Ովքե՞ր են ֆինանսավորում Վազգեն Մանուկյանի «Վերնատուն» հասարակական-քաղաքական ակումբը (video)
«Վերնատուն» հասարակական-քաղաքական ակումբը այսօր համաժողով է կազմակերպել՝ քննարկելու Լեռնային Ղարաբաղի հակամարտության բանակցային գործընթացի փակուղի մտնելու հանգամանքը, հանրության պառակտումն ու Սահմանադրական դատարանի ու դատաիրավական համակարգի դեմ եղած ճնշումները: Լրագրողների հետ զրույցում Վազգեն Մանուկյանն անդրադարձավ մի քանի հարցերին:
Հարցին, թե ինչպես է վերաբերվում այն պնդումներին, որ նախկին իշխանությունից ֆինանսավորում է ստանում և կապեր ունի նրանց հետ, Մանուկյանը պատասխանեց. «Ես հանդիպումներ ունեցել եմ միշտ, բոլորի հետ: Մենք միասին պատերազմ ենք անցել: Երբ Ռոբերտ Քոչարյանը կարճ ժամանակով դուրս եկավ, մենք էլի հանդիպեցինք: Եթե Նիկոլ Փաշինյանը ուզի, իր հետ էլ կհանդիպեմ:
Մանուկյանի խոսքով՝ պետք է մարդկանց միջից հանել այն միտքը, որ ինչ-որ չար դաշտ կա: Ըստ նրա՝ բոլոր մարդկանց մեջ «սևեր» և «սպիտակներ» կան, և նրանք թե՛ սխալներ են արել, թե՛ հերոսություններ: «Թույլ մի տվեք՝ ձեզ այդպես խաբեն»,- ասաց նա:
Առավել մանրամասն՝ տեսանյութում.