Անկախ Հրայր Թովմասյանի քաղաքական հայացքներից կամ բարեկամական կապերից, Օրենսդիր և Գործադիր իշխանության բարձրագույն մարմինների կողմից անթաքույց ճնշումը Դատական իշխանության բարձրագույն մարմնի վրա երկիրը բռնապետական ճանապարհով տանելու ակնհայտ քայլ էր, և ես ողջունում եմ ՍԴ դատավորների հավաքական կամքը՝ մերժելու այն: Այս մասին իր ֆեյսբուքյան էջում գրել է «Ազգային Օրակարգ» կուսակցության համահիմնադիր Ավետիք Չալաբյանը:
«Այսօր Սահմանադրական դատարանը մերժեց Ազգային ժողովի ի սկզբանե իրավականորեն կասկածելի և թույլ հիմնավորված դիմումը՝ անվստահություն հայտնելու Հրայր Թովմասյանին։ Անկախ նրա քաղաքական հայացքներից կամ բարեկամական կապերից, Օրենսդիր և Գործադիր իշխանության բարձրագույն մարմինների կողմից անթաքույց ճնշումը Դատական իշխանության բարձրագույն մարմնի վրա երկիրը բռնապետական ճանապարհով տանելու ակնհայտ քայլ էր, և ես ողջունում եմ ՍԴ դատավորների հավաքական կամքը՝ մերժելու այն։
Դրանով հանդերձ, նախկինում նշել եմ, և նորից առիթից օգտվելով կրկնում եմ՝ կա Սահմանադրության 213 հոդված․ որով կարգավորվում է ՍԴ մինչև նոր Սահմանադրությունն ընդունելն ընտրված դատավորների անցումային շրջանում պաշտոնավարելու կարգը։ Այդ հոդվածը կարելի է փոփոխել ԱԺ ձայների 2/3-ով, այդ անդամների պաշտոնավարման ժամկետները համապատասխանության բերելով նոր ընտրվածների հետ (12 տարի դատավորների, և 6 տարի դատարանի նախագահի համար), և դրանով վերջ տալ ՍԴ շուրջը ստեղծված աժիոտաժին։ Այն չի նպաստում մեր երկրի հեղինակության ամրապնդմանը, և կոնկրետ անձին թիրախավորելով, իրականում անկայունություն է ստեղծում ամբողջ դատական համակարգի համար, մեզ պետք է հնարավորինս արագ վերջ դնել իշխանության տարբեր թևերի միջև այս անհեթեթ դիմակայությանը»,- գրել է նա։
Հիշեցնենք, որ Սահմանադրական դատարանն այսօր՝ հոկտեմբերի 14-ին տեղի ունեցած աշխատակարգային նիստում որոշում է կայացրել «Ազգային ժողովի դիմումի հիման վրա՝ Սահմանադրական դատարանի դատավոր Հրայր Թովմասյանի լիազորությունները դադարեցնելու վերաբերյալ» գործի վարույթի ընդունումը մերժել։
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը
Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը
Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ)
Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը
Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը
Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը
Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը
Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը
Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը
Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը