, որ Թրամփը փորձել է նաև նորընտիր նախագահ Վլադիմիր Զելենսկու հետ հնարավոր հանդիպումն օգտագործել իր քաղաքական շահերի, այդ թվում՝ Բայդենին վարկաբեկելու համար: ԱՄՆ Սահմանադրության համաձայն, նախագահը կարող է պաշտոնանկ արվել պետական դավաճանության և ծանրագույն այլ հանցագործությունների համար: Օրենսդրությունն ամրագրում է, որ բավարար փաստեր հայտնաբերելու դեպքում հարցը պետք է քվեարկության դրվի Ներկայացուցիչների տանը, որը գտնվում է Թրամփի ընդդիմախոս դեմոկրատների վերահսկողության ներքո:
Սպիտակ տան ղեկավարի պես Հանրապետական կուսակցությունում ևս պնդում են, որ ընդդիմությունը նախագահի դեմ կեղծ արշավ է սկսել, ինչպես Դոնալդ Թրամփն է հաճախ կրկնում՝ «վհուկների որս»: Նշենք, որ ԱՄՆ նախագահը կտրականապես հերքում է բոլոր մեղադրանքները՝ հայտարարելով, որ որևէ ապօրինի քայլ չի արել:

Կոնգրեսում մեկնարկած հրապարակային լսումների երրորդ օրը նախատեսված է իմփիչմենթի գործընթացի պատճառ դարձած ուկրաինական սկանդալի առանցքային դերակատարներից մեկի` Ուկրաինայում ԱՄՆ-ի նախկին դեսպան Մարի Յովանովիչի ցուցմունքը: Դեսպանը, ով այս տարվա մայիսին՝ մինչև աղմկահարույց հեռախոսազրույցը, անակնկալ ետ է կանչվել Կիևից անձամբ Թրամփի պահանջով, պնդում է, որ իրեն աշխատանքից վաղաժամ ազատելու որոշումը քաղաքական դրդապատճառներ ունի, ինչն էլ հիմնված է կեղծ մեղադրանքների վրա: Մարի Յովանովիչի խոսքով՝ այդ մեղադրանքների ետևում կանգնած է Թրամփի անձնական փաստաբան Ռուդի Ջուլիանին:

Ի դեպ, Ուկրաինայի նախագահի հետ հայտնի հեռախոսազրույցի ընթացքում, ըստ հրապարակված սղագրության, Դոնալդ Թրամփը բացասաբար էր արտահայտվել Յովանովիչի մասին` նրան անվանելով «վատ լուր»:

Այսպես, ԱՄՆ Կոնգրեսի Ներկայացուցիչների պալատի խոսնակ Նենսի Փելոսին նշում է, որ Ուկրաինայում ԱՄՆ գործերի ժամանակավոր հավատարմատար Ուիլյամ Թեյլորի և ԱՄՆ պետքարտուղարի Եվրոպայի և Եվրասիայի հարցերով օգնականի տեղակալ Ջորջ Քենթի ցուցմունքները հաստատել են ԱՄՆ նախագահ Դոնալդ Թրամփի դեմ կաշառակերության մեղադրանքները: Այս մասին դեմոկրատների առաջնորդը հայտնել է նոյեմբերի 14-ին լրագրողների հետ ճեպազրույցի ժամանակ, գրում է The New York Times պարբերականը: «Նախագահի կողմից պաշտոնների նշանակված մարդիկ միանշանակ տեղեկություններ են հաղորդել: Նրանց ջախջախիչ ցուցմունքները հաստատել են կաշառակերության փաստերը»,- ընդգծել է նա: Նրա խոսքով՝ Թրամփը «չարաշահել է իշխանությունը և խախտել է իր երդումը»՝ սպառնալով կասեցնել Ուկրաինային տրամադրվող ռազմական օգնությունը՝ իր քաղաքական հակառակորդի դեմ հետաքննություն անցկացնելու դիմաց: Փելոսին պարզաբանել է, որ ԱՄՆ նախագահը գործել է quid pro quo («ծառայություն հանուն ծառայության») սկզբունքով:

Իրավիճակն այսպիսով, Թրամփի իմփիչմենթի շուրջ, սրվում է Միացյալ Նահանգներում: Կդառնա՞ Թրամփը գաղտնալսումների արդյունքում պաշտոնից հեռացող նախագահ

Մետաքսյա Շալունց

դիտվել է 2253 անգամ
Լրահոս
Հիմա մի գռեհիկ անեկդոտ պատմեմ․ Նաիրի Հոխիկյան (video) Արա՛, դուք ո՞նց եք սրան հավատում․ հլը լսե՛ք՝ էս ճիվաղը Տավուշում ինչ է ասել․ Արշակ Զաքարյան (video) Անկախության բանակի փառապանծ էջերը հենց Տավուշում են գրվել․ Գագիկ Մինասյան (video) Ինչու՞ Հայաստանը մոսկովյան ահաբեկչության մասով ՀԱՊԿ հայտարարությանը չի միացել (video) ՔՊ-ականն ի՞նչ ռիսկով է այսպիսի հայտարարություն անում․ Նիկոլից վախեր չունի՞․․․ (video) Նիկո՛լ, ինձ կանչի քո մոտ, ապացուցեմ, որ մի գրամ բան չգիտես․ քաղաքացի (video) «Պոռնկության գինը»՝ 1 մլն. դրամ. Շաքարյանց (video) Ահազանգ կա․ մանկապարտեզներում խայտառակ վիճակ է․ հարցադրումներ նախարարին (video) Էդ սատանայական ընտանիքը մեր ողջ ազգն է վերացնում. քաղաքացի (video) Էս կառավարությունը բոլորը մարդ են` ավանակի գլխով․ հարցում (video) Բոլոր ծրագրերը պետք է սպասարկեն Արցախ մեր հավաքական, անվտանգ ու արժանապատիվ վերադարձի տեսլականին Լևոն Շիրինյանը Ոսկեպարում «հիստերիա է» բարձրացրել (video) Նիկոլի խոստացած պատերազմը մոտ է․ Նաիրի Հոխիկյան (video) Պապա ջան, ես քեզ միշտ կկարոտեմ, կհանդիպենք մյուս կյանքում. Արթուր Աբրահամ Այսօր էլ ՀՀ ինքնիշխան տարածքից շուրջ 208 քառակուսի կիլոմետրը գտնվում է ադրբեջանական օկուպացիայի ներքո. Անի Բադալյան Փաշինյանը սկսել է իրեն ու Չեմբեռլենին արդարացնելու գործընթաց Այս իշխանությունը մի բան է միայն լավ անում. Աբրահամյան Հայաստանը «փաշինյանների» պակաս երբևէ չի ունեցել․ Կարեն Հեքիմյան Մեր որեւէ քայլ երբեւէ չի կարող սպառնալիք հանդիսանալ Հայաստանի համար, ես կասեի հակառակն է. Մետաքսե Հակոբյան Ըստ Ժաննա Անդրեասյանի՝ Կոնսերվատորիայի շուրջ ոչինչ էլ տեղի չի ունենում, «Գոյ» թատրոնի վերաբերյալ որոշումն էլ փոփոխման ենթակա չէ Այս իշխանությունը Հայաստանի գոյություն ունեցող սահմանները ապալեգիտիմացրեց, դրեց հարցականի տակ. Արթուր Խաչատրյան
Ամենաընթերցվածները
Շուտով
Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 13։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը Մարտի 27-ին՝ ժամը 11:30-ին, Հայելի ակումբի հյուրն Գառնիկ Դավթյանը
Հետևեք մեզ Viber-ում https://cutt.ly/5wn8sJBS
Hayeli.am