Ռուսաստանի և Թուրքիայի նախագահներ Վլադիմիր Պուտինն ու Ռեջեբ Թայիբ Էրդողանը Սոչիում պայմանավորվածություն են ձեռք բերել Սիրիայի հյուսիսում համատեղ գործողությունների վերաբերյալ:
Վեցժամանանոց բանակցություններից հետո հետո Պուտինը հայտարարել է, որ Մոսկվան և Անկարան մի շարք պայմանավորվածություններ են ձեռք բերել Սիրիայի հյուսիսում տիրող իրավիճակի վերաբերյալ: Ինչպես տեղեկացնում են ռուսական և թուրքական լրատվամիջոցները, ռուս-թուրքական նոր պայմանավորվածությունը բաղկացած է 10 կետից: РИА Новости-ն հայտնում է, որ Մոսկվան ու Անկարան պայմանավորվել են, որ Սիրիայի հյուսիսում «Խաղաղության ակունք» գործողության տարածքում, որն ընդգրկում է Թալ Աբյադ և Ռաս ալ-Այն քաղաքներից 32 կմ-ի հեռավորության վրա գտնվող շրջանները, կմնան Թուրքիայի վերահսկողության տակ` պահպանելով ստատուս-քվոն: Չորեքշաբթի օրվանից` հոկտեմբերի 23-ի ժամը 12:00-ից սկսած, «Խաղաղության ակունք» գործողության տարածքից դուրս գտնվող տարածքներ կմտնի ռուսական ռազմական ոստիկանությունը` Սիրիայի սահմանապահ ծառայության ստորաբաժանումների հետ համատեղ: Նրանք, ինչպես հայտնում են ռուսական ԶԼՄ-ները, նպաստելու են քրդական զինված ջոկատների դուրսբերմանը սիրիա-թուրքական սահմանից` ապահովելով 30 կմ խորքային հեռավորություն սահմանից: Քրդերի դուրսբերումը պետք է ավարտվի 150 ժամվա, այսինքն` 6 ու կես օրվա ընթացքում: Դրանից հետո «Խաղաղության ակունք» գործողության գոտուց արևելք ու արևմուտք ընկած տարածքներում ռուս-թուրքական համատեղ պարեկային հերթապահությունը կիրականացվի սահմանի ողջ երկայնքով: Հերթապահությունը կընդգրկի սահմանից 10 կմ հեռավորության բոլոր տարածքները` բացի Կամիշլի քաղաքից: Համաձայն Պուտինի և Էրդողանի պայմանավորվածության` քրդական ուժերը դուրս են բերվելու Մանբիջ և Թալ Ռիֆաթ քաղաքներով: Տարածաշրջանում տեղի ունեցող այսպիսի կտրուկ զարգացումները կարող են որոշակի հետևանք ունենալ նաև հարավային Կովկասի մնացած կոնֆկտների, այդ թվում նաև արցախյան հակամարտության վրա` նպաստելով դրա սրմանը: Համենայն դեպս պատմությունը ցույց է տվել, որ ռուս-թուրքական մերձեցումներից հայկական հարցը մշտապես տուժել է: Իսկ Հայաստանում տարածաշրջանյաին զարգացումների այս լարված ֆոնին իշխանություններն անխնա զբաղված են ՍԴ նախագահի պաշտոնանկության գերկարևոր գործընթացով: Հայրենի ԱԱԾ-ն այս զարգացումներին հետևելու փոխարեն` գործ է հարուցել ԱԺ նախկին նախագահ Արա Բաբլոյանի դեմ` նրան ներգարվելով որպես մեղադրյալ: Համենայն դեպս, ՀՀ իշխանության քաղաքական օրակարգում տարածաշրջանային սուր զարգացումները կարծես թե բացակայում են` դրանից բխող բոլոր ռիսկերով:
Ապրիլի 19-ին՝ ժամը 13։00-ին, Հայելի ակումբի հյուրն է Հովհաննես Իշխանյանը
Ապրիլի 19-ին՝ ժամը 16։00-ին, Հայելի ակումբի հյուրն է Պարույր Հայրիկյանը
Ապրիլի 19-ին՝ ժամը 11։00-ին, Հայելի ակումբի հյուրն է Տիգրան Չոբանյանը
Ապրիլի 19-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 18-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը
Ապրիլի 18-ին՝ ժամը 12։00-ին, Հայելի ակումբի հյուրն է Հովհաննես Շահինյանը
Ապրիլի 18-ին՝ ժամը 14։00-ին, Հայելի ակումբի հյուրն է Ռուբեն Հակոբյանը
Ապրիլի 18-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Ապրիլի 17-ին՝ ժամը 14։30-ին, Հայելի ակումբի հյուրն է Տաթև Արցախցին
Ապրիլի 17-ին՝ ժամը 12։00-ին, Հայելի ակումբի հյուրն է Հովհաննես Գալստյանը