Դատավորը՝ ճնշումների տա՞կ․ Մարտի 1-ի գործը փորձություն է նոր իշխանության համար

 Հրապարակը գրում է.Մի քանի օր առաջ մարդիկ սոցցանցերում ու «ռեալում» քննարկում էին, թե կազատի՞ արդյոք Նիկոլ Փաշինյանը Քոչարյանին, եւ ի՞նչ կլինի դատավոր Աննա Դանիբեկյանի հետ, եթե նա, այնուամենայնիվ, հանդգնի հիմք ընդունել ՍԴ սեպտեմբերի 4-ի որոշումն ու ազատել ՀՀ երկրորդ նախագահին։ Մյուսները, հատկապես՝ ՀԱԿ-ը, կոչ էին անում ՀՀ քաղաքացիներին՝ սեպտեմբերի 17-ին ներկայանալ Երեւանի ընդհանուր իրավասության Շենգավիթի նստավայր եւ մասնակցել ընդդեմ Քոչարյանի ազատման ակցիային։ Կային նաեւ այնպիսիք, որոնք երկրորդ նախագահին հորդորում էին տղամարդկություն ունենալ ու կրել իր պատիժը։ Քոչարյանի կողմնակիցներն ու թշնամիներն իրար «մարդկային թափոն» ու «զոմբիներ» էին անվանում։ Բայց երեկ, վարչապետի վանաձորյան ասուլիսից ու ԱԱԾ տնօրենի հրաժարականից հետո, կրքերը երկրորդ նախագահի դատի շուրջ փոքր-ինչ մարեցին։ Վանաձորյան ասուլիսում վարչապետը հայտարարել էր, որ ՍԴ-ն ապօրինի որոշում է կայացրել։ ԱԺ նախագահ Արարատ Միրզոյանը, անմիջապես արթնացած, որոշեց, որ Ազգային ժողովը պետք է դիրքորոշում հայտնի Սահմանադրական դատարանի որոշման վերաբերյալ, որից 13 օր է անցել, իսկ օրվա վերջում «Իմ քայլը» խմբակցության նիստից հետո հայտարարվեց, որ խորհրդարանը ՍԴ նախագահ Հրայր Թովմասյանի լիազորությունները դադարեցնելու գործընթաց է սկսում։

Այս ամենից հետո դատավոր Աննա Դանիբեկյանի որոշումը՝ մերժել ՍԴ կարգը տապալելու մեջ մեղադրվող նախկին նախագահի պաշտպանների միջնորդությունը՝ նրա նկատմամբ քրեական հետապնդումը դադարեցնելու վերաբերյալ, ավելի կանխատեսելի դարձավ։ Դատավորի որոշումը Ռոբերտ Քոչարյանն ընդունեց ջղաձիգ ժպիտով։ Նրա պաշտպաններն ակնհայտորեն բարկացած էին։ «Որոշման պատճառ են հանդիսացել երեկ հանրապետության բարձրաստիճան պաշտոնատար անձանց կատարած հայտարարություններն ու ուղիղ սպառնալիքները ՍԴ-ի հասցեին։ Դրանով իսկ իրենք ձեզ ուղարկեցին հստակ կողմնորոշիչ մեսիջ՝ ասելով, որ եթե ՍԴ որոշումն ապօրինի է, իրենք ձեր որոշումը եւս ապօրինի կհամարեն»,- որոշման հրապարակումից հետո Աննա Դանիբեկյանին խոսք ուղղեց Քոչարյանի պաշտպաններից Հայկ Ալումյանը։


«Նորիկյան եւ գործընկերներ» փաստաբանական գրասենյակի ղեկավար Նորիկ Նորիկյանը կարծում է, որ ՍԴ որոշումն այնպես է գրված, որ ցանկացած շահագրգիռ կողմ այդ որոշումը կարող է հարմարեցնել իր շահերին ու պատկերացումներին։

«Եթե կան տեղեկություններ, որ կոնկրետ դատավորի վրա կոնկրետ ճնշում է գործադրվել, ու նա էլ ենթարկվել է էդ ճնշմանը, ես խնդրում եմ՝ հրապարակվի, ներկայացվեն իրավապահ մարմիններին ու հանրությանը։ Եթե չկան նման տեղեկություններ, մնացածը Քոչարյանի պաշտպանական թիմի սուբյեկտիվ վերաբերմունքն է»։ ՍԴ որոշումն ուղիղ հետեւանք չէր կարող առաջացնել Քոչարյանի համար՝ կարծում է փաստաբանը։ «ՍԴ-ն արձանագրել էր, որ Քրդատ․ 35-րդ հոդվածում նախագահի քրեական հետապնդումը բացառող հանգամանքի վերաբերյալ որեւէ նշում չկա, բայց դա բացառո՞ւմ է արդյոք նախագահին քրեական հետապնդման ենթարկելը։ ՍԴ-ն դրան չի անդրադառնում։ Ու ավելի կարեւոր խնդիր՝ ՍԴ-ն արձանագրել է, որ Քոչարյանի խափանման միջոցի խնդրի քննարկումը վարույթն իրականացնող մարմնի, այսինքն՝ դատարանի հայեցողության շրջանակում է, դատարանն էլ ասաց, որ պաշտպանների միջնորդության շրջանակում նման հիմքեր չի տեսել»,- ասում է Նորիկյանը։

Նա չոր արձանագրում է նաեւ, որ Մարտի 1-ի գործի անջատված՝ սպանությունների բացահայտման մասով արդյունքը զրոյական է։ «Ես Մարտի 1-ի լիարժեք բացահայտումն ընկալում եմ 10 քաղաքացիների սպանությունների բացահայտելը, հենց բացահայտեցինք, նրանք կասեն, թե ովքեր են հրաման տվողները։ Հենց սա պետք է դառնա այս իշխանության գլխավոր իրավական հարցն ու փորձությունը։ Եթե առկա գործիքակազմով ու ապացույցների բազայով ի վիճակի չեն դա բացահայտելու, թող ժողովրդին չխաբեն, ասեն, որ մարդիկ էլ հասկանան, թե այս գործի վերջն ինչ է լինելու»։ Ճիշտ չէ՞ Մարտի 1-ի գործով նախ հին դատավճիռները Մարտի 1-ով բեկանել, հետո նորերն ընդունել։ «Ես որքան հասկանում եմ, Գլխավոր դատախազությունը սկսել է այդ գործընթացը՝ Մուշեղ Սաղաթելյանի, Սմբատ Այվազյանի գործերով։ Սրանք մեկը մյուսին հակասող գործընթացներ չեն։ Ուղղակի այս պահին հանրությունը պետք է ժամանակ առ ժամանակ տեղեկացվի Մարտի 1-ի վարույթների վերաբերյալ, պետք է ասեն, թե ուր են հասել այս գործերը»։

դիտվել է 224 անգամ
Լրահոս
16-ամյա երկու պատանիներին դանակահարած 17-ամյա պատանին ձերբակալվել է Երևանում փակվել է նաև Արամ Խաչատրյան փողոցը Նիկոլ Փաշինյանին պետական դավաճանության հոդվածով քրեական պատասխանատվության ենթարկելու պահանջով հաղորդում ներկայացվեց ՀՀ գլխավոր դատախազություն «Սահմանը ձգվելու է Բաղանիսի այժմյան աղբավայրի մեջտեղով»․ Ոսկան Սարգսյան Ըստ Ալեն Սիմոնյանի, հողերը հանձնելու դեմ բողոքողները դատարկաբանությամբ են զբաղված Դեռ համաձայնություն չստորագրած՝ սահմանազատում են իրականացնում. Մանուկյան Անոմալ տաք և չոր եղանակը պահպանվելու է «Ոսկեպարում ականները հանում եք, որ թուրքն առաջ գա, մեզ մորթի»․ քաղաքացիներ (video) Քաշքշուկ եւ լարված վիճակ Տիգրանաշենում․ թուրքերին կբրդե՞ք ու կհանեք ճանապարհից (video) Հետո չլացեք Սուրեն Պապիկյան, Արմեն Գրիգորյան, ԳՇ պետ, թե Նիկոլի հրամանն էինք անում․ Գեղամ Մանուկյան (video) ՀՅԴ ԳՄ անդամ Իգոր Սարգսյանը բերման է ենթարկվել միջպետական մայրուղու Բագրատաշենի հատվածից Քաղաքացիները շարունակում են ընդվզել․ փակ է Ապարան-Սպիտակ Մ3 ճանապարհահատվածը Գերասիմ Վարդանյանին ու ևս 4 անձի բերման են ենթարկել․ Քոչարյան Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա Ղրղզստանի նախագահն Ալիևի հետ այցելել է օկուպացված Արցախ Բողոքի ակցիայի 29 մասնակից բերման է ենթարկվել Երևան-Մեղրի ավտոճանապարհին լարված իրավիճակ է, կան բերման ենթարկվածներ Ապարան-Վանաձոր ճանապարհն ու Հայաստան-Վրաստան միջպետական մայրուղին փակ են Էքսկլավների հարցն ավելի բարդ է․ Ալիև Ինչպես է քաղաքացին ճանապարհի մեջտեղում կանգնեցրել մեքենան՝ միանալով ակցիային (video) Նաիրա Զոհրաբյանը նստեց Չարենց փողոցի վրա․ ոստիկանները սկսեցին քարշ տալ նրան (video) Գառնիկ Դանիելյանը տեղափոխվել է Նոյեմբերյանի հիվանդանոց Պետական սահմանի մոտ 10-12 կիլոմետրը կարելի է սահմանազատված համարել. Ալիև Խմբագիր Անժելա Թովմասյանին ոստիկանները բռնի ուժով փորձում են բերման ենթարկել (video) Կարծես թե վերջապես բողոքը դուրս է գալիս Տավուշի սահմաններից․ Քրիստինե Վարդանյան
Ամենաընթերցվածները
Շուտով
Ապրիլի 23-ին՝ ժամը 16:45-ին, Հայելի ակումբի հյուրն է Աննա Մայիլյանը Ապրիլի 23-ին՝ ժամը 16:00-ին, Հայելի ակումբի հյուրն է վերլուծաբան Արգիշտի Կիվիրյանը Ապրիլի 23-ին՝ ժամը 13:30-ին, Հայելի ակումբի հյուրն է Տաթև Արցախը Ապրիլի 22-ին՝ ժամը 16:30-ին, Հայելի ակումբի հյուրն է Հայկ Նահապետյանը Ապրիլի 22-ին՝ ժամը 15։00-ին, Հայելի ակումբի հյուրն է Սուրեն Սուրենյանցը Ապրիլի 22-ին՝ ժամը 11։00-ին, Հայելի ակումբի հյուրն է Էդգար Ղազարյանը Ապրիլի 22-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը Ապրիլի 19-ին՝ ժամը 13։00-ին, Հայելի ակումբի հյուրն է Հովհաննես Իշխանյանը Ապրիլի 19-ին՝ ժամը 16։00-ին, Հայելի ակումբի հյուրն է Պարույր Հայրիկյանը Ապրիլի 19-ին՝ ժամը 11։00-ին, Հայելի ակումբի հյուրն է Տիգրան Չոբանյանը
Հետևեք մեզ Viber-ում https://cutt.ly/5wn8sJBS
Hayeli.am