Փաշինյանը խուճապի մեջ է. այլևս չի վստահում իր ուժայիններին և դրա համար պատրաստ է հրաժարվել իր սուպերվարչապետական համակարգից

Վանեցյանի հրաժարականը ցույց տվեց, որ Փաշինյանը այլևս չի վստահում իր անվտանգության ծառայությանը: Սակայն նա չի վստահում ոչ միայն այդ համակարգին, այլև ոստիկանությանը: Այդ իսկ պատճառով նա ազատվում է նաև Օսիպյանից, բայց դա էլ հերիք չէ, նա չի վստահում նաև Դավիթ Տոնոյանին և շատ շուտով նա նույնպես իր պաշտոնը կլքի:

Սակայն Փաշինյանը չի վստահում ոչ միայն վերը նշված անձանց, այլև այդ համակարգերին: Քանզի ինքը՝ Փաշինյանը, իր բնույթով անկանխատեսելի անձնավորություն է, ոլյունտարիստ ինչը հակացուցված է պետական գործչի համար: Հենց դրա համար էլ այդ համակարգերում Փաշինյանին, որպես լեգիտիմ ղեկավար, չեն ընդունում:

Փաշինյանը «պողոսների» մոտ է սիրելի, սակայն ոչ պետական ծառայողների մոտ: Հասկանալի պատճառով այդ ծառայությունների ղեկավարները չեն կարող հաշվի չնստել իրենց համակարգերում առկա տրամադրությունների հետ: Այդ իսկ պատճառով Փաշինյանի համար այդ կառույցները պոտենցիալ վտանգ են ներկայացնում, և նա՝ Փաշինյանը, չի վստահում ոչ միայն վերը նշած անձանց, այլ ընդանրապես այդ համակարգը ներկայացնող ցանկացածին:

Ահա թե ինչու նա որոշել է այդ կառուցներում նշանակել կառույցից դուրս մարդկանց: Բայց դրա համար անհրաժեշտ է, որ կառավարության ողջ կառուցվածքը փոփոխության ենթարկվի, որպեսզի այդ կառույցների ղեկավար պաշտոններին նշանակի այդ կառույցներին օտար, սակայն իրեն հավատարիմ մարդկանց:

Ահա թե ինչու նա «հիշեց» լուսավորների առաջարկը այս հարցի վերաբերյալ, որին ի դեպ ամիսներ առաջ ինքը և իր թիմը բոցաշունչ ձևով մերժում էին:

Սակայն այս փոփոխություններին Փաշինյանը գնում է ոչ միայն դրա պատճառով. այստեղ կա նաև լրջագույն աշխարհաքաղաքական կոմպոնենտ, սակայն սրա մասին կներկայացնենք մեր այլ հոդվածներից մեկում: Նշենք միայն, որ այս երկրորդ գործոնը շատ ավելի վտանգավոր է երկրի համար, քանզի այն ուղղակ առնչվելու է երկրի անվտանգության հետ:

Սա է իրականությունը:

 zham.am