Ալիևի նենգ ծրագիրը բացահայտվեց

Բաքվում ընթանում էր Չմիավորման շարժման պետությունների 18-րդ գագաթնաժողովը, որի բացմանը ելույթ է ունեցել Ադրբեջանի նախագահը:

«Լեռնային Ղարաբաղը բնիկ ադրբեջանական հող է, և այս հակամարտությունը կարող է կարգավորվել միայն Ադրբեջանի տարածքային ամբողջականության շրջանակներում», - հայտարարել է Իլհամ Ալիևը՝ Բաքվում բացելով Չմիավորման շարժման պետությունների 18-րդ գագաթնաժողովը:

Ելույթ ունենալով 158 երկրներից ու միջազգային կազմակերպություններից ժամանած բարձրաստիճան հյուրերի առջև, Ալիևը կրկին խոսել է «ադրբեջանական հողերի օկուպացիայի», փախստականների ու բռնի տեղահանվածների մասին՝ մեղադրանքներ հնչեցնելով Հայաստանի հասցեին: «Փորձելով ջնջել ադրբեջանական հետքերը՝ Հայաստանը միտումնավոր փոխում է բոլոր տեղանունները, ինչպես նաև վերաբնակեցման ապօրինի քաղաքականություն վարում և օկուպացված տարածքներում զբաղվում ապօրինի տնտեսական գործունեությամբ», - պնդել է Ալիևը, թեև ԵԱՀԿ Մինսկի խմբի միջնորդները Ղարաբաղի հարակից շրջաններ կատարած այցերի ընթացքում նման փաստեր չէին արձանագրել:

Ռուսաստանը Չմիավորված երկրների այս շարժմանը չի անդամակցում, նախագահ Պուտինը, սակայն, այսօր ողջույնի խոսք է հղել գագաթնաժողովի մասնակիցներին: «Ռուսաստանը հետևողականորեն աջակցում է արդար, բազմաբևեռ աշխարհակարգի կայացմանը», - գրել է Վլադիմիր Պուտինը, փաստելով, որ կազմակերպության ներկայիս հավաքն անցնում է դժվարին միջազգային իրավիճակում, երբ մի շարք տարածաշրջաններում ռազմական հակամարտությունների սրացում է նկատվում:
Չմիավորված երկրների շարժումը, որը մեծությամբ երկրորդ միջազգային կազմակերպությունն է ՄԱԿ-ից հետո, ձևավորվել է 1961-ին՝ նախկին Հարավսլավիայի մայրաքաղաք Բելգրադում: Դրան անդամակցել են այն պետությունները, որոնք «սառը պատերազմի» օրերին որոշել են չմիանալ գերտերությունների առաջնորդած կառույցներին՝ ՆԱՏՕ-ին կամ Վարշավյան պակտին: Հետագայում՝ Խորհրդային Միության փլուզումից ու Վարշավյան պակտի լուծարումից հետո, կազմակերպության անդամ են դարձել նաև նախկին խորհրդային մի շարք հանրապետություններ, այդ թվում՝ Ադրբեջանը, որն այսօր ստանձնեց կառույցի նախագահությունը:

Բացելով գագաթնաժողովը, Իլհամ Ալիևը հայտարարեց՝ առաջիկա երեք տարիներին՝ իր նախագահության ընթացքում, Բաքուն հիմնվելու է Բանդունգի կոնֆերանսում ընդունված սկզբունքների՝ տարածքային ամբողջականության, այլ երկրների ներքին գործերին չմիջամտելու, փոխադարձ շահերը հարգելու, սահմանների բռնի փոփոխության անթույլատրելիության վրա:

Ակնկալվում է, որ հավաքի ավարտին կազմակերպության անդամները եզրափակիչ հռչակագիր կստորագրեն, որտեղ, չի բացառվում, որ անդրադարձ կլինի նաև տարածքային ամբողջականության ու հակամարտությունների կարգավորման հարցին:
Գագաթնաժողովի հյուրերի թվում են մոտ վեց տասնյակ երկրների առաջնորդներ ու վարչապետներ, այդ թվում՝ Իրանի նախագահ Հասան Ռոհանին, Վենեսուելայի նախագահ Նիկոլաս Մադուրոն, Կուբայի առաջնորդ Միգել Դիաս-Կանելն ու Հյուսիսային Կորեայի խորհրդարանի խոսնակ Չխվե Ռյոն Հեն:

Ալիևի տակտիկան շատ հստակ է. նա արդեն որևէ առիթ բաց չի թողնում պատասխանելու օգոստոսին Ստեփանակերտում՝ «Արցախը Հայաստան է և վերջ» հայտարարությանը:

Մյուս կողմից, անվերջ պատասխանելով Փաշինյանին, Ալիևը այլ խնդիր էլ է լուծում:
Ալիևը բանակցությունների փակուղային իրավիճակի պատրանք է ստեղծում և այն գցում է Փաշինյանի ուսերին, իբր՝ «մենք ցանկանում էինք խնդիրը լուծել, բայց Փաշինյանը հայտարարեց՝ Արցախը Հայաստան է, ու հիմա այլևս հնարավոր չէ բանակցել»...
Եվ ի՞նչ է մնում Ալիևին... Նա մտել է սադրանքների ու Հայաստանին «օկուպանտ» անվանելու մարտավարությունը թեժացնելու ռեժիմ: Այս դերում նա անուղղակիորեն հայկական կողմին «ճնշում» է առաջիկա բանակցություններից առաջ:
Հայկական կողմի պատասխանը չպետք է ուշանա: Չպետք է թույլ տալ, որ Ալիևը դիվանագիտական դաշտում կեղծիքների միջոցով Հայաստանին նեղը գցի:

Թամար Բագրատունի

դիտվել է 1981 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am