Ու՞մ է Գարիկ Սարգսյանը տվել մարզպետարանի միջոցներից ավելի քան 3 մլն 490 հազար դրամ

16:07 - 24/հոկտեմբերի/2019

Դիտել նաև Նարեկ Սարգսյանին պատկանող մի շարք գույքերի բռնագանձման պահանջ է ներկայացվել «ԱՄՆ-ում ավարտվեցին միջանկյալ ընտրությունները, ովքե՞ր են հաղթել և մեզ դրանից ի՞նչ»․ Սուրեն Սարգսյան Արդեն 15 օր է հորինված մեղադրանքով Հայկ Սարգսյանը պահվում է կալանքի տակ. Մակինյան Ինչպես պետականաշինության շարունակականության ընդհատումն աղետի պատճառ դարձավ

politik.am

Արարատի մարզպետարանի մեր աղբյուրների փոխանցմամբ մարզպետ Գարիկ Սարգսյանն իր ձեռքի տակ եղած ֆինանսական միջոցների մի մասը բաշխում է իր ծանոթ-բարեկամների, մտերիմների միջև: Ըստ մեր աղբյուրի, մարզպետի նման որոշումներին չի կցվում համապատասխան հավելվածը, որի միջոցով կարելի կլիներ տեսնել, թե որոշմամբ նախատեսված գումարը ու՞մ է տրվել և ի՞նչ չափով:

Արարատի մարզպետարանի կայքն ուսումնասիրելով պարզեցինք, որ այս տարվա մայիս ամսից մինչև հոկտեմբեր ամիս դրամական օգնություն տրամադրելու յոթ որոշման մեջ չկա կցված հավելված (որոշում 1, 2, 3, 4, 5, 6, 7): Ըստ այդ որոշումների մարզպետը, որպես միանվագ օգնություն բաժանել է ավելի քան 3 մլն 490 հազար դրամ:

Պետք է նկատել, որ մարզպետի ոչ բոլոր որոշումներն են կայքում տեղադրված առանց հավելվածների: Այս տարվա սեպտեմբերի 27-ին դրամական օգնություն տալու մասին որոշմանը կից հավելվածն առկա է (որոշումն այստեղ):

Մենք փորձեցինք կապ հաստատել Մարզպետարանի տեղեկատվության և հասարակայնության հետ կապերի բաժնի պետ` Գոհար Խաչատրյանի հետ, սակայն մեր բազմաթիվ զանգերն անպատասխան մնացին: Տեղեկատվությունը փորձել ենք ճշտել նաև Արարատի մարզպետարանի ֆեյսբուքյան էջից: Սակայն այս կերպ ուղարկված մեր հարցումը ևս անպատասխան մնաց: Առաջիկայում մարզպետարան կուղարկենք պաշտոնական հարցում, որը պատասխանը կներկայացնենք ընթերցողներին: