Աշխարհի տարբեր երկրների ՀՅԴ երիտասարդական կառույցները շարունակում են զորակցել Հայաստանի ուսանողական շարժմանը (լրացված). yerkir.am

Աշխարհի տարբեր երկրներում գործող ՀՅԴ երիտասարդական և ուսանողական միությունները, երեկվանից սկսած, Հայաստանում տեղի ունեցող բողոքի զանգվածային ակցիաներին զուգահեռ, իրենց կոչերով, հայտարարություններով և տեսաուղերձներով միանում են ԿԳՄՍ նախարար Արայիկ Հարությունյանի հրաժարականի պահանջին՝ այդպիսով իրենց զորակցությունը հայտնելով Հայաստանի երիտասարդական-ուսանողական շարժմանը:

Yerkir.am-ը շարունակում է առանձին շարքով ներկայացնել աշխարհի տարբեր երկրներից ստացված՝ ՀՅԴ մի շարք ուսանողական-երիտասարդական կառույցների կոչերը, հայտարարություններն ու տեսաուղերձները:

Այսպես՝

ԱՄՆ Համահայկական ուսանողական միությունն և ՀՅԴ «Շանթ» ուսանողական միությունն իրենց հատուկ հայտարարությամբ դատապարտում են ՀՀ ԿԳՄՍ նախարար Արայիկ Հարությունյանի առաջարկությունը, այն է՝ վերացնել բարձրագույն կրթության ոլորտում «Հայոց լեզու և գրականության» և «Հայոց պատմություն» առարկաների պարտադիր դասավանդումը:

«Մենք սատարում ենք Հայաստանի ուսանողներին, որոնք պահանջում են նախարարի հրաժարականը: Լինելով քոլեջների և համալսարանների ուսանողներ՝ մենք հասկանում ենք համակողմանի կրթություն ձեռք բերելու կարևորությունը, որը օգտակար է անհատի և հասարակության համար: Անչափ կարևոր է, որ ուսանողներին հնարավորություն տրվի դառնալու տեղեկացված և պատասխանատու քաղաքացիներ: Լեզուն, գրականությունը և պատմությունը բուհում չպետք է լինեն ավագ դպրոցի մակարդակում ուսուցանված բովանդակության կրկնությունը: Դա պետք է ենթադրի վերլուծական և հետազոտական հմտությունների զարգացում և նպաստի դարաշրջանի պատմության խոր գիտակցմանը:

Արայիկ Հարությունյանն առաջարկել է հայոց լեզուն, գրականությունը և պատմությունը հանել բարձրագույն կրթության ոլորտում պարտադիր առարկաների ցուցակից: Այս առարկաները ուսանողների մեջ սերմանում են ազգային ինքնության զգացում և հնարավորություն են տալիս զարգանալու և հաղորդակցվելու որպես ՀՀ քաղաքացիներ: Այդ պատճառով է, որ Միացյալ Նահանգներում Հայ ուսանողական միությունը հետևողականորեն աջակցում է մեր քոլեջների և համալսարանների հայագիտական բաժինների զարգացմանը: Հայոց լեզվի, պատմության և գրականության ուսումնասիրությունը շարունակաբար ոգեշնչել և հզորացրել է մեր կազմակերպությունների ուսանողներին:

Նախարարի որոշումը` վերացնել այդ առարկաների համար պարտադիր պահանջը, անընդունելի է: Հայաստանի մեր ուսանողներն արժանի են այնպիսի առաջնորդի, որը կձգտի գտնել առկա հիմնախնդիրների արդյունավետ լուծումներ, այլ ոչ թե անել հեռուն գնացող հետևանքներ ունեցող առաջարկներ: Արայիկ Հարությունյանը ցույց է տվել, որ ի վիճակի չէ արդյունավետորեն իրականացնել իր լիազարությունները և ներկայացնել ուսանողների շահերը: Այսպիսով՝ Համահայկական ուսանողական միությունը և ՀՅԴ «Շանթ» ուսանողական միությունը պահանջում են նրա անհապաղ հրաժարականը:

Համահայկական ուսանողական միությունն աշխատանքներ է իրականացնում հայ-ամերիկյան տարբեր համալսարանների ուսանողական կազմակերպությունները միավորելու ուղղությամբ՝ այդպիսով ծառայելով ավելի մեծ հայ-ամերիկյան համայնքին մշակութային, սոցիալական, կրթական և ակտիվիստական ծրագրերի միջոցով: Որպես ԱՄՆ-ում ուսանողական ամենամեծ միություն՝ Համահայկական ուսանողական միությունը գործունեություն է ծավալում իր կազմի կազմակերպությունների միջև համագործակցության, դրանց անդամների ղեկավարության զարգացմանը և համայնքային ծառայության համար»,- նշված է հայտարարության մեջ:

ՀՅԴ Արևելյան ԱՄՆ-ի Երիտասարդական միությունը (Հայ Երիտասարդաց դաշնակցության Արևելյան Ամերիկայի երիտասարդական կազմակերպություն) հատուկ կոչով և «Զորավիգ կը կանգնինգ ՀԵՄ-ին եւ իր պահանջներուն» մակագրությամբ լուսանկար է հրապարակել ֆեյսբուքյան պաշտոնական էջում: Լուսանկարում մեկտեղված են նշյալ միության և ՀՅԴ Հայաստանի երիտասարդական միության (ՀԵՄ) տարբերանշանները, իսկ կոչում ասված է հետևյալը. «Հայ Երիտասարդաց դաշնակցության Արևելյան Ամերիկայի երիտասարդական կազմակերպությունն իր իրենց աջակցությունն է հայտնում Հայաստանի ուսանողներին և ՀՅԴ Հայաստանի երիտասարդական միությանը /ՀԵՄ/`պահանջելով ԿԳՄՍ նախարար Արայիկ Հարությունյանի հրաժարականը: #պատվով_հեռացիր»:

ՀՅԴ Արևելյան ԱՄՆ-ի Երիտասարդական միությունը դրանից ժամեր առաջ ևս հրապարակել է հատուկ տեքստ՝ «Չկա՛յ ներսի եւ դուրսի դաշնակցութիւն, կայ մե՛կ դաշնակցութիւն» կոչ՝ կազմակերպության ու ՀԵՄ-ի տարբերանշաններ պարունակող կից լուսանկարով:

Կազմակերպության տարածած հայտարարության մեջ ասվում է. «Հարությունյանն առաջարկել է հանել հայոց լեզուն, գրականությունը և պատմությունը, Հայաստանում բարձրագույն կրթության պարտադիր առարկաների ցուցակից: Այս թեմաներով կրթված ու իրազեկված լինելը մեծապես նպաստում է հայրենիքում քաղաքացիների ինքնությանը և նման դասընթացների վերացումը պառակտում է ստեղծում Հայաստանում սերունդների միջև:

Հարցազրույցում նախարարը, անդրադառնալով իր հրաժարականի պահանջին, ասաց, որ Հայաստանում և Սփյուռքում մեր ընկերների միջև որակական տարբերություններ կան: Հուսով ենք, որ պարոն Հարությունյանը՝ որպես Հայաստանի կրթությունը ներկայացնող դեմք, առնվազն գիտի, որ մեր կազմակերպությունները կարող են ապակենտրոնացված լինել աշխատանքում, բայց ոչ երբեք՝ գաղափարախոսության մեջ, և որ մենք միշտ միավորվելու ենք՝ մեր լեզուն, ժառանգությունը և ինքնությունը պաշտպանելու համար:

Մենք միշտ աջակցելու ենք Հայաստանի մեր եղբայրներին և քույրերին: #պատվով_հեռացիր»:

ՀՅԴ Հունաստանի երիտասարդական միությունն իր ֆեյսբուքյան պաշտոնական էջում տեղադրել է ՀՅԴ ՀԵՄ-ի՝ ԿԳՄՍ-ի հրաժարականը պահանջող նստացույցի մեկնարկի մասին հայտարարությունը՝ կից լուսանկարներով և հատուկ կոչով, որում ասվում է. «Չկայ դրսի եւ ներսի դաշնակցութիւն: Կայ մէկ միասնական դաշնակցութիւն: Հայ ազգի պատմութիւնն ու մշակոյթը պահպանող, ու հայ ժողովուրդի իրաւունքները պաշտպանող, մեր գաղափարական՝ դաշնակցութիւնը։ Կ’աջակցինք ՀԵՄ-ին եւ կը միանանք մեր ընկերներուն։

#մենքենքՀեմը #Պատվով_հեռացիր #Ազգայինկրթություն #Ազգայինմշակույթ.
#Արայիկ_Գնա_տուն»:

ՀՅԴ Սիրիայի երիտասարդական միությունը հանդես է եկել հատուկ տեսաուղերձով, որում միության անդամներն ասում են. «Դրսի և ներսի Դաշնակցություն գոյություն չունի՛: Բոլորս մե՛կ ենք»: Տեսաուղերձն ավարտվում է խմբային հատուկ կոչով և ազգային-հեղափոխական երգեր կատարող Գառնիկ Սարգսյանի՝ «Հպարտ, անպարտ Դաշնակցություն» երգի կատարման հնչյունների տակ ԿԳՄՍ նախարար Արայիկ Հարությունյանի՝ «#պատվով հեռացիր» մակագրմամբ լուսանկարի ցուցադրմամբ: Yerkir.am-ը ներկայացնում է նաև նշյալ տեսաուղերձը:

ՀՅԴ Իրանի երիտասարդական միությունը ֆեյսբուքյան պաշտոնական էջում կատարել է հետևյալ գրառումը. «Հ.Յ.Դ. Հայաստանի երիտասարդական միություն arayik Harutyunyan #պատվով_հեռացիր»:

Էջում տեղադրվել է նաև միության տարբերանշանով լուսանկար՝ «Չկայ դրսի եւ ներսի Դաշնակցութիւն: Կայ մէկ միասնական Դաշնակցութիւն: Ռ.Ե.Մ-ը միանում է Հ.Ե.Մ-ի ընկերներին՝ պահանջելով նախարարի հրաժարականը: #Արայիկ_Գնա_Տուն»:

ՀՅԴ Ռուսաստանի ուսանողական-երիտասարդական միությունն իր պաշտոնական էջում տեղադրել է ՀՅԴ ՀԵՄ-ի՝ նստացույցի մեկնարկի մասին հայտարարությունն ու լուսանկարները՝ դրանից մեկ ժամ առաջ տարածելով նաև հետևյալ հայտարարությունը. «ՀՅԴ ՌՈւԵ միությունն իր զորակցությունն ու աջակցությունն է հայտնում ՀՅԴ Հայաստանի Երիտասարդական միությանն ու պահանջում է ՀՀ ԿԳՍՄ նախարար Արայիկ Հարությունյանի հրաժարականը:

Մենք անընդունելի ենք համարում կրթության և մշակույթի ոլորտի՝ Հայաստանի ներկա քաղաքականությունն ու ՀՀ ԿԳՍՄ նախարարի աշխատանքը գնահատում ենք անբավարար:

Հայագիտական առարկաների արժեզրկումն ու դերի նվազեցումը, քրիստոնեական դաստիարակության դեմ մեկնարկած պայքարը, ազգային արժեհամակարգին անհարիր մշակույթի խրախուսումն ու արկածախնդիր նախաձեռնությունները ուղղակի հարված են Հայ Ազգի միասնականությանն ու երիտասարդ սերնդի հոգևոր-բարոյական զարգացմանը:

Ակնհայտ է, որ նախարար Հարությունյանն ու իր թիմը պատերազմ են հայտարարել հայ մշակույթին և ազգային արժեհամակարգին՝ ակտիվ պայքար մղելով նաև այն ուժերի դեմ, որոնք Հայաստանում, Արցախում և Սփյուռքում խոչընդոտում են իրենց ազգադավ քաղաքականության իրագործմանը: Այս գործընթացն օր առաջ անհրաժեշտ է կասեցնել, քանի որ շարունակությունը հղի է անկանխատեսելի հետևանքներով:

ՀՅԴ Ռուսաստանի Ուսանողական-երիտասարդական միությունը կոչ է անում Հայաստանի, Արցախի և աշխարհասփյուռ հայ երիտասարդներին՝ տեր կանգնել իրենց արժեքներին, թույլ չտալ, որ օտարածին ախտերը թուլացնեն մեր պետականության հիմքերը, և միանալ հայաստանյան մեր եղբայրների և քույրերի արդար պայքարին:

ՀՅԴ Ռուսաստանի «Լևոն Շանթ» ուսանողական-երիտասարդական միություն»:

ՀՅԴ Հոլանդիայի (Նիդերլանդների) երիտասարդական միության անդամները, նոյեմբերի 6-ից սկսած, պաշտոնական էջում պարբերաբար տեղադրում են ՀՅԴ ՀԵՄ-ի՝ ԿԳՄՍ նախարարի դեմ իրականացվող բողոքի ակցիաների լուսանկարները, տեսագրություններն ու հայտարարությունները: Երեկ միության պաշտոնական էջում տեղադրվել է նաև հատուկ տեսաուղերձ, որում միության անդամները հանդես են եկել հետևյալ կոչերով. «Չկա դուրսի կամ ներսի դաշնակցականներ, կա միայն մեկ և միասնական դաշնակցություն: Գաղափարը մե՛կ է, մե՛նք են ՀԵՄ-ը: Մենք Հայաստանի երիտասարդական միության կողքին ենք: Մենք՝ Նիդերլանդների երիտասարդ դաշնակցականներս, զորավիգ ենք ՀՅԴ Հայաստանի երիտասարդական միությանը: Պարո՛ն Արայիկ Հարությունյան: Չկա՛ ներսի և դրսի Դաշնակցություն, կա մե՛կ Դաշնակցություն»: Տեսաուղերձին կցված են հետևյալ խոսքերը.

«Մենք զորավիգ ենք ՀԵՄ-ին

Չկա դրսի և ներսի Դաշնակցություն, կա մեկ և միասնական Դաշնակցություն Arayik Harutyunyan»:

ՀՅԴ Լիբանանի ուսանողական միությունը պաշտոնական էջում հրապարակել է ՀՅԴ ՀԵՄ-ի՝ ԿԳՄՍ նախարարի հրաժարականը պահանջող հայտարարությունը և ՀՅԴ Լիբանանի երիտասարդական միության տեսաուղերձը՝ այդպիսով միանալով և զորակցություն հայտնելով Հայաստանի ուսանողական շարժմանը:

ՀՅԴ Արցախի երիտասարդական միությունն իր պաշտոնական էջում հրապարակել է բողոքի ակցիայի լուսանկարները և տեղադրել հետևյալ հայտարարությունը. «Դաշնակցական երիտասարդի համար առանցքային և անշրջելի է ազգային գաղափարական ուղին:

Բոլոր ապազգային և օտարածին երևույթներն ու դրանց հետևորդները երբեք տեղ չունեն հայ իրականության մեջ:

ԴԱՇՆԱԿՑՈՒԹՅՈՒՆԸ պառակտված տեսնելու ցանկություն ունեցող բոլոր անձանց հիշեցնում ենք, որ չկա «ներսի» և «դրսի», կա մեկ միասնական և միակամ ԴԱՇՆԱԿՑՈՒԹՅՈՒՆ, որը ներկայացնում է համայն հայ ազգի շահերը թե՛ արտասահմանում, թե՛ Հայաստանի և թե՛ Արցախի Հանրապետություններում:

ՀՅԴ Արցախի երիտասարդական միությունը Հայաստանի երիտասարդական միության կողքին է, քանզի ազգային արժեքներով սնվող հայ ժողովրդի միասնական կամքի և պայքարի հաղթանակը կանխորոշված է:
#պատվովհեռացիր»:

ՀՅԴ աշխարհասփյուռ երիտասարդական-ուսանողական միությունների՝ Հայաստանի ուսանողական շարժմանը զորակցելու երթը շարունակվում է:

Yerkir.am-ը ավելի վաղ տեղեկացրել էր, որ Հայաստանի ուսանողական շարժմանն էին միացել ՀՅԴ Երուսաղեմի երիտասարդական միությունը, ՀՅԴ Շվեդիայի երիտասարդական միությունը, ՀՅԴ Բելգիայի երիտասարդական միությունը, ՀՅԴ Ֆրանսիայի երիտասարդական կազմակերպությունը, ՀՅԴ Արևմտյան Ամերիկայի երիտասարդական միությունն ու «Շանթ» ուսանողական միությունը, Լիբանանի Երիտասարդական միությունը, ՀՅԴ Կանադայի երիտասարդական միությունը և ՀՅԴ Սիրիայի երիտասարդական միությունը:

 

դիտվել է 356 անգամ
Լրահոս
Ինչպես են Կապանում ձերբակալվածներին տեղափոխում Երևան (տեսանյութ) Առևանգում, ծեծկռտուք, թմրանյութեր. Մանրամասներ Քաջարանում անձի առերևույթ առևանգման դեպքի առթիվ քրգործի վերաբերյալ Կատարվածն, ըստ էության, քաղաքական հետապնդում է. Քաջարանի քաղաքապետ Բոլոր ձերբակալվածներին բռնության են ենթարկել. Փարամազյանը դուրս եկավ ոստիկանությունից Նիկոլ Փաշինյանի` գյուղացու մտածողությունը Մաքսանենգ ծխախոտի «գլանակը». Խորը անդունդ, հարգանքի բացակայություն հայ-ռուսական հարաբերություններում Պուտինն իր կողմն է քաշել արցախյան բանակցային սեղանը Ով է քաշվել, ում են «գցել» մաքսանենգները Հայաստանի գլխավոր «լվացքարարուհին». մաս 1-ին Ներողություն խնդրելու ծանր գինը. Նիկոլ Փաշինյանի խայտառակությունը Նիկոլ Փաշինյանին հերթական ֆիասկոն է սպասվում Ինչ է կատարվում այս պահին Կապանում. տեսանյութ «Մի՞թե երկրի վարչապետը միայն վիրուսներից խոսալու համար է… Թփերի տակ նկարներ, կորոնավիրուս, ձերբակալություններ…» Ինչո՞ւ են ոստիկանական ուժեր շարժվում դեպի Կապան Նեթանյահուին կդատեն Քաջարանի ոստիկանությունում անազատության մեջ պահվող անձին առերևույթ խոշտանգելու փաստով ոչ թե պետք է ծառայողական քննություն իրականացվի, այլ անմիջապես քրեական գործ հարուցվի. Ռուբեն Մելիքյան «Նիկոլ Փաշինյանն այլևս կորցրել է մեր ժողովրդի մեծամասնության վստահությունն ու աջակցությունը.եղբա՛յր «задержка»-ն ինչու՞մն ա...» (տեսանյութ) 2 տարում այդպես էլ չհասկացաք, որ կառավարումը հիստերիկ լայվեր անելը չէ, այլ գլուխը կախ համակարգային աշխատանքը. Կարեն Վրթանեսյանը՝ Փաշինյանին Իշխանական պատգամավորներն ընդունում են միայն Հանրային հեռուստաընկերության հրավերը Ոստիկանության զորքերը Կապան կհասնեն 1 ժամից. տեսանյութ Փաստորեն, Նիկոլի ընտանեկան թերթի կայքում պատկերված առանձնատունն էլ Սամվել Ալեքսանյանինն է Կրիմինալի ու կոռուպցիայի հետ կոմպրոմիս չի լինելու. Փաշինյան Ոստիկանական զորքեր են տեղափոխվում Կապան. պատգամավոր Անտեղի, չարած որևէ բանի համար որևէ մեկը պատիժ չի կրի. Հունան Պողոսյանը Կապանում է Դաժանաբար փակվելու է. Փաշինյանը՝ կորոնավիրուսի նոր բռնկման մասին. Տեսանյութ
Ամենաընթերցվածները
Շուտով
Մայիսի 25-ին` ժամը 13:00-ին, «Հայելի» ակումբի հյուրերն են քաղքական վերլուծաբան Գուրգեն Եղիազարյանը և «Այլընտրանքային քաղաքապետարան» նախաձեռնության անդամ, Երևանի ավագանու նախկին անդամ Սոնա Աղեկյանը: Թեմա` ՀՀ առողջաօահության նախարար Ա. Թորոսյանի հայտարարությունների, առաջացած սկանդալի շուրջ, պատասխան Վրաստանից, ՀՀ երկրորդ նախագահ Ռ. Քոչարյանի դատական գործ, փաստաբանները բողոքը հետ են վերցրել: Հահաստանից ծխախոտի արտահանման վերաբերյալ սկանդալ, ինչ մաքսանենգություններ են իրականացվել Մայիսի 25-ին` ժամը 12:00-ին, «Հայելի» ակումբի հյուրերն են ՍԱՊԾ նախկին պետ Գրիգոր Գրիգորյանը, հոգեբան Միհրդատ Մադաթյանը և քաղաքական գործիչ Հովհաննես Շահինյանը: Թեմա` ՀՀ առողջաօահության նախարար Ա. Թորոսյանի հայտարարությունների, առաջացած սկանդալի շուրջ, պատասխան Վրաստանից, ՀՀ երկրորդ նախագահ Ռ. Քոչարյանի դատական գործ, փաստաբանները բողոքը հետ են վերցրել: Հահաստանից ծխախոտի արտահանման վերաբերյալ սկանդալ, ինչ մաքսանենգություններ են իրականացվել Մայիսի 25-ին ժամը 11:00-ին «Հայելի» ակումբի հյուրերն են Նարեկ Մանթաշյանը և սոցիոլոգ Ահարոն Ադիբեկյանը: Թեմա` Կորոնավիրուսի հետևանքով առաջ եկած խնդիրներ, կառավարության քայլերը, տարածման վիճակը, պայքարի վերաբերյալ հանրության գնահատականը: Մանսագետները կներկայացնեն իրականացրած ուսումնասիրությունները: Հարգելի՛ լրագրողներ, սույն թվականի մայիսի 24–ին կիրակի օրը ժամը 16:00-ից 19:00-ը Երևան Մոլի գլխավոր մուտքի մոտ (Արշակունյաց 34 հասցեով ) տեղի է ունենալու «Շելբի» ընկերության կողմից նախագծված ու արտադրված Կորոնավիրուսի դեմ պայքարի միջոցառումների շրջանակներում իրականացվող ախտահանիչ սարքի գործարկումը՝ քաղաքացիների անմիջական մասնակցությամբ : Սիրով հրավիրում ենք բոլոր նրանց , ում հետաքրքիր է , թե ինչպես է աշխատում սարքը , ինչ բաղադրություն ունի օգտագործվող ախտահանիչ նյութը և ինչ արդյունք է տալիս : Մայիսի 23-ին, ժամը 11:00-ին Հայելի ակումբի հյուրերն են փաստաբան Տիգրան Աթանեսյանը և Արցախի նախկին մարդու իրավունքների պաշտպան Ռուբեն Մելիքյանը: Թեմա՝ Հարձակում է տեղի ունեցել փաստաբան Տիգրան Աթանեսյանի բնակարանի վրա: 4 տղամարդիկ ներխուժել են բնակարան այն պահին, երբ փաստաբանը տանը չի եղել. բնակարանում են եղել կինն ու անչափահաս երեխաները: Կներկայացնեն դեպքի մանրամասները Մայիսի 22-ին՝ ժամը 12:00-ին, տեղի կունենա Կորոնավիրուսի տարածման հետևանքով մարզական աշխարհում ստեղծված իրավիճակի վերաբերյալ աշխատանքային քննարկում։ Քննարկման ուղիղ հեռարձակմանը կարող եք հետեւել ԱԺ պաշտոնական կայքի Լուրեր բաժնում։ Հարգելի գործընկերներ, այս պահին Հայացք մամուլի ակումբը հարգելի պատճառով գործում է Կորյունի 19 հասցեում՝ 8-րդ հարկ (ՀԱԿ նախկին շենք, Որարտու համալսարանի շենք): Հեռ.091 500992, 098 500448 Մայիսի 22-ին, ժամը` 12 00 «Հայացք» մամուլի ակումբի հյուրերն են ԵՊԲՀ Բժշկական հոգեբանության ամբիոնի վարիչ, «Ինթրա» հոգեկան առողջության կենտրոնի գլխավոր հոգեբան Խաչատուր Գասպարյանը և Հայկական հոգեբուժական ասոցիացիայի նախագահ, Համաշխարհային հոգեբուժական ասոցիացիայի պատվավոր անդամ Արմեն Սողոյանը: Թեման՝ Կորոն... Մայիսի 22-ին` ժամը 12:00-ին, Պոստ Սկրիպտում մամուլի ակումբի հյուրերն են` «Դեմոկրատական այլընտրանք» կուսակցության նախաձեռնող խմբի ղեկավար Սուրեն Սուրենյանցը, անդամներ Գրգորի Մկրտիչյանը, Լիլիթ Սիլանյանը եւ Հայկ Անդրեասյանը։ Թեմա`Արտակարգ դրություն՝ համաճարա՞կի, թե՞ ազատությունների դեմ Մայիսի 21-ին, ժամը 11:00-ին Հայելի ակումբի հյուրերն են՝ «Մեկ Առողջություն» կոալիցիայի համահիմնադիր, կոալիցիայի սոցիալական և պարենային անվտանգության հարցերով փորձագետ Մարիամ Բադալյանը և հոգեբան Տաթևիկ Նահապետյանը: Թեմա՝ Հայաստանում Լանզերոտեի կոնվենցիայի դրույտների իրականացման կասկածելի նպատակները և հնարավոր վտանգները Մայիսի 21-ին ժամը 12:00 Փաստարկ մամուլի ակումբի հյուրերն են ԿԱՄՔ հասարակական նախաձեռնության ներկայացուցիչ Վահագն Չախալյանը, Արթուր Ալեքսանյանի պաշտպաններ Էմին Բեգլարյանը և Կարեն Մեժլումյանը: ԹԵՄԱ՝ Լանզարոտի կոնվենցիայի հապշտապ վավերացման և բողոքի ակցիայի մասնակից Արթուր Ալեքսանյանի ապօրինի ձերբակալման փաստերը՝ իրավական և հասարակական-քաղաքական տեսանկյուններից: Ժամը 13:00՝ ,,Ադրբեջանահայերի ասամբլեա՛՛ ՀԿ նախագահ, ադրբեջանագետ Գրիգորի Այվազյանը: ԹԵՄԱ՝ Արցախի համապետական ընտրությունների, պաշտոնակ...