Գ.Կոստանյանը ընդամենը մեկ հարցազրույցով «ջախջախեց» Մարտի 1-ի բացահայտման առասպելապատումը.video

Մինչ Փաշինյան Նիկոլը «լայվախեղդ, սելֆիախեղդ-ստատուսախեղդ» էր անում հասարակության քաղաքականապես ակտիվ հատվածին` ստիպելով կենտրոնանալ իր հերթապահ «մուտիտ-կռուտիտների», մանիպուլյացիաների եւ վիճակագրական ձեռնածությունների վրա, նախկին դատախազ, ԱԺ պետաիրավական հանձնաժողվի նախկին նախագահ Գեւորգ Կոստանյանն ընդամենը մեկ հարցազրույցով ջախջախեց`բմբլահան արեց Մարտի 1-ի «բացահայտման» առասպելապատումը՝ հյուրընկալվելով «Հայելի առաջ» հաղորդաշարին։

Հիշեցնենք, որ ՀՔԾ-ն «երկար եւ տառապագին ստեղծագործական պրպտումներից» հետո` սեպտեմբերի վերջին, մեղադրանք ներկայացրեց նախկին ոստիկանապետ Ալիկ Սարգսյանին. հանցագործության մասին երկա՜ր-բարա՜կ մի հաղորդագրություն տարածեց, որտեղ շոշափվում էին նաեւ 2008-ի մարտին արդարադատության փոխնախարարարի պաշտոնն զբաղեցնող Գեւորգ Կոստանյանի, նախկին փոխոստիկանապետ Գեւորգ Մհերյանի անունները։

Սույն լավաշ հաղորդագրությունը կարդալով`աղքատ, հպարտ, միամիտ, օրենքի եւ օրինականության ա-ն բ-ից չտարբերող Պողոսը պիտի կարծեր, թե «հանցագործությունից» հինգ ամիս «չանցած»` Գեւորգ Կոստանյանը, որ այդ ժամանակ այլ պաշտոնի էր նշանակվել` նախագահ Սերժ Սարգսյանի օգնականն էր, «հետքերը քողարկելու» նպատակով ոստիկանական ողջ համակարգը «վերեւից ներքեւ» ներքաշել էր հետին թվով փաստեր ու փաստաթղթեր կեղծելու (մարտի 1-ի վաղ առավոտյան Թատերական հրապարակի նստացույցը ցրելու, ապա՝ քաղաքապետարանի մոտից սկսված զանգվածային անկարգությունների զոհերի մահվան հանգամանքները «նենգափոխելու» շռնդալի մեգաօպերացիայի մեջ։

Այս մասին առաջինն ահազանգեց ԻՆՔԸ` Փաշինյանը, իր պաշտոնավարման 100 օրվան նվիրված ասուլիսում. պատմեց, թե ինչ սարսափելի սթրես է ապրել` իմանալով աշխարհացունց այդ դավադրության մասին, ու վախենում է, թե հասարակությունը չի դիմանա այդ հարվածին (նույն ասուլիսում հայտարարեց նաեւ «կոռուպցիոն խոշոր խաչմերուկի» մասին, որից առ այսօր ձեն-ձուն չկա` տիկին Սիլվայի «դոնոսները» հավանաբար նպատակին չեն ծառայել)։

Հնարածին այդ «սյուժեին» անդրադառնալով` Կոստանյանն ասաց շատ պարզ մի բան. որ ո՛չ որպես Արդարադատության փոխնախարար, ո՛չ որպես նախագահի օգնական, միեւնույն ժամանակ` ՄԻԵԴ-ում Հայաստանի ներկայացուցիչ, ցանկության դեպքում անգամ չէր կարող հրահանգներ, ցուցումներ տալ ոստիկանապետին եւ ոստիկանության մյուս պատասխանատուներին, սովորեցնել`ինչպես կեղծել փաստաթղթերը եւ փաստերը, այն էլ` հինգ ամսվա «հեռվից»։

Ինչ վերաբերում է Մարտի 1-ի դեպքերի «նոր խմբագրությանը», նախկին գլխավոր դատախազը ՀՔԾ «սենսացիոն բացահայտումների» քարը քարին չթողեց`փաստելով. «Քննությունն ընթանում է ոչ թե 10 մահերը բացահայտելու, այլ 10 մահերի բացահայտման անհնարինությունը հիմնավորելու ուղղությամբ»։ Պարզ ասած, Մարտի 1-ի սպանություններին «բանակի ներգրավվածությունը» չարամտորեն կոծկելու` Պարոնյան-Լեո հատվածում կրակված «իսկական» փամփուշտների պարկուճները կեղծ պարկուճներով փոխարինելու ֆանտաստիկ թեզը շրջանառության մեջ է դրվել՝ որպես «փաստարկ», որ հնարավոր չէ (իսկ գուցե` ձեռնտու չէ) գտնել եւ պատժել մարդասպաններին։ Իբր` պարկուճները կեղծվել են, դրա համար չենք կարողանում բացահայտել մարդասպաններին։

Այստեղից` «տրամաբանական» հետեւություն. եթե ինչ-որ մեկը պետք է պատասխան տա 10 մահերի համար, ապա դա նախագահ Քոչարյանն է։ Իսկ նրանք, ովքեր հրահրել են ժողովրդին եւ տարել փորձության`Տեր-Պետրոսյանը, Փաշինյանը, ՀԱԿ-ի մնացած ակտիվիստները, բնականաբար` այդ ամենի հետ ոչ մի առնչություն չունեն։ Անգամ` այն պարագայում, երբ մեկը շտապեց ծլկել դեպքի վայրից եւ իջնել ընդհատակ`փաստացի ընդունելով մեղքի իր բաժինը, մյուսը փակվել էր իր Սեւ դղյակում ու դուրս չէր գալիս, հաջորդ օրն էլ հեռախոսով իր գոհունակությունն էր հայտնում, ասում էր`ամեն ինչ լավ է, հազիվ գիշերը հանգիստ քնել եմ, Ալիկին (Ալիկ Արզումանյանին) եւ մյուս «զինակիցներին» էլ խորհուրդ էր տալիս իջնել ջրի հատակը, մինչեւ կանցնի վտանգը։

Պարկուճների «նենգափոխման» վարկածը որեւէ քննադատության չի դիմանում, որովհետեւ դրա տրամաբանական անհրաժեշտությունը չկար` հայտարարեց Գեւորգ Կոստանյանը։ Պարզ պատճառով. «10 զոհերից առնվազն երեքը Չերյոմուխայից է սպանվել, մեկը` բութ գործիքի հարվածից։ Եվս մեկը սպանվել է պայթյունից` բեկորային վնասվածքի հետեւանքով։ 5 հոգի հրազենային վնասվածք է ստացել, բայց այստեղ շատ կարեւոր մի բան կա։ էդ հինգից երկուսը «Մակարով» տեսակի ատրճանակի կրակոցից է սպանվել (որ ասում են` պարկուճները փոխվել են, նկատի ունեն ինքնաձիգի պարկուճները)։

10 մահերից յոթը բացառեցինք։ Մնացած երկու զոհերի մարմնում գնդակ չի հայտնաբերվել`միայն գնդակը հայտնաբերելով եւ համադրելով պարկուճի հետ կարելի է որոշել`որ զենքից է կրակվել. եթե գնդակը հայտնաբերված չէ, զենքի նույնականացումն անհնար է։ Հետեւաբար, տեսականորեն եմ ասում` այս դեպքում էլ պարկուճներ փոխելու անհրաժեշտություն չկար։ Ըստ նախաքննական մարմնի`ստացվում է, որ հազարավոր ինքնաձիգի պարկուճներ փոխվել են մեկ մահը քողարկելու համար։ Սա աբսո՛ւրդ է»։

Բանակի մասնակցությունը քողարկելու վարկածը կաղում է` նաեւ այն առումով, որ զանգվածային խժդժությունների ընթացքում «խաղաղ» ցուցարարներից «խոցված»` տարբեր աստիճանի վնասվածքներ ստացած հարյուրավոր իրավապահների մեջ ոչ մի վիրավոր զինծառայող (ոստիկանության զորքերում ծառայողների հետ չշփոթե՛լ) չի եղել`արձանագրում է նախկին գլխավոր դատախազը։

Եվ զգուշացնում է «թավշյա» դդում-գլուխներին. Քոչարյանի վրա կարված շինծու մեղադրանքը ոտքից գլուխ սնանկ է․ եթե խելքները գլուխները չհավաքեն, չհրաժարվեն ի սկզբանե տանուլ տված այդ «պարտիայից», պետությունը լուրջ խնդիրներ է ունենալու Եվրոպական դատարանում։

Այս մեսիջը տեղ կհասնի՞։ Հազիվ թե։ Սրանց արդեն ոչինչ չի օգնի...

Լիլիթ Պողոսյան

դիտվել է 8278 անգամ
Լրահոս
«Հիմա այս ի՞նչ եք դարձրել մեր երկիրը»․ Վարդան Ոսկանյան Լևոն Քոչարյանի անունից կեղծ հայտարարություններ են տարածվում Լավրով. Պուտինին զարմացրել է Ղարաբաղը Ադրբեջանի մաս ճանաչելու Փաշինյանի որոշումը Ոսկեպարցիներն անհամբեր սպասում են Լավրով. Փաշինյանը հրավիրել է ԵՄ առաքելություն Հայաստան՝ Ադրբեջանին խոստանալով, որ դա կլինի 2 ամսով Ո՞ր դեղերը չեն մտնի էլեկտրոնային դեղատոմսերով վաճառվողների ցանկ Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք Կրկին մեղադրում են ՌԴ-ին Մայիսին կամ հունիսին սպասվում է Ռուսաստանի կողմից լայնածավալ հшրձակում, բայց մենք պատրաստ չենք․ մենք հիմա օգնության կարիք ունենք․ Զելենսկի ՀՀ սահմանային փոփոխություններից հետո Խնածախի ապարանքը հայտնվեց սահմանից 700 մ․ հեռավորության վրա Դժվարին որոշում եմ կայացրել. Վազգեն Ռշտունի Օգնության հասած ավտոմեքենան այրվել է, կրակը տարածվել է Վաղ առավոտյան խուզարկել են գնդապետ Վոլոդյա Ավետիսյանի տունը Եկեք համախմբվենք մեր ջանքերում՝ պաշտպանելու Արցախի ժողովրդի շահերն ու իրավունքները․ Արտակ Բեգլարյան «...կպատերազմենք»․ Սիմոնյան Ալեմ Սիմոնյանը կրկին կհանդիպի Ադրբեջանի Միլլի Մեջլիսի նախագահի հետ Քիրբին ու Զախարովան խոսել են Կրոկուսի ահաբեկչության մեղավորներից․ միմյանց վիրավորանքներ են հնչեցրել Անչափահասների մասնակցությամբ հերթական ծեծկռտուքն ու վիճաբանությունն է եղել Շահրամանյանի կողքը կանգնած խորհրդատուները կործանում են հենց Շահրամանյանին. Տիգրան Քոչարյան Նիկոլ Փաշինյանի նյարդերը տեղի են տվել Նոր դիվանագիտական սկանդալ է հասունանում արտգործնախարարությունում Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար Փաշինյանը փակագծերը չի բացում. Արեւմտամետները կասկածում են Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին Ովքե՞ր են ընդգրկված լինելու Հայկ Մարությանի նոր կուսակցությունում
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am