«Վանեցյանի հրաժարականի հարցում գործ ունենք պատճառների մի ամբողջ մոզաիկայի հետ, այդ թվում՝ մոսկովյան գործոն». Դուբնով

«ԱԱԾ տնօրենը լուրջ պաշտոն է, բայց չեմ կարծում, որ այդ պաշտոնից Վանեցյանի հրաժարականը ճակատագրական է ներկայիս Հայաստանի և իշխանության համակարգի համար: Սա քաղաքական պրոցեսների բնականոն զարգացում է»,- այս մասին 168 ժամի հետ զրույցում ասաց ռուս քաղաքական վերլուծաբան Վադիմ Դուբնովը՝ անդրադառնալով ՀՀ ԱԱԾ նախկին տնօրեն Արթուր Վանեցյանի հրաժարականին:

Հիշեցնենք, որ ՀՀ Ազգային անվտանգության ծառայության տնօրեն Արթուր Վանեցյանը նախօրեին հրաժարական է տվել զբաղեցրած պաշտոնից: Նրա հայտարարության վերջին հատվածում, մասնավորապես, ասվում էր․ «Պետականաշինությունն իր տրամաբանությունն ունի` որոշումների տարերայնությունը, գործողությունների հախուռնությունը, առաջնայինը՝ երկրորդականից, իսկ անցողիկը՝ մնայունից չտարբերելու գործելաոճն այն ճանապարհը չէ, որը տանում է դեպի նպատակների իրականացում։ Այն ընդհանուր ոչինչ չունի սպայի արժանապատվության հետ. սպայի ուսադիրն ու զարգացումների նման ընթացքն անհամատեղելի են։ Իմ հրաժարականը թող լինի «Կանգ ա՛ռ»-ի սթափեցնող քայլ, մնացած բոլոր տարբերակներում կհաղթանակի հայրենիքի հանդեպ պարտքը»:

Արթուր Վանեցյանի պաշտոնավարման ամենաաղմկահարույց իրադարձությունը շուրջ մեկ տարի առաջ համացանցում հայտնված՝ իր և և քննչական ծառայության պետ Սասուն Խաչատրյանի հեռախոսազրույցի ձայնագրությունն էր, որի ընթացքում պաշտոնյաները՝ Վանեցյանը և Խաչատրյանը, քննարկում են Հայաստանի նախկին նախագահ Ռոբերտ Քոչարյանի կալանքը, ինչպես նաև ՀԱՊԿ գլխավոր քարտուղար Յուրի Խաչատուրովի և ՊՆ նախկին ղեկավար Միքայել Հարությունյանի դեմ հարուցված քրեական գործերը։

Վադիմ Դուբնովն ասաց, որ ակնհայտորեն եղել են բավականին լուրջ քաղաքական տարաձայնություններ Վանեցյանի և Փաշինյանի միջև: Ըստ նրա՝ պատճառների մասին հրապարակումների մի մասը դավադրության ծիծաղելի տեսություն են թվում, մյուս մասը՝ օբյեկտիվ պատճառներ: Ըստ նրա՝ սա օբյեկտիվ և բնական գործընթաց է, որովհետև Հայաստանում տեղի ունեցած հեղափոխությունից հետո իշխանության եկավ որոշակի առումով ժողովրդական ճակատը, և ժամանակն է եկել, որպեսզի այն քիչ-քիչ քաղաքականապես հարստացվի, բաժանվի, քաղաքական նոր հայտեր լինեն, որոնցից մեկը տրվեց նախօրեին:

«Վանեցյանի հայտարարությամբ տրվեց իր քաղաքական ուղու ստարտը: Լիովին բնական պրոցես է՝ նման քաղաքական իրավիճակների և ոչ այնքան գաղափարականացված իշխանության դեպքում: Սա լուրջ քաղաքական շրջադարձ է, բայց այն դրամատիզացնել պետք չէ, թեև այս շրջադարձն անդրադառնալու է իշխանության գործողությունների տակտիկայի վրա: Մենք հայաստանյան քաղաքական կյանքի տարբեր ուղղություններում նյարդայնություն ենք նկատում՝ Քոչարյանի գործ, Ռուսաստանի հետ հարաբերություններ, որոնք առաջիկայում տարբեր քաղաքական նորությունների առիթ են դառնալու, գործընթացները շարունակվում են»,- ասաց Վադիմ Դուբնովը:

Ռուս քաղաքական վերլուծաբանը համաշխարհային քաղաքական պատմության ընթացքում երկրի ղեկավար-ԱԱԾ տնօրեն «ապահարզանի» այլ դեպք չի մտաբերում, սակայն, ըստ նրա, ամենայն հավանականությամբ նման օրինակներ եղել են:

«Վանեցյանն առանցքային խաղացող էր, և ներկայումս ճակատում հայտնված առանցքային կադրերը ցրվում են: Նման ձևով կարող է իր քաղաքական կարիերան սկսել նախարարներից մեկը, երկուսը, և այլն: Այո՛, սա լուրջ պաշտոն է, բայց չեմ կարծում, որ ճակատագրական է ներկայիս Հայաստանի և իշխանության համակարգի համար: Սա քաղաքական պրոցեսների բնականոն զարգացում է»,- նման տեսակետ հայտնեց նա:

Խոսելով Վանեցյանի հրաժարականի հարցում արտաքին, մասնավորապես՝ ռուսական գործոնի առկայության հավանականության մասին՝ Դուբնովն ասաց, թե դեռ պետք է տեսնել՝ ով պետք է նշանակվի, դա ցուցիչ է լինելու:

«Կտեսնենք՝ եթե Վաղարշակ Հարությունյանը նշանակվի, դա մի բան է, եթե այլ մեկը՝ մեկ այլ: Չեմ բացառում, որ մոսկովյան գործոնը եղել է այս ողջ հրաժարականի պատմության մեջ, քանի որ Ռուսաստանի հետ հարաբերություններն իշխանությունների նյարդի աղբյուրներից մեկն են, որը կարող էր անդրադառնալ ներկայիս սցենարների վրա: Մենք գործ ունենք պատճառների մի ամբողջ մոզաիկայի հետ, և ոչ մի գործոն, ինչպես ռուսականը, Քոչարյանի գործոնը չենք կարող տարանջատված դիտարկել, ինչպես նաև դատական ոլորտում զարգացումները, այսինքն՝ բոլոր թեմաները փոխկապակցված են: Բայց մոսկովյան գործոն կա: Բայց դեռ վաղ է ավելի հեռուն գնացող կարծիքների համար»,- ասաց նա:

դիտվել է 618 անգամ
Լրահոս
Այս իշխանությունը մի բան է միայն լավ անում. Աբրահամյան Հայաստանը «փաշինյանների» պակաս երբևէ չի ունեցել․ Կարեն Հեքիմյան Մեր որեւէ քայլ երբեւէ չի կարող սպառնալիք հանդիսանալ Հայաստանի համար, ես կասեի հակառակն է. Մետաքսե Հակոբյան Ըստ Ժաննա Անդրեասյանի՝ Կոնսերվատորիայի շուրջ ոչինչ էլ տեղի չի ունենում, «Գոյ» թատրոնի վերաբերյալ որոշումն էլ փոփոխման ենթակա չէ Այս իշխանությունը Հայաստանի գոյություն ունեցող սահմանները ապալեգիտիմացրեց, դրեց հարցականի տակ. Արթուր Խաչատրյան Վրաստան. սեփական պրագմատիզմի եւ Ալիեւի դափնիների արանքում ՀՀ-ն 300 հազար դոլարի օգնություն կտրամադրի Ճապոնիային երկրաշարժից տուժածների հումանիտար կարիքների բավարարման համար Քաղաքացիական անհայտ կորածների ընտանիքները սոցիալական աջակցության կշարունակեն ստանալ ՆԳ նախարարը քաղաքական լուրջ վրիպում է թույլ տվել Փաշինյանը վախեցած է, բայց ոչ՝ Ադրբեջանից ու այդ երկրի՝ իր գործընկեր նախագահից.Ստեփան Դանիելյան Երկու անձանց դանակահարած երիտասարդը ձերբակալվել է Հայ-վրացական սահման տանող ճանապարհի մի հատվածում երթևեկության սահմանափակումներ կան Փաշինյանի համար Արցախի վտարանդի կառավարությունը անվտանգային սպառնալիք է, նա սպառնաց Կարեւոր է. Չտրվե´լ թշնամական հերթական սադրանքին. «Հայաքվե» Ինչպես հետ մնացինք Վրաստանից․ Եվրո–2024–ն առանց Հայաստան Կա մի կարևոր գործ, որը պետք է անենք․ Աշոտ Անդրեասյան (video) Ավարտվել է Հրազդան քաղաքի 64–ամյա բնակչի սպանության դեպքի առթիվ նախաձեռնված քրեական վարույթի նախաքննությունը Էս ի՞նչ եք անում․ ի՞նչ որոշումներ եք ընդունել․ Արեգնազ Մանուկյանը նեղը գցեց Ժաննա Անդրեասյանին (video) Ինչ է ասել Պուգաչովան ԱՄՆ Ներկայացուցիչների պալատի պատվիրակությունը կայցելի Թուրքիա Հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ
Ամենաընթերցվածները
Շուտով
Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 13։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը Մարտի 27-ին՝ ժամը 11:30-ին, Հայելի ակումբի հյուրն Գառնիկ Դավթյանը
Հետևեք մեզ Viber-ում https://cutt.ly/5wn8sJBS
Hayeli.am