Դատարան եկան Արմեն Գևորգյանն ու Սեյրան Օհանյանը
Երևանի ընդհանուր իրավասության դատարանի շենգավիթի նստավայրում՝ Աննա Դանիբեկյանի նախագահությամբ, մեկնարկում է դատական նիստ, որի ժամանակ քննարկվելու է նախագահ Ռոբերտ Քոչարյանի խափանման միջոցի հարցը։ Համաձայն Սահմանադրական դատարանի որոշման՝ Ռոբերտ Քոչարյանի կալանքն ապօրինի է։
Դատարանի դիմաց հավաքվել են Ռոբերտ Քոչարյանի աջակիցները և պահանջում են կատարել ՍԴ որոշումը։
Րոպեներ առաջ դատարան եկան նաև նախկին փոխվարչապետ Արմեն Գևորգյանն ու պաշտպանության նախկին նախարար Սեյրան Օհանյանը:
Հիշեցնենք,որ այս գործով մեղադրյալի կարգավիճակում են ՀՀ երկրորդ նախագահ Ռոբերտ Քոչարյանը, ՀՀ ԶՈՒ նախկին գլխավոր շտաբի պետ, ՀԱՊԿ նախկին գլխավոր քարտուղար Յուրի Խաչատուրովը, ՀՀ պաշտպանության նախկին նախարար Սեյրան Օհանյանը և ՀՀ նախկին փոխվարչապետ Արմեն Գևորգյանը։
Յուրի Խաչատուրովը և Սեյրան Օհանյանը մեղադրվում են սահմանադրական կարգը տապալելու մեջ, Ռոբերտ Քորարյանը՝ ՀՀ սահմանադրական կարգը տապալելու և առանձնապես խոշոր չափերով կաշառք ստանալու, իսկ Արմեն Գևորգյանը՝ ՀՀ սահմանադրական կարգը տապալելուն օժանդակելու, առանձնապես խոշոր չափերով կաշառք ստանալու և հանցավոր ճանապարհով ստացված գույքն օրինականացնելու մեջ: