Կոչ եմ անում դրսի Դաշնակցությանը տեր կանգնել անդաստիարակ պահվածք դրսևորող դաշնակցականներին.Արայիկ Հարությունյան (video)
Կրթության, գիտության, մշակույթի և սպորտի նախարար Արայիկ Հարությունյանը պատրաստ է հրաժարական տալ այն ժամանակ, երբ կկարծի, թե իր լիազորությունները բավարար չի կատարում: Այդ մասին Հարությունյանը նշեց կառավարության նիստից հետո լրագրողների հետ զրույցում:
Դիտարկմանը, թե խնդիրը իր լիազորությունները չեն, խնդիրն այն է, որ նախարարն իր լիազորություններն այլ կերպ է օգտագործում, ինչը վտանգում է մեր արժեքները, նախարարը նշեց՝ ավելորդ է դրան պատասխանել։
«Կլինեն խմբեր, որ կարող են նաև նման պահանջներ դնել, նորմալ գործընթաց է: Մենք պատրաստ ենք այդ խմբերին ընդունել, նրանց պահանջները լսել, բացատրել, բայց ես, ինչքան երեկ հասկացա, նրանց ոչ բոլոր հատվածներն են հակված որևէ պահանջ ձևակերպելու և դնելու, այլ պարզապես քաղաքական ակցիա են իրականացնում», - ասաց Հարությունյանը։
Հարցին, ե՞րբ կկարծի, թե իր լիազորությունները չի կատարում՝ նախարարը ասաց. «Չեմ կարող ասել, տարբեր իրադարձություններ… Սա այդ իրավիճակը չէ»: