Ինչ վատություն է արել դատավոր Ռոբերտ Պապոյանը, որ այս «ծանր խաչը» միշտ նրան է հանձնվում
Ֆինանսների նախկին նախարար, ՊԵԿ նախկին նախագահ Գագիկ Խաչատրյանի և նրա եղբորորդու՝ Կարեն Խաչատրյանի փաստաբանական խմբի անդամ Ամրամ Մակինյանն իր ֆեյսբուքում էջում գրառում է կատարել. «1․ Ով կարող է լեզու գտնել «ՀԱՄԱԿԱՐԳՉԻ» հետ, որ նա գործերը դատավորներին մակագրի պատահականության սկզբունքով։ 2․ Եթե համակարգիչը չի մակագրում, այլ դատարանի նախագահը, ապա նրան ինչ վատություն է արել դատավոր Ռոբերտ Պապոյանը, որ այս «ծանր խաչը» միշտ նրան է հանձնում: 3․ Երբ է արդարադատությունն իրականացվելու միայն դատարանների կողմից»,- գրել է նա։