Ամերիկյան զորքերը մոտենում են. Նոր պատժամիջոցներ՝ ընդդեմ մեր հարևանի

Իրանի և Միացյալ Նահանգների հարաբերություններում հերթական ճգնաժամի պատճառ օրերս հանդիսացավ Սաուդյան Արաբիայի նավթային օբյեկտների հրթիռակոծումը, որի համար Վաշինգտոնը մեղադրում է Թեհրանին:

Ընդամենը օրեր անց այս թոհուբոհից՝ սեպտեմբեր 20-ին հայտնի դարձավ, որ ԱՄՆ նախագահ Դոնալդ Թրամփը պատժամիջոցներ է սահմանում Իրանի ազգային բանկի դեմ: Թրամփը հայտարարել էր, որ երկրի ֆինանսների նախարարությանը հանձնարարել է զգալիորեն ընդլայնել Իրանի դեմ պատժամիջոցները: ԱՄՆ ֆինանսների նախարար Սթիվեն Մնուչին իր հերթին նշեց, որ բանկը «ֆինանսական վերջին միջոցն էր Իրանի իշխանությունների համար:» Իրանի ազգային բանկը երկրի խոշորագույն կոմերցիոն ֆինանսական ինստիտուտն է, որի ակտիվները 2016թ. գնահատվել են շուրջ 80 միլիարդ դոլար:

Իրանի Կենտրոնական բանկի դեմ ԱՄՆ-ի նոր պատժամիջոցները վկայում են ամերիկացիների հուսահատության մասին՝ հայտարարել է Իրանի արտգործնախարար Մոհամմադ Ջավադ Զարիֆը: «ԱՄՆ-ը ցանկանում է արգելափակել պարենամթերքի և դեղամիջոցների հասանելիությունը Իրանի բնակչության համար: Ակնհայտ է, որ այս քայլը խախտում է բոլոր միջազգային պարտավորությունները», – ասել է նա՝ հիշեցրելով, որ «Վաշինգտոնը արդեն պատժամիջոցներ է կիրառել Իրանի Կենտրոնական բանկի դեմ, և այժմ Միացյալ Նահանգները կրկին սահմանափակումներ են դնում այս կառույցի նկատմամբ»: «Կենտրոնական բանկի դեմ պատժամիջոցները վկայում են ամերիկացիների հուսահատության մասին»:

ԱԳ նախարարը հավելել է, որ «Միացյալ Նահանգները երբեք հավատարիմ չի եղել միջազգային համաձայնագրերին և դրանք մեկնաբանել է՝ ելնելով իր ազգային շահերից»: «Մի կողմից, այս քայլը ցույց է տալիս, որ Վաշինգտոնը չի կատարում իր ստանձնած պարտավորությունները: Մյուս կողմից դա ազդանշան է, որ ԱՄՆ պատժամիջոցների քաղաքականությունն իրեն սպառում է», – ասել է նա: Ըստ Զարիֆի՝ «ամերիկացիները չեն կարող միաժամանակ շարունակել Իրանի վրա առավելագույն ճնշման քաղաքականությունը և առաջարկել նստել բանակցությունների սեղանի շուրջ: Որպեսզի միջուկային գործարքի շուրջ երկխոսությանը միանա, Վաշինգտոնը պետք է վերջ տա տնտեսական պատերազմը Թեհրանի դեմ»,- ընդգծել է նա:

Միաժամանակ հայտնի դարձավ, որ ԱՄՆ-ը հավելյալ զորքեր կուղարկի Սաուդյան Արաբիա՝ այդ երկրի հակաօդային պաշտպանության համակարգը ուժեղացնելու նպատակով: Այս մասին Վաշինգտոնում հայտնեց ԱՄՆ պաշտպանության նախարարի պաշտոնակատար Մարկ Էսպերը: «Արձագանքելով թագավորության խնդրանքին` նախագահը հավանություն է տվել [Սաուդյան Արաբիայում] ամերիկյան հավելյալ զորքերի տեղակայման որոշմանը: Այդ ստորաբաժանումները իրենց բնույթով պաշտպանական են լինելու և հիմնականում կենտրոնանալու են հակաօդային և հակահրթիռային պաշտպանության խնդիրների վրա: Մենք նաև աշխատում ենք Սաուդյան Արաբիա և Արաբական Միացյալ Էմիրություններ ամերիկյան ռազմական սարքավորումների առաքումներն արագացնելու ուղղությամբ: Այդ մատակարարումները կմեծացնեն երկու երկրների ինքնապաշտպանական կարողությունները»:

Նկատենք, որ Սաուդյան Արաբիայի ղեկավարությունը Մերձավոր Արևելք ամերիկյան նոր ստորաբաժանումներ ուղարկելու խնդրանքով դիմել էր երկրի խոշորագույն նավթային ձեռնարկությունների դեմ սեպտեմբերի 14-ին իրականացված հարձակումներից հետո:
Իրանը արձագանքեց Սաուդյան Արաբիայում հավելյալ ամերիկյան զորքեր տեղակայելու որոշմանը: «Իրանը կպատժի երկրի դեմ հարձակում ձեռնարկած ցանկացած ուժի», պետական հեռուստատեսության եթերում նման հայտարարությամբ է հանդես եկել Իրանի ամենաազդեցիկ ուժային կառույցներից մեկի` Իսլամական հեղափոխության պահապանների կորպուսի հրամանատար գեներալ-մայոր Հոսեյն Սալամին՝ հավելելով. «Զգույշ եղեք: Որևէ սահմանափակ ագրեսիա այդպիսին չի մնա: Մենք կհետապնդենք ցանկացած ագրեսորի: Մենք կպատժենք մեր դեմ հարձակում իրականացրած ցանկացած ուժի մինչև դրա վերջնական կործանում»:

Իր հերթին Իրանի ԱԳ նախարար Մոհամմադ Ջավադ Զարիֆն ասել է, որ ինքը «ձևամոլություն» է համարում Մերձավոր Արևելքում լրացուցիչ զորքեր ուղարկելու ԱՄՆ-ի որոշումը, և որ «ամեն ինչ սխալ ուղղությամբ է ընթանում»:

Իրանը Պարսից ծոցում խաղաղության և անվտանգության ապահովմանը միտված ծրագիր կներկայացնի, նշել է Իրանի նախագահ Հասան Ռոհանին` նշելով, որ այդ ծրագիրը մշակվելու է «տարածաշրջանի այլ պետությունների հետ համատեղ»: Անդրադառնալով Սաուդյան Արաբիա հավելյալ ամերիկյան ստորաբաժանումներ ուղարկելու` Սպիտակ տան որոշմանը, Ռոհանին ասել է. - «Օտարերկրյա ուժերը կարող են խնդիրներ ստեղծել և հարվածի տակ դնել մեր ժողովրդի և ողջ տարածաշրջանի անվտանգությունը»:

Այս տեղեկատվությանը զուգահեռ ստացվեց մեկ այլ ուշագրավ տեղեկություն: Իրանը հայտարարել է Ռուսաստանի և Չինաստանի հետ համատեղ զորավարժությունների ծրագրերի մասին: Իրանի զինված ուժերի գլխավոր շտաբը հայտարարել է Օմանի նեղուցում և Հնդկական օվկիանոսում Ռուսաստանի և Չինաստանի հետ համատեղ զորավարժություններ անցկացնելու մտադրության մասին: «Իրանը շուտով համատեղ վարժանքներ կանցկացնի Ռուսաստանի և Չինաստանի հետ Օմանի ծոցում և Հնդկական օվկիանոսում», – մեջբերում է FARS գործակալությունը: Նրա խոսքով՝ զորավարժությունների ընթացքում զինվորականները փորձ կփոխանակեն մարտավարական և ռազմական զորավարժություններում: Բացի այդ, Իրանի պաշտպանության նախարարությունը հաղորդել է, որ շուտով Թեհրանում պետք է անցկացվի գլխավոր շտաբի պետերի հանդիպում:

Մետաքսյա Շալունց

դիտվել է 2124 անգամ
Լրահոս
«Մտահոգիչ է, եթե նման բաներ կան», ԲԴԽ անդամը՝ «չաթի» արտահոսքի հետևանքով դատավորների հրաժարականի մասին «Կրոկուսի» ահաբեկչության ժամանակ մի խումբ մարդկանց փրկած Կարեն Ենգիբարյանը մահացել է Ինչպես են դատավորները փախչում, երբ խոսքը գնում է Փաշինյանի իշխանության կողմից ճնշվելու մասին (video) Փրկարարները դուրս են բերել ավտոմեքենան Արփա գետից «Ալենի երգը երգած է․ չի պլստալու»․ Միկա Բադալյան (video) Ռուս փորձագետ Մաքսիմ Վասկովը հակադարձում է Փաշինյանին ու իր ՔՊ-ականներին (video) Մենք էլ մարդ ենք ման գալիս, ով կապացուցի, որ Ալենն իր հոր տղեն է, ոչ թե՝ հարևան Գագոյի․ Կիվիրյան (video) Բլինքեն-Փաշինյան-Ֆոն դեր Լայեն հանդիպումը նվիրված չէ «անվտանգության երաշխիքներին». Պիտեր Ստանո Ո՞վ է մատնիչը․․․ (video) Վտանգավոր Մհերը, ով վտանգում է մեր հողերը «Ղռերի կատվի» մեկ միլիոնանոց կայֆերը․ նոր թալանը սկսված է․ Մանկավարժ (video) Փաշինյան-Ավինյան-ՔՊ-ն շարունակում է Երևանում ԾԱՌԱՄՈՐԹԸ Աննա Հակոբյան, թանկ չի՞․․․ 200 հազարով գիտե՞ս՝ ինչեր կան․․․ (video) «Դուք տեսե՞լ եք իմ ձերբակալության կադրերը»․ Սամսոնյանի նամակը ԱՄՆ դեսպանին․ ակցիա (video) Քրեական վարույթի շրջանակներում որոնվում են տեսագրության մեջ պատկերված անձինք ՀՀ տարածքում կան փակ ավտոճանապարհներ Թուրքիայի լրջագույն կապը Ռուսաստանում սարսափելի ահաբեկչությանը․․․ (video) Ծանրամարտի ԵԱ-ի բացման ժամանակ տեղի ունեցած անմիտ արարքից հետո միջազգային ֆեդերացիան լուրջ մտահոգություն ուներ. Արայիկ Հարությունյան Վահե Ղազարյան, ես ձեզ զգուշացնում եմ՝ բոլորդ փտելու եք բանտերում․ Մարինա Խաչատրյան (video) Ռուս փորձագետն զգուշացրեց՝ ինչ է սպառնում Հայաստանին՝ հակառուսական այս խայտառակ քարոզի պատճառով (video) 102-րդ ռազմաբազայի և ռուս սահմանապահների ներկայությունը Հայաստանի ինքնիշխանության միակ իրական երաշխիքն է. ՌԴ ԱԳՆ Տավուշում Նիկոլն Ալիևի հետ գաղտնի պայմանավորվածության է եկել. Ադրբեջանի հարցերով փորձագետ (video) Կորել են բնաՊԱՀՊԱՆԱԿները, համարել անվավեր Ծառահատումներ՝ բռնությունների կիրառմամբ Դատավորի սիրտը Ծաղկաձորում տուն է ուզում․․․ (video)
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am