«Իշխանություններն ամեն ձև փորձում են ձերբազատվել Հրայր Թովմասյանից». Արա Վարդանյան

«Հայաստան» համահայկական հիմնադրամի նախկին տնօրեն Արա Վարդանյանը ֆեյսբուքյան իր էջում գրել է. «Իշխանություններն ամեն ձև փորձում են ձերբազատվել Հրայր Թովմասյանից: Նույն իշխանության մեջ շատ քչերն են հասկանում, որ նման բիրտ ու հակաօրինական քայլերով իրենք ի ցույց են դնում մեկ այլ փաստ. իրենք կասկած չունեն, որ Եվրոպական դատարանը և Վենետիկի հանձնաժողովը, միանշանակ, ներկայացնելու են կարծիքներ ի օգուտ նախագահ Քոչարյանի: Եվ ինչքան ավելի մեծ է ճնշումը Հրայր Թովմասյանի վրա, այդքան ակնհայտ է վերը ասվածը: Դուք ձեզ վառում եք ընկերներ, կողքից շատ խնդալու եք:
Փաստորեն, ձեր յուրային իրավաբանները, ինչպես օրինակ ՍԴ չկայացած նախագահ Վահե Գրիգորյանը, ձեզ զեկուցել են, որ նախագահ Քոչարյանի գործը ջուր է: Իրոք, ուրախ եմ, որ գիտակցված եք անում այս բոլոր հակասահմանադրական քայլերը: Հավատացեք, որ հենց այսպես էլ գիտակցված խմբակային պատասխան եք տալու»: