Շատ մի' դատիր, դատվել կա, հատկապես որ օրենք չգիտես

Մինչ իշխանությունը ուժասպառ է լինում Հրայր Թովմասյանի` Սահմանադրական դատարանի դատավոր ընտրվելու օրինականությունը պարզելու, իսկ ավելի ճիշտ` ամեն գնով անօրինականության պիտակ կպցնելու ուղղությամբ, ի հայտ են գալիս նոր հանգամանքեր` կապված Արարատ Միրզոյանի` ԱԺ նախագահ ընտրվելու օրինականության հետ:

Պարզվում է` ՀՀ ԱԺ գործող նախագահ Արարատ Միրզոյանը պատգամավորի մանդատ է ստացել, ապա նաև ընտրվել ՀՀ ԱԺ նախագահ՝ առանց ազատվելու ՀՀ առաջին փոխվարչապետի պաշտոնից։ Նրա լիազորությունները դադարեցնելու վերաբերյալ առկա չէ որևէ փաստաթուղթ։ Այս մասին «Փաստինֆո»-ի հարցմանն ի պատասխան` հայտնել են ՀՀ նախագահ Արմեն Սարգսյանի աշխատակազմից։ «Փաստինֆո»-ն գրավոր դիմել էր նախագահի աշխատակազմին՝ խնդրելով տեղեկացնել, թե երբ է Արարատ Միրզոյանն ազատվել ՀՀ առաջին փոխվարչապետի պաշտոնից։
Ինչպես հայտնի է, Միրզոյանը գործադիրում բարձր պաշտոն էր ստացել 2018 թվականի ապրիլին տեղի ունեցած հեղափոխությունից հետո, երբ ՀՀ վարչապետ դարձավ Նիկոլ Փաշինյանը։ Ա. Միրզոյանի նշանակման հրամանագիրն ստորագրվել է 2018 թվականի մայիսի 11-ին, իսկ նույն տարվա դեկտեմբերին տեղի ունեցած ԱԺ արտահերթ  ընտրություններում նա ընտրվել է պատգամավոր, ապա՝ ԱԺ նախագահ։
«Փաստինֆո»-ն ՀՀ նախագահի պաշտոնական կայքում, ինչպես նաև «arlis.am» տեղեկատվական հարթակում չի գտել նրան պաշտոնից ազատելու մասին հրամանագիրը։ Ուստիև գրավոր հարցմամբ դիմել է ՀՀ նախագահի աշխատակազմ՝ նպատակ ունենալով հասկանալ, թե արդյոք Արարատ Միրզոյանը՝ պատգամավորի մանդատ ստանալիս, ԱԺ նախագահ ընտրվելիս ազատվել էր գործադիրի իր պաշտոնից։ Պարզվել է՝ ոչ, չի ազատվել։
«ՀՀ նախագահն ԱԺ նախագահ Արարատ Միրզոյանին առաջին փոխվարչապետի պաշտոնից ազատելու վերաբերյալ կառավարությունից առաջարկություն չի ստացել, հետևաբար չի ընդունվել նախագահի համապատասխան հրամանագիրը»,- նշված է ՀՀ նախագահի աշխատակազմից ստացված պատասխանում։ Հիշեցենք, որ Նիկոլ Փաշինյանը 2018 թվականի հոկտեմբերի 16-ին հրաժարական տվեց ՀՀ վարչապետի պաշտոնից։ Նույն օրը նախագահը, ՀՀ Սահմանադրության 130-րդ հոդվածով սահմանված կարգով, ընդունել է կառավարության հրաժարականը։ Իսկ ՀՀ Սահմանադրության 158-րդ հոդվածը սահմանում է, որ հրաժարականի դեպքում կառավարության անդամները շարունակում են պաշտոնավարել՝ մինչեւ նոր կառավարության ձեւավորումը։ Սա հիմք ընդունելով՝ Նիկոլ Փաշինյանը շարունակել է կատարել վարչապետի պարտականությունները, իսկ կառավարության մյուս անդամներն էլ՝ իրենց պարտականությունները։ Նրանց թվում նաեւ Արարատ Միրզոյանն է կատարել փոխվարչապետի իր պարտականությունները:

2019 թվականի հունվարի 14-ին 7-րդ գումարման խորհրդարանը Նիկոլ Փաշինյանին ընտրել է վարչապետ, իսկ կառավարության ձեւավորումը շարունակվել է մինչեւ կառավարության նոր կառուցվածքի հաստատումը։ Նախագահը հունվարի 16-ին Մհեր Գրիգորյանին և Տիգրան Ավինյանին նշանակել է փոխվարչապետներ, իսկ առաջին փոխվարչապետի հարցը մնացել է առկախված: Հետագայում արդեն` 2019 թվականի մայիսին, երբ ուժի մեջ է մտել կառավարության կառուցվածքի և գործունեության մասին նոր ՀՀ օրենքը, առաջին փոխվարչապետի պաշտոնը լուծարվել է: Իսկ այդ ընթացքում, Արարատ Միրզոյանը, թերևս իր գիտությունից անկախ համատեղել է երկու անհամատեղելի պաշտոն՝ ՀՀ առաջին փոխվարչապետի և ԱԺ նախագահի։

Փաստորեն, Միրզոյանը ազատված չի եղել առաջին փոխվարչապետի պաշտոնից, նրա փոխարեն նոր մարդ այդ պաշտոնում չի նշանակվել, ինչն էլ նշանակում է, որ նա համարվել է միաժամանակ և' փոխվարչապետ, և' ԱԺ նախագահ, ինչը Սահմանադրության խախտում է: Սահմանադրության 95-րդ և 98-րդ հոդվածներով սահմանված կարգով` իրավունքի ուժով դադարեցվում է ԱԺ պատգամավորի լիազորությունները՝ անհամատեղելի այլ պաշտոն ստանալու դեպքում: Այս դեպքում, քանի որ չի եղել հրաժարականը կամ ազատումը հավաստող իրավական ակտ, կարելի է վիճարկել ԱԺ նախագահ Արարատ Միրզոյանի մանդատի օրինականության հարցը:
Ինչպես ասում են` շատ մի' դատիր, դատվել կա: Իսկ եթե չես ուզում դատվել, լուրջ իրավաբանական թիմ ունեցիր, որովհետև իշխանությունը ժամանակի հետ փոխվում է, իսկ Սահմանադրությունն ու օրենքները ամեն դեպքում` ոչ:

 

 Հայկ  Դավթյան

 

դիտվել է 4475 անգամ
Լրահոս
«Մտահոգիչ է, եթե նման բաներ կան», ԲԴԽ անդամը՝ «չաթի» արտահոսքի հետևանքով դատավորների հրաժարականի մասին «Կրոկուսի» ահաբեկչության ժամանակ մի խումբ մարդկանց փրկած Կարեն Ենգիբարյանը մահացել է Ինչպես են դատավորները փախչում, երբ խոսքը գնում է Փաշինյանի իշխանության կողմից ճնշվելու մասին (video) Փրկարարները դուրս են բերել ավտոմեքենան Արփա գետից «Ալենի երգը երգած է․ չի պլստալու»․ Միկա Բադալյան (video) Ռուս փորձագետ Մաքսիմ Վասկովը հակադարձում է Փաշինյանին ու իր ՔՊ-ականներին (video) Մենք էլ մարդ ենք ման գալիս, ով կապացուցի, որ Ալենն իր հոր տղեն է, ոչ թե՝ հարևան Գագոյի․ Կիվիրյան (video) Բլինքեն-Փաշինյան-Ֆոն դեր Լայեն հանդիպումը նվիրված չէ «անվտանգության երաշխիքներին». Պիտեր Ստանո Ո՞վ է մատնիչը․․․ (video) Վտանգավոր Մհերը, ով վտանգում է մեր հողերը «Ղռերի կատվի» մեկ միլիոնանոց կայֆերը․ նոր թալանը սկսված է․ Մանկավարժ (video) Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ Աննա Հակոբյան, թանկ չի՞․․․ 200 հազարով գիտե՞ս՝ ինչեր կան․․․ (video) «Դուք տեսե՞լ եք իմ ձերբակալության կադրերը»․ Սամսոնյանի նամակը ԱՄՆ դեսպանին․ ակցիա (video) Քրեական վարույթի շրջանակներում որոնվում են տեսագրության մեջ պատկերված անձինք ՀՀ տարածքում կան փակ ավտոճանապարհներ Թուրքիայի լրջագույն կապը Ռուսաստանում սարսափելի ահաբեկչությանը․․․ (video) Ծանրամարտի ԵԱ-ի բացման ժամանակ տեղի ունեցած անմիտ արարքից հետո միջազգային ֆեդերացիան լուրջ մտահոգություն ուներ. Արայիկ Հարությունյան Վահե Ղազարյան, ես ձեզ զգուշացնում եմ՝ բոլորդ փտելու եք բանտերում․ Մարինա Խաչատրյան (video) Ռուս փորձագետն զգուշացրեց՝ ինչ է սպառնում Հայաստանին՝ հակառուսական այս խայտառակ քարոզի պատճառով (video) 102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Տավուշում Նիկոլն Ալիևի հետ գաղտնի պայմանավորվածության է եկել. Ադրբեջանի հարցերով փորձագետ (video) Կորել են բնաՊԱՀՊԱՆԱԿները, համարել անվավեր Ծառահատումներ՝ բռնությունների կիրառմամբ Դատավորի սիրտը Ծաղկաձորում տուն է ուզում․․․ (video)
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am