Թե ինչ հաղորդում է անում կամ ինչ վերնագիր է դնում,դա Անժելա Թովմասյանի իրավունքն է.Արմինե Օհանյան (video)
«Մենք գլորվել ենք դեպի խորը միջնադար, երբ տեսնում եմ՝ ինչպիսի քննարկումներ են ընթանում մեր հասարակության մեջ: Երբ տեսնում եմ՝ ինչպես են իրենց մտավորական համարողները, շատ պատգամավորներ «Հայելի» ակումբի նկատմամբ ոտնձգություն իրականացողներին ասում ՝ «Լավ եք արել տղերք, դուխով» »,-այսօր Հայելի ակումբում հրավիրված ասուլիսի ժամանակ ասաց «Հրապարակ» օրաթերթի գլխավոր խմբագիր Արմինե Օհանյանը:
Օհանյանի դիտարկմամբ, եթե նման միջադեպ տեղի ունենար «Հայկական ժամանակ» օրաթերթի խմբագրության դիմաց, ոստիկանական պատ կկանգներ այնտեղ:
Հիշեցնենք, որ հոկտեմբերի 5-ին մի խումբ երիտասարդներ գնացել են «Հայելի» մամուլի ակումբ և նույն տարածքում գտնվող «Hayeli.am» կայքի խմբագրություն, ձվեր են նետել և «դատապարտող» պաստառներ փակցրել լրատվամիջոցի պատի ու փակ մուտքի դռան վրա։ Նրանք հայտարարել են, որ եթե խմբագրությունը բաց լիներ, նույնը կանեին ներսում։
Մանրամասները՝ տեսանյութում.