ԱՄՆ-ի նախագահի իմպիչմենտի գործը լրջացավ

ԱՄՆ-ում մոլեգնել է նախագահի պաշտոնանկության գործընթացը։ Մեղադրանքները՝ բավական լուրջ են։ Թրամփի իմպիչմենտի հիմքերն ուսումնասիրող կոնգրեսականներին հետաքրքրում են հատկապես ԱՄՆ և Ուկրաինայի նախագահների հուլիսի 25-ի հեռախոսազրույցի մանրամասները: Ամերիկյան լրատվամիջոցների տեղեկություններով՝ Փոմփեոն ներկա է գտնվել այդ զրույցին:

Միացյալ Նահանգների նախագահի դեմ այս արշավը սկսեց շաբաթներ առաջ, երբ ամերիկյան հատուկ ծառայությունների աշխատակիցը, ով ի պաշտոնե լսել էր Թրամփ-Զելենսկի հեռախոսազրույցը, դրա բովանդակության վերաբերյալ մտահոգությունները հանձնել էր թղթին և ուղարկել իր ղեկավարությանը: Բողոքի հեղինակը պնդել էր, թե Միացյալ Նահանգների նախագահը փորձել է ճնշում գործադրել օտար երկրի ղեկավարի վրա և ուկրաինացի առաջնորդից տեղեկություններ կորզել իր քաղաքական մրցակցի՝ նախկին փոխնախագահ Ջո Բայդենի վերաբերյալ:

Սպիտակ տունն ավելի ուշ գաղտնազերծել էր հեռախոսազրույցի սղագրությունը, հրապարակվել էր նաև ազդարարի բողոքը, ինչից հետո էլ դեմոկրատները Կոնգրեսում նախագահին պաշտոնանկ անելու գործընթաց էին սկսել: Ընդդիմախոսները հիշեցրել էին, որ զրույցից առաջ Սպիտակ տան ղեկավարը անակնկալ սառեցրել էր Ուկրաինային տրամադրվելիք մոտ 400 միլիոն դոլարի ռազմական օգնությունը, եզրակացնելով՝ նախագահն օգտագործել է իր դիրքը սեփական քաղաքական նպատակներին հասնելու համար:

Ինքը՝ Դոնալդ Թրամփը, կտրականապես հերքում է իր հասցեին մեղադրանքները և պնդում, թե այս պատմությունը վհուկների ամենամեծ որսն է Միացյալ Նահանգների պատմության մեջ: «Օրեցօր, որքան ավելի շատ եմ տեղեկանում, այնքան ավելի եմ համոզվում, որ այն, ինչ կատարվում է, ոչ թե իմպիչմենտ է, այլ՝ հեղաշրջման փորձ», - նախօրեին Թվիթերում գրել է Սպիտակ տան ղեկավարը: Մի քանի ժամ անց էլ հավելել է՝ կոնգրեսական Ադամ Շիֆը, ով առաջնորդում էր իր իմպիչմենտի գործընթացը, պետք է հրաժարական տա՝ իր խոսքերը Կոնգրեսում խեղաթյուրված ներկայացնելու համար: «Դեմոկրատները կենտրոնացել են նախագահին պաշտոնանկ անելու վրա ընդամենը Ուկրաինայի նախագահի հետ շատ լավ զրույց ունենալու համար: Նրանք այս գործին են լծվել իմ նախագահ ընտրվելու առաջին իսկ օրից, ինչը շատ վատ է երկրի համար», գրել է Սպիտակ տան ղեկավարը:

Նախագահ Թրամփը իր դեմ իմպիչմենտի գործընթացն անվանում է «հեղաշրջում» և հայտարարում, որ որևէ սխալ չի գործել Ուկրաինայի նախագահի հետ զրույցում:
Մայք Փոմփեոն հայտարարել էր, որ տեղյակ չէ գաղտնի զեկույցի մասին, ըստ որի նախագահ Թրամփը 2020 թվականի ընտրություններին արտերկրյա միջամտություն է հրահրել, խնդրելով Ուկրաինային հետաքննել Դեմոկրատական կուսակցության նախագահական թեկնածու Ջո Բայդենին և իր որդի Հանթերին: Ստանալով Կոնգրեսի ստորին պալատից ցուցմունք տալու պահանջ, Փոմփեոն նամակով պատասխանել է, որ նման պահանջները «կարող են դիտարկվել միայն որպես աշխատակիցներին վախեցնելու և սպառնալու փորձ»:

Պետքարտուղարության գլխավոր տեսուչը չորեքշաբթի Կոնգրեսի երկու պալատների աշխատակիցների հետ հանդիպման ընթացքում նախատեսում է անդրադառնալ փաստաթղթերին, որոնք կոնգրեսականները պահանջել են իրենց հետաքննության համար: Ներկայացուցիչների պալատի անվտանգության և արտաքին հարաբերությունների հանձնաժողովը պահանջել է նաև ցուցմունք տալ կոնգրեսականների առջև Ուկրաինայում ԱՄՆ-ի նախկին դեսպան Մերի Յովանովիչին և Ուկրաինայի հարցերով նախկին հատուկ հանձնակատար Քըրթ Ուոքերին:
Հայտնի է դարձել, որ Պետդեպարտամենտի երկու պաշտոնյաներ համաձայնել են ցուցմունք տալ դեմոկրատների առաջնորդած կոնգրեսական հանձնաժողովներում, որտեղ ընդդիմությունը իմպիչմենտի գործընթաց է սկսել նախագահ Դոնալդ Թրամփի դեմ:
Արևմտյան լրատվամիջոցների հաղորդմամբ, վաղը փակ դռների ետևում կոնգրեսականների հարցերին կպատասխանի Ուկրաինայի հարցով ԱՄՆ-ի արդեն նախկին բանագնաց Քուրտ Վոլքերը, մեկ շաբաթից էլ ցուցմունք կտա Ուկրաինայում Միացյալ Նահանգների նախկին դեսպան Մարի Յովանովիչը:

Ի թիվս բարձրաստիճան այլ դիվանագետների, դեմոկրատները հարցաքննության են հրավիրել նաև Միացյալ Նահանգների պետքարտուղարին, ով, ըստ մամուլի հաղորդումների, ներկա էր եղել վիճահարույց այդ հեռախոսազրույցին: Մայք Փոմփեոն այսօր առաջին անգամ հաստատել է այդ տեղեկությունը, զրույցի բովանդակությունը, սակայն, չի մեկնաբանել, մանրամասներ չի հայտնել: «Այո, ես ներկա էի այդ հեռախոսազրույցին, քանի որ ես պետքարտուղար եմ արդեն մեկուկես տարի, և մանրամասնորեն գիտեմ Ուկրաինայի հարցում Միացյալ Նահանգների քաղաքականությունը, որը մնում է անփոփոխ: Մենք կշարունակենք օգնել Ուկրաինայի նոր կառավարությանը Ռուսաստանի կողմից վտանգներին դիմակայելու, երկրի ներսում կոռուպցիան հաղթահարելու, տնտեսությունը զարգացնելու հարցում: Պետքարտուղարության պաշտոնյաները և ես այս նպատակներին ենք ծառայում, և կշարունակենք այդ ուղղությամբ ջանքերը՝ չնայած բարձրացված այս աղմուկին», - նշել է Փոմփեոն:

Պետքարտուղար Փոմփեոն էլ նախօրեին պնդել էր, թե դեմոկրատները ճնշում են գործադրում պետդեպի աշխատակիցների վրա: «Ես կօգտագործեմ իմ տրամադրության տակ առկա բոլոր միջոցները՝ կանխելու նպատակասլաց մասնագետների ուղղությամբ այդ ճնշումները», - Թվիթերում գրել էր Փոմթեոն: Այսօր, պատասխանելով լրագրողների հարցերին, նա պարզաբանել է՝ ինչին է դեմ և ինչու:

«Նրանց առաջադրած պահանջները ամբողջությամբ խախտում են իշխանությունների տարանջատման հիմնարար սկզբունքը, նրանք ուղիղ դիմել են պետդեպի աշխատակիցներին, ասել են, որ նրանք չշփվեն պետքարտուղարության իրավական խորհրդատուների հետ, և ասել են, որ պետդեպի ներկայացուցիչները չպետք է ներկա լինեն: Մինչդեռ Սահմանադրությունը լիազորում է կառավարությանը ներկա գտնվել, որպեսզի մենք կարողանանք պաշտպանել մեր գործընկերների համար կարևոր տեղեկությունները, և մեր դաշնակիցներն էլ վստահ լինեն, որ պետդեպին տրամադրած նրանց տեղեկությունները պաշտպանված են: Ես չեմ հանդուրժի, որ Կոնգրեսի ներկայացուցիչները ճնշեն ու սպառնան պետդեպի աշխատակիցներին, դա անընդունելի է, և ես նման բան թույլ չեմ տա», - նշել է Փոմփեոն:

Դեմոկրատ կոնգրեսականներն ավելի վաղ պետդեպից պահանջել էին գաղտնազերծել նաև Թրամփ-Պուտին հեռախոսազրույցների բովանդակությունը: Ռուսաստանի նախագահն այսօր առաջին անգամ արձագանքել է շաբաթներ շարունակվող այս պատմությանն ու պնդել՝ դեմ չէ: «Ես հո ամբողջը կյանքս նախագահ չեմ եղել, իսկ իմ նախկին աշխատանքը ինձ սովորեցրել է, որ իմ յուրաքանչյուր զրույց կարող է հրապարակվել», - ասել է Վլադիմիր Պուտինը: Կհրապարակվեն արդյոք Ռուսաստանի նախագահի հետ Թրամփի զրույցները, թե ոչ՝ դեռ հստակ չէ: Դեմոկրատները, սակայն, այսօր արդեն հայտարարել են, թե պատրաստվում են դատական հայցով Սպիտակ տնից ստանալ իրենց հետաքրքրող զրույցների սղագրություններն ու անհրաժեշտ փաստաթղթերը:

Իր հերթին, ԱՄՆ-ի պետքարտուղար Մայք Փոմփեոն խստորեն քննադատել է նախագահ Դոնալդ Թրամփի իմպիչմենտի` Կոնգրեսում մեկնարկած գործընթացը: Պետդեպարտամենտի ղեկավարն այդ մասին գրել է Twitter-ի իր էջում` մեկնաբանելով նախևառաջ կոնգրեսական լսումներին իր և մի շարք այլ ամերիկացի գործող ու պաշտոնաթող դիվանագետների հրավիրված լինելու փաստը: «Կոնգրեսի ներկայացրած այդ պահանջը ես ընկալում եմ որպես Պետդեպարտամենտի վաստակաշատ աշխատակիցներին ահաբեկելու, ճնշելու և նրանց հանդեպ ոչ պատշաճ վերաբերմունք ցուցաբերելու փորձ», - գրել է Փոմփեոն:

Մետաքսյա Շալունց

դիտվել է 1219 անգամ
Լրահոս
Կետ առ կետ պատասխանում եմ բոլոր վայրահաչոցներին. Խաչատուր Սուքիասյան Ահա այսպիսի նամակ է հղվել 2 օր առաջ Եվրոպական Խորհրդարանի բոլոր պատգամավորներին՝ այսպես կոչված «Ղարաբաղի ադրբեջանական համայնքից» (լուսանկար) Ահա այսպիսի նամակ է հղվել 2 օր առաջ Եվրոպական Խորհրդարանի բոլոր պատգամավորներին՝ այսպես կոչված «Ղարաբաղի ադրբեջանական համայնքից» (լուսանկար) Վստահ եմ, որ կա փաստաթուղթ, ավելին՝ այն խոստումների դիմաց տարածքային զիջումներ անելու մասին է․ Դ․ Շահնազարյան Արա Գալոյան. Շինարարությունն այս տարի Կրկին մեջբերում պաշտոնական հաշվետվությունից Ուր են գումարները. Նոր մանրամասներ Գագիկ Խաչատրյանի քրեական գործից Մարտի 1-ին բանակին կրակելու հրաման տրվե՞լ է. Արտակ Դավթյան Ճիշտ կանի առաջինը հրաժարականի դիմում գրի Մնացականյանը Բաքվի բռնապետական վարչակարգի արտգործնախարարը մեզ, ըստ էության, սպառնում է, ասպես կոչված, «ռազմավարական համբերությամբ» Բնության սննդային շղթա. պայքարում են փորսուղը, շնագայլերն ու հսկայական պիթոնը (տեսանյութ) Թուրքիան և ՌԴ-ն բանակցություններ են վարում C-400 համակարգերի նոր մատակարարումների շուրջ Իշխանությունների «կալանքի բանաձևն» այլևս ժամանակավրեպ է. Հայաստանում անշրջելիորեն իրավիճակ է փոխվել. Նարեկ Սամսոնյան Հեղաշրջման նպատակը Արցախի հարցում անընդունելի զիջումներ ապահովելն է. Արթուր Դանիելյան Ռուբեն Հայրապետյանը ի տարբերություն որոշ նյութապաշտ հարմարվողների` տեսակետ ունի. Արամ Սարգսյան Քըրք Քըրքորյանը չի ցանկացել, դեմ է եղել նման ուշադրության դրսևորումներին Դուք այնքան ապազգային եք, որ համաձա՞յն եք ադրբեջանցիներն ապրեն Արցախում.թեժ բանավեճ (video) Վլադիմիր Կարապետյանը՝ Ռուբեն Հայրապետյանի հայտարարությունների մասին «Ադրբեջանը սկսել է աննախադեպ որս՝ արտրերկրում ապրող ադրբեջանցի ու օտարերկրյա բլոգերների նկատմամբ. Լապշինի նկատմամբ նույնպես հետխուզում է հայտարարված» Աննա Հակոբյանը դեռ շատ հաց ու պանիր պետք է ուտի, որ հայուհիներին կոչով դիմի. թեժ բանավեճ (video) «Ժողովուրդ» օրաթերթի գլխավոր խմբագրին գաղտնալսե՞լ են Արցախի շուրջ դավադրություն է տեղի ունենում,հանրությանն ամեն կերպ փորձում են մոլորեցնել. Արթուր Դանիելյան (video) Գյումրու օդանավակայանից ուղիղ չվերթներ կիրականացվեն դեպի Լոնդոն և Փարիզ Հայտնաբերվեց նախկինում մի քանի անգամ դատված «Բերդի կռիս» մականվամբ բնակարանագողը, ով ասում էր, թե՝ եկել էի քնելու
Ամենաընթերցվածները
Շուտով
Դեկտեմբերի 16-ին ,ժամը 12:00-ին Հայելի ակումբի հյուրերն են տնտեսագիտակա գիտությունների թեկնածու Մեսրոպ Մանուկյանը և ԵՊՀ կառավարման և գործարարության ամբիոնի վարիչ Կառլեն Խաչատրյանը: Թեմա` 2020-ի բյուջեն և սպասվող թանկացումներ Դեկտեմբերի 16-ին, ժամը 11:00-ին Հայելի ակումբի հյուրերն են բժշկուհի Նունե Ավանեսյանը և «Առողջ հանրություն» ՀԿ նախագահ Մարինա Ավանեսյանը: Թեմա` Պատվաստումներ,նոր կլինիկական փորձարկումնե՞ր,կա՞ կապ սեռական փոքրմասնությունների հետ: Դեկտեմբերի 14-ին, ժամը 13:00 Grand Hotel Yerevan-ում (հասցեն՝ Աբովյան 14) տեղի կունենա մամուլի ասուլիս՝ նվիրված դեկտեմբերի 15-ին, ժամը 19:00 Արամ Խաչատրյան համերգասրահում կայանալիք բացառիկ համերգային երեկոյին: Ասուլիսի բանախոսներն են՝ · Իտալացի ճանաչում վայելող դիրիժոր Ջանլուկա Մարչիանոն · Համաշխարհային ճանաչում վայելող կիթառահար Պետրիտ Չեկուն (Խորվաթիա/Կոսովո), ով սերտ համագործակցում է հանրահայտ Hauser-ի և այլ գերաստղերի հետ Դեկտեմբերի 14-ին՝ ժամը 18.00‚ Արամ Խաչատրյան համերգասրահում տեղի կունենա Խաչատրյանի միջազգային 7-րդ փառատոնի բացման համերգը։ Հայաստանի պետական սիմֆոնիկ նվագախմբի հետ ելույթ կունենա աշխարհահռչակ ջութակահար‚ «Գրեմմի» մրցանակի կրկնակի դափնեկիր Մաքսիմ Վենգերովը։ Կներկայացվեն Ջոն Տեր-Թադևոսյանի թիվ 2 սիմֆոնիան՝ «Մարդու ճակատագիրը»‚ Մաքս Բրուխի Ջութակի թիվ 1 կոնցերտը‚ Մորիս Ռավելի «Գնչուհի» կոնցերտ-ռապսոդիան ջութակի և նվագախմբի համար։ Դրիժոր՝ Սերգեյ Սմբատյան։ Սիրով հրավիրում ենք լուսաբանելու։ Դեկտեմբերի 14-ին՝ ժամը 12:00-ին, Պոստ Սկրիպտում մամուլի ակումբում ԲՀԿ խմբակցության պատգամավոր Սերգեյ Բագրատյանը կխոսի ՀՀ ԱԺ վերջին հերթական եւ արտահերթ նիստերի ընթացքում քննարկված եւ ընդունված խնդրահայրույց նախագծերի, դրանց հետեւանքների մասին, ինչպես նաեւ կանդրադառնա օրակարգային այլ հարցերի: Դեկտեմբերի 13-ին՝ ժամը 13:00-ին Հայելի ակումբի հյուրն է Թալին ջոկատի հրամանատար Սարգիս Կարապետյանը: Բանախոսը հանդես կգա հայտարարությամբ: Դեկտեմբերի 13-ին՝ ժամը 12:00-ին Հայելի ակումբի հյուրերն են «Ռեֆորմիստներ» կուսակցության հիմադիր Վահան Բաբայանը և «Ազգային համաձայնություն» կուսակցության նախագահ Արամ Հարությունյանը: Թեմա` Հայաստանը ստանձնում է 152 մլն դոլարի վարկի պարտավորություն, ՀՀ 2-րդ նախագահ Ռ. Քոչարյանի վերջին հարցազրույցը, ամանորյա տոներին ընդառաջ` վարչապետ Նիկոլ Փաշինյանի և նրա տիկնոջ Աննա Հակոբյանի ուղերձները հանությանը: Դեկտեմբերի 13-ին, ժամը 13.00 «Տեսակետ» մամուլի ակումբի հյուրն է ՀՀ ԳԱԱ Կենդանաբանության և հիդրոէկոլոգիայի գիտական կենտրոնի տնօրեն, կենսաբանական գիտ. դոկտոր, պրոֆ. Բարդուղ Գաբրիելյանը: Թեման՝ «Սևանա լճի խնդիրները, կենսառեսուրսների պաշարը և ընդհանուր վիճակը, հարակից հարցեր: Տարվա ամփոփում»: Ս․թ․ դեկտեմբերի 13-ին` 11:00-ին, ԹՈՒՄՈ Ստեղծարար տեխնոլոգիաների կենտրոնում տեղի կունենա Եվրոպական Միության «Ստեղծագործ Եվրոպա» ծրագրի ամենամյա ամփոփիչ միջոցառումը` «Ստեղծել, Արժևորել, Պահպանել» խորագրի ներքո: Միջոցառմանը մասնակցելու են Հայաստանում հավատարմագրված դեսպաններ, պետական պաշտոնյաներ, մշակութային գործի ԵՄ պատվիրակության ղեկավարի տեղակալ Եկատերինա Դորոդնովանև Հայաստանում ՀՀ ԿԳՄՍ փոխնախարար Արա Խզմալյանը սկզբում բացման խոսքով հանդես կգանՄիջոցառման ԴԵԿՏԵՄԲԵՐԻ 13-ին՝ ժամը 11:00-ին, «Արմենպրես» պետական լրատվական գործակալության մամուլի սրահում տեղի կունենա ՀՀ կրթության, գիտության, մշակույթի և սպորտի նախարարի տեղակալ Արևիկ Անափիոսյանի ասուլիսը: ԹԵՄԱ.- Հանրակրթության պետական չափորոշչի և առարկայական ծրագրերի վերանայում, միջազգային համագործակցություն: