Փաշինյանը իր լիազոր ներկայացուցչին ուղարկում է տեռորիստի հետ հանդիպման. Դավիթ Շահնազարյան

 «Այս իշխանությունը իր կառավարման առաջին իսկ փուլից սկսեց թիրախավորել թե՛ Արցախը, թե՛ Արցախի կազմավորման ու պետականության ձևավորման գործում մեծ ներդրում ունեցած գործիչներին: Փաշինյանի բոլոր գործողությունների թիրախում Արցախն է»:

Անժելա Թովմասյանի հեղինակային «Հայելու առաջ» հաղորդաշարի ընթացքում նման հայտարարություն է արել քաղաքական և պետական գործիչ Դավիթ Շահնազարյանը, ով Վազգեն Մանուկյանի հետ միասին համարվում է «Վերնատուն» ակումբի հիմնադիրներից մեկը: Շահնազարյանի խոսքով` իշխանությունն արդեն տանուլ է տալիս Մարտի 1-ի գործը: Նրա կարծիքով` իրականում Մարտի 1-ի գործ չկա, այն ընդամենը Ռոբերտ Քոչարյանի դեմ ուղղված քաղաքական գործընթաց է. «Փաշինյանի նպատակն է, որ Հայաստանում խոսեն ամեն ինչից, բացի իր` Արցախի դեմ ուղղված «մերժիր Արցախը» քաղաքականությունից: Խնդիրը, որ Փաշինյանի առջև դրել են իրեն իշխանության բերած դրսի ուժերը, հետևյալն է, Հայաստանում հաստատել մենիշխանութնուն բոլոր ոլորտներում»,- ասել է Շահնազարյանը և ավելացրել, թե Հոկտեմբերի 27-ի գործը, մի կողմից աղմուկ է, մյուս կողմից իշխանության անհեռատես մտածողությամբ համոզված է, որ դրանով կարող են Վազգեն Մանուկյանին վարկաբեկել:

«Փաշինյանը իր լիազոր ներկայացուցչին ուղարկում է տեռորիստի հետ հանդիպման, որ կարող է հանրային ուշադրությունը շեղել և դա իրեն հաջողվում է, որովհետև դրանով թելադրում է հանրային օրակարգ»,- նշել է Շահնազարյանը` նկատի ունենալով ԱԺ պատգամավոր Արման Բաբաջանյանի հանդիպումը ոճրագործ Նաիրի Հունանյանի հետ: Դիտարկմանը, թե Արման Բաբաջանյանի հետ նախկինում ինքը` Շահնազարյանը, բավական երկար ժամանակ համագործակցել է, բանախոսն արձագանքել է. «Համագործակցել եմ այնքանով, որ ինքն ունեցել է կայք, որտեղ ես հանդես եմ եկել, դա եղել է անցյալում»: 

Ընդհանրապես այս իշխանության ամենամեծ բաղադրիչներից մեկն այն է, որ իրենք համագործակցում են տեռորիստների հետ. «Սասնա ծռեր»-ը վարչապետի աջ ձեռքն են: Նախկինում էլ եմ ասել` «Սասնա ծռերը» Փաշինյանի քիլլերներ են, որոնք ոչ մի բանի առաջ կանգ չեն առնի: Նրանց պահանջով հեռացվեց ԱԱԾ տնօրենը: Այդ պահանջը դրվել էր «Սասնա ծռերի» կողմից`  Փաշինյանի հետ հանդիպման ժամանակ: Նրանք պատրաստ են գնալ ընդհուպ մինչև ծայրահեղ քայլերի Փաշինյանի քաղաքական հակառակորդների դեմ,- նշել է Շահնազարյանը և շարունակել.- մենք 30 տարիների ընթաքում կայացրել ենք անվտանգության համակարգի կառույցները, որոնք հիմա ջախջախված են: Անվտանգության համակարգի կարևոր մասն է ԱԱԾ-ն, մամուլը, փորձագիտական հանրույթը, քաղաքացիական հասարակությունը: Այս ինստիտուտների արդյունավետությամբ է որոշվում, թե մենք ինչպիսի պետություն ենք` կայացած ենք, կայացող ենք»:

Շահնազարյանը գտնում է, որ Աշխաբադում Փաշինյանն իրեն ճիշտ չի դրսևորել` տրվել է ողորմելի թույլ պատասխան, որովհետև պատրաստված չէր: Իսկ պատրաստված չէր, որովհետև անվտանգության համակարգի նշված օղակները արդյունավետ չեն աշխատում: Դավիթ Շահնազարյանի խոսքով` երբ Փաշինյանն ասում թե, Արցախը Հայաստանն է` կրկնում է «Սասնա ծռերի» մոտեցումը: «Այսինքն` նրանք Արցախը դիտարկում են որպես ՀՀ մարզ, որը ծանրագույն հարված է ինքնորոշման սկզբունքին և Արցախին: Երբ ինքը հայտարարում է, որ Արցախի հարցի լուծումը պիտի բավարարի Հայաստանի, Արցախի և Ադրբեջանի հանրությանը և հպարտանում, թե առաջին ղեկավարն է, որ նման բան է ասում.... իհարկե, նման անհեթեթություն Հայաստանի ոչ մի ղեկավար երբեք չէր ասել, որովհետև սա ուղղակի հարված է ինքնորոշման սկզբունքին: Ինքը այդ կարգի ծայրահեղական և պոպուլիստական հայտարարություններով ինքնորոշման սկզբունքն ամբողջապես ոչնչացրել է: Գուցե ինչ-որ մարդկանց համար հաճելի լինի, բայց դրա վտանգները մենք արդեն տեսնում ենք: Բանակցային գործընթացում մտցվել է որակական փոփոխություն: Հայաստանը միշտ եղել է կառուցողական և կոնստրուկտիվ` միշտ միջազգային հանրությունն ու Հայաստանը եղել են մի կողմում,  Ադրբեջանը` մյուս կողմում: Հիմա դա ամբողջությամբ փոխվել է, այսինքն` եկել հասել ենք լիսաբոնյան կարգավիճակի: Լիսաբոնում ինչ ունեինք` Արցախի հարցի դեմ համախմբված միջազգային հանրություն` մինուս մեկ: Այդ մինուս մեկը Հայաստանն էր: Հիմա մենք հասել ենք մի վիճակի, որ միջազգային հանրությունն ու Ադրբեջանը մի կողմում են, մենք` մյուս»,- նշել է Շահնազարյանը և, որպես ասվածի  մասին վկայող փաստ, նշել Լավրովի մի քանի հայտարարությունները:  

Շահնազարյանը նաև համոզմունք է հայտնել, որ Միջազգային հանրությունը «Սասնա ծռերի» հետ կապված դեռ մեղադրելու է Հայաստանին` տեռորիզմին հովանավորելու և տեղ տալու համար: Անդրադառնալով նախկին իշխանությունների վարած արտաքին քաղաքականությանը` նա նշել է, որ ինքը կողմ է եղել Սերժ Սարգսյանի վարած արտաքին կուրսին: 

դիտվել է 3777 անգամ
Լրահոս
Նիկոլ Փաշինյանի նյարդերը տեղի են տվել Նոր դիվանագիտական սկանդալ է հասունանում արտգործնախարարությունում Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար Փաշինյանը փակագծերը չի բացում. Արեւմտամետները կասկածում են Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին Ովքե՞ր են ընդգրկված լինելու Հայկ Մարությանի նոր կուսակցությունում Դիանա Գալոյանը նոր պաշտոն կստանա՞ Գյումրիում Նիկոլ Փաշինյանին շատ «ջերմ» ընդունելություն են ցույց տվել Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am