Եթե ձեռք է տվել, պետք է խաղա. Աշոտյանը` Վանեցյանի քաղաքականություն մտնելու մասին

«Ընդամենը 6-7 ամիս առաջ ձեւավորված Կառավարության ներսում եթե այսպիսի ցնցումային կադրային փոփոխություններ են լինում, սա նշանակում է, որ Կառավարության որակն ի սկզբանե եղել է ոչ ցանկալի եւ ոչ համարժեք երկրի խնդիրներին:Ես, ցավոք սրտի, Նիկոլ Փաշինյանի մոտ տեսնում եմ խորացող հետապնդման այսպես ասած եւ դավադրություննե րի տեսություններին համարժեք որոշակի հոգեբանական նոր վիճակ, այդ թվում գուցե արտաքին քաղաքական զարգացումների համատեքստում»,- լրագրողներին ասաց ՀՀԿ փոխնախագահ Արմեն Աշոտյանը` անդրադառնալով ԱԱԾ տնօրեն Արթուր Վանեցյանի հրաժարականին:

  Հայաստանի արտաքին քաղաքականության վեկտորի փոփոխության ռիսկ կա, ինչը մտահոգիչ է,-ասաց Աշոտյանը և  հավելեց,որ ինքը չգիտի Վանեցյանի քաղաքկան ծրագրերի մասին, սակայն Վանեցյանի հայտարարությունը քաղաքական դաշտում դիրքավորվելու հայտ էր. «Եթե վանեցյանը կուզենա քաղաքական դաշտում դիրքավորվել, իսկ իր հայտարարությունը այդպիսին էր, ուրեմն շախմատի կանոններով, եթե նա ձեռք է տվել, պետք է խաղա, սեւով կխաղա, թե սպիտակով կխաղա, իր որոշելիքն է: Բայց մինչեւ քաղաքականություն գալը ես նրան ունեմ 4 հարց` ինչպես է գնահատում Վանեցյանը Նիկոլ Փաշինյանի հոգեբանական վիճակը, ինչպես է գնահատում պարոն Վանեցյանը գործող իշխանությունների քաղաքականությունը Արցախի հարցում, երրորդ` ինչպես է գնահատում պարոն Վանեցյանը Փաշինյանի քաղաքակնությունը Ռուսաստանի հարցում եւ 4-րդը արդյոք Փաշինյանը տվել է պարոն Վանեցյանին տվել է հանձնարարականներ քաղաքական ընդդիմադիրներին գաղտնալսումներ, հետապնդումներ եւ այլ ապօրինի գործողություններ կիրականացնելու համար եւ վերջին բոնուսային հարցը, երբ է պատրաստվում պարոն Վանեցյանը պատմել դեկտեմբերյան ընտրությունների ներքին խոհանոցի մասին»: