Սա սաբոտաժ է... ոչ թե կոսմետիկ վերանորոգումներ են լինելու կոնսերվատորիայում, այլ խորը հիմնանորոգումներ. Սոնա Հովհաննիսյանը դիմում է բանսարկուներին
Ես Սոնա Հովհաննիսյանն եմ (պատվով կրում եմ մորական ազգանունս): Բոլոր տեսանելի և անտեսանելի բանսարկուներ, չհամարձակվեք ինձ վերագրել արարքներ, որոնք չեն կարող ինձ հետ որևէ կապ ունենալ: Իմ գործունեությունը` դա է եղել իմ բովանդակությունը: Ես թույլ չեմ տա ինձ համար կարևոր արժեքները խեղել այլևայլ անհեթեթ պիտակավորումներով... «ԼԳՏԲ-ներ»...«սատանիստներ»... «ռեկտորի հովանու ներքո»... (ի դեպ ես «ԼԳՏՊ» հապավմանը միայն այս առիթով ծանոթացա) «ջրից չոր դուրս եկող» ... «մութ պատմություն»...
Ես մութ հարցեր չունեմ: Բավական եղավ... Ինձ համար արդեն պատիվ է, որ ձեր նմանները ինձ չեն ընդունում: Դա ձեր գործն է:
Ես ոչ մեկին ինձ թշնամի չեմ համարել և այսօր էլ չեմ համարում: Ինձ հետ կապ չունեցող, ինձ չընդունող, բայց այս իրադարձությունները համարժեք գնահատողների գոյությունն ինձ համար առավել կարևոր է: Շնորհակալ եմ:
Կոնսերվատորիային
չեն բավարարում դասարաններ: Ամեն օր այդ կռիվն է: Նույն տխրահռչակ նկուղում դասեր և նույնիսկ քննություններ են անցկացվում: Այդ ինչպե՞ս է, որ կոնսերվատորիան պայթում է զբաղվածությունից և դատարկվում է ... միաժամանա՞կ...
Սա ի՞նչ հանելուկ է:
Դեռ պարզվում է «հատուկ կոնսերվատորիան փակելու ծրագիր եմ իրականացնում»:
Անհարմար է:
Սա սաբոտաժ է... Պրն. Երկանյանի ասած` սպիտակ թելերով կարված: Ես աշխատելու եմ և ոչ թե կոսմետիկ վերանորոգումներ են լինելու կոնսերվատորիայում, այլ խորը հիմնանորոգումներ: Ես իմ նվաճումն եմ համարում այն, որ ինձ անունով են դիմում բոլորը` ուսանող, թե դասախոս և հակառակը ինձ չեք համոզի: Ես իմ նվաճումն եմ համարում այն, որ կա կամերային երաժշտության ֆակուլտետ, որ կարգավորված է անսամբլային ամբիոնի ժամերի հարցը, որ փոխվում է մանկավարժական պրակտիկայի ձևական բնույթը, որ համեմատաբար համաչափ են աշխատում գիտական, ֆինանսատնտեսական, միջազգային և ուսումական մասով պրոռեկտորները, դեկանները, ամբիոնների վարիչները, օգնականները, իրավաբան-խորհրդատուն: Մեր միասնական աշխատանքի շնորհիվ կարգավորվում են ուսումնական և կրթական ծրագրերը, նվագախմբային դասընթացը, հասարակայնության հետ կապերի գործընթացը, մեկնարկում են հիմնանորոգումների կարևորագույն փուլի աշխատանքները, բացվեց նախապատրաստական դասընթացը, ակտիվացան ֆակուլտատիվ պարապունքները, 50-ից ավել վարպետության դասեր անցկացվեցին: Այս ամենը շարունակելի է: Շնորհակալություն կոնսերվատորիայի վարչական աշխատակազմին, բոլոր դասախոսներին, ովքեր իրենց դժվարին գործին են և չեն տրվում անհարկի խոսակցությունների:
Չլուծված 1000 հարցերով հանդերձ ես արդարանալու կարիք չունեմ, որովհետև անում եմ կարեցածիս առավելագույնը: