Ինչու՞ է թուրքամետ Բրայզան գովում Փաշինյանին և փնովում Քոչարյանին. Տեսանյութ
Ինչպես հայտնի է ԱՄՆ-ի նախկին պաշտոնյաները նույնպես շարունակում են զբաղվել ակտիվ քաղաքականությամբ: Ավելին՝ իրենց գործնեությունը ոչ պակաս կարևոր է լինում պաշտոնապես զբաղվողներից: Ինչպես կատակում են այդ առթիվ ամերիկացիները՝ «նախկին պաշտոնյաներ չեն լինում»:
Այդ իմաստով նրանք ճիշտ են, քանզի ամերիկյան քաղաքականությունը տեղավորել բացառապես պաշտոնական գործիչների քայլերի մեջ, մեղմ ասաց միամտություն կլինի:
Այդ իմաստով Մետյու Բրայզայի օրինակը այդ շարքում բացառություն չէ: Նա շատ լավ տեղյակ է, թե ինչ է կատարվում մեր տարածաշրջանում և բացի այդ մեր տարածաշրջանում ունի լուրջ ազդեցություն ԱՄՆ-ի քաղաքականության ձևավորման վրա:
Ոչ մեկի համար էլ գաղտնիք չէ, որ նրա հիմնական շահերը գտնվում են Ադրբեջանում և Թուրքիայում: Որոշ ժամանակ անց ԱՄՆ–ի վարչակազմը նրան ուզում էր նշանակել Ադրբեջանում ԱՄՆ-ի դեսպան, սակայն հայկական լոբիստական շրջանակների ջանքերի արդյունքում նրա նշանակումը այդ պաշտոնին տապալվեց: Նա ստիպված իր առաքելությունը փորձում է իրականացնել, այսպես ասաց ոչ պաշտոնական մակարդակով:
Գաղտնիք չէ, որ ամերիկացի նախկին պաշտոնյաները ստանձնում են ոչ պաշտոնական խոսափողի դեր վերցնել և ակտիվորեն համագործակցում են ամերիկյան տարբեր հիմնադրամների հետ: Բացի այդ գաղտնիք չէ նաև, որ նրանց գործնեության կոորդինացիան CIA-ի հետ է:
Այս առումով Բրայզայի ակտիվ քողարկված դերը Հայաստանի ամերիկյան հիմնադրամների վրա անհերքելի է:
Հետաքրքիր մեկ փաստ ևս: Ինչպես հայտնի է Ադրբեջանում ամերիկյան հիմնադրամների գործնեությունը փաստացի արգելված է: Եվ Բրայզան ստիպված իր շփումները Ադրբեջանում անցկացնում է պաշտոնական մակարդակի տիրույթներում:
Հայաստանում Բրայզան համարվում է թուրքամետ և ուրեմն նա չունի շփումներ պաշտոնական մակարդակներում, սակայն բոլորին է հայտնի, որ նա ակտիվ համագործակցում է Հայաստանի ամերիկյան հիմնադրամների հետ: Իսկ վերջիններս էլ «աշխատում են» Հայաստանում այսպես ասաց «աբորիգենների» մակարդակով:
Բոլորին է հայտնի, թե ովքեր են ակտիվորեն կամ միջնորդավորված Հայաստանում շփվում Բրայզայի հետ:
Ինչը ևս մեկ անգամ ապացուցում է, որ Հայաստանում այսօր գործում է փաստացի գործող թուրք-ամերիկյան ցանց: Այդ ցանցը ունի իր ռազմավարական և մարտավարական նպատակները, որոնք Հայաստանի պետական շահի հետ ոչ մի կապ չունեն, եթե չասենք ավելին:
Եվ ահա վրացական հայտնի հեռուստահաղորդմանը տված իր հարցազրույցում, նա որոշ փակագծեր է բացում որտեղ խոստովանում է, որ «... Ադրբեջանի վերնախավը իր ամենաբարձր մակարդակով մեծ հույսեր ունի Փաշինյանից, բայց նրան Ղարաբաղի հարցում խանգարում է ղարաբաղյան շրջանակները՝ Ռոբերտ Քոչարյանի գլխավորությամբ...»:
Կարծում ենք, որ ավելի անկեղծ հնարավոր չէր ասել այն, ինչ ասեց Բրայզան, որից բնականաբար մի շարք հարցադրումների պահանջ է առաջանում:
Հարցադրում առաջին
Ի՞ նչ ակնկալիք ունի Ադրբեջանի վերնախավը Փաշինյանից, որի մասին իրեն փոխանցել են Բաքվում:
Հարցադրում երկրորդ
Արդյո՞ք Փաշինյանը միջնորդավորված կամ ուղիղ խոստումներ չէր տվել Ադրբեջանի ղեկավարությանը:
Հարցադրում երրորդ
Կարո՞ղ է արդյոք Հայաստանի ԱԱԾ-ին չհետաքրքրել Բրայզայի այս խոսքերը: Եվ արդյո՞ք չգիտեն այստեղ, թե որ հայաստանյան ամերիկյան հիմնադրամների հետ է համագործակցում թուրքամետ Բրայզան, որի մասին այդ հայտնի գրանտակերները գերադասում են լռել:
Եվ վերջապես գլխավոր հարցը, թե ինչու՞ Բրայզան հենց հիմա որոշեց հրապարակել այն լուրը, որ Ադրբեջանի վերնախավը մեծ սպասում է ունեցել Փաշինյանից:
Կարծում ենք, որ վերջին հարցադրումը հասկանալի է: Նա իր այդ խոստովանությամբ փորձում է փաստացի երկընտրանքի առջև է կանգնեցնել Փաշինյանին, որպեսզի վերջինս վերջնականապես ճշգրտի իր դիրքորոշումը, իսկ թե ինչու, կներկայացնենք մեր հաջորդ հոդվածներից մեկում:
zham.am