Օբյեկտիվ հատիկ կա արմատացած այն կարծիքներում, որ ՍԴ-ի շուրջ ընթացող գործընթացները կրում են քաղաքական ենթատեքստ․ Իվետա Տոնոյան
ՀՀ ազգային ժողովի «Բարգավաճ Հայաստան» խմբակցությունը պաշտոնյաների աշխատավարձերի բարձրացման գործընթացում օրենքին, օրինականությանը համապատասխանության մասով խնդիր չի տեսնում:
«Իրավական և օրենքով սահմանված կարգով ամեն ինչը տեղի է ունեցել օրինականության սահմաններում, վարչապետը դրան հղումներ արեց: Մենք ընդամենը խոսում ենք հասարակության համար դրա ոչ հասանելի լինելու մասին: Կարծում եմ, որ հեղափոխությունից հետո հասարակությունը վաստակել է իրավունքը` տեղեկանալու նման կարևոր որոշումների մասին: Սա ոչ ռազմական, ոչ անվտանգության հետ կապված խնդիր չէր, որ տեղի էր ունեցել հանրությունից գաղտնի»,-ասաց Իվետա Տոնոյանը:
Խոսելով վերջին օրերին ձերբակալությունների մասին` նշեց, որ հանրության մեջ կա արմատացած կարծիք, որ ԱԺ նախկին նախագահ Արա Բաբլոյանի և ԱԺ աշխատակազմի ղեկավարի տեղակալ Արսեն Բաբայանի հետ տեղի ունեցող գործընթացները կրում են քաղաքական ենթատեքստ, և որ այն չեն տեղավորվում իրավական հարթության մեջ։
«Որոշ հայտարարություններ, որոնք հնչում են իշխանության այս կամ այն ներկայացուցչի կողմից ՍԴ-ի վերաբերյալ, քաղաքական է, և դրա հետ առնչություն ունեցող ցանկացած զարգացում, որքան էլ լինի իրավական, տեղավորվում են քաղաքական հարթության մեջ»,-ասաց նա։
Տոնոյանը նշեց, որ իրենք հուսով են, որ որևէ անօրինական գործընթաց՝ ցանկացած քաղաքացու հետ կապված, կապ չունի կլինի Արսեն Բաբյանը, Արա Բաբլոյանը, թե Հրայր Թովմասյանը:
Հետևեք մեզ Viber-ում
