Ազատազրկումների նոր ալիք Ռուսաստանում․ իրավիճակը սրվում է

Սեպտեմբերի 8-ին Ռուսաստանի մի շարք քաղաքներում և մարզերում անցկացվելու են նահանգապետերի և քաղաքային դումայի, այդ թվում՝ Մոսկվայի դումայի ընտրություններ, Մոսկվայի ընտրական հանձնաժողովը հրաժարվել էր գրանցել այդ ընտրություններին գրեթե բոլոր ընդդիմադիր թեկնածուներին։

Հուլիսից Մոսկվայում անցել են մի շարք բողոքի ակցիաներ, այդ թվում՝ չարտոնված, որոնց ժամանակ ոստիկանությունը բիրտ ուժ է կիրառել ցուցարարների նկատմամբ։ Վերջին անգամ ընդդիմադիրները հավաքվել էին չարտոնված երթի անցած շաբաթ օրը՝ օգոստոսի 31-ին, ընդամենը մի քանի հազար մարդ էր դուրս եկել, և իրավապահները որևէ ձևով չեն միջամտել։ Երեկվանից, սակայն, գիշերային ձերբակալությունները վերսկսվել են: Ընդդիմությունը նոր բողոքի ռազմավարություն է մշակում։

Երեկ Մոսկվայի Պրեսնենսկի դատարանը հինգ տարվա ազատազրկման է դատապարտել բլոգեր Վլադիսլավ Սինիցային՝ Թվիթերում գրառում կատարելու համար։ Դատարանը նրան մեղավոր է ճանաչել ատելություն և թշնամանք հրահրելու մեջ։ Բլոգերն իրեն մեղավոր չի ճանաչում և հայտարարել է, որ իր խոսքերը դուրս են բերվել համատեքստից։ Վլադիսլավ Սինիցան «Մաքս Ստեկլով» կեղծանունով Թվիթերում օգոստոսի 1-ին պատասխանել է մեկ ուրիշ անանուն բլոգերի գրառմանը, թե հնարավոր է պարզել Ռոսգվարդիայի այն աշխատակիցների ինքնությունը, ովքեր դիմակներով հուլիսի 27-ին չարտոնված ցույցի ժամանակ դաժանորեն ծեծում էին ցուցարարներին։ Սինիցան գրել է. - «Հետո մարդիկ կիմանան, թե ովքեր այդ ոստիկանները, և կպատժեն նրանց երեխաներին»։ Սինիցան պնդում է, որ ինքը պարզապես ենթադրել է, թե ինչ կարող է տեղի ունենալ։

Բլոգերի փաստաբան Դենիս Տիխոնովը դատարանի որոշումը որակել է անմարդկային: Փաստաբանը հայտարարել է նաև, որ պատրաստվում են դատարանի որոշումը բողոքարկել նախ Մոսկվայում, հետո էլ՝ Մարդու իրավունքների եվրոպական դատարանում։

Հիշեցնենք, Մոսկվայում հուլիսից պարբերաբար անցնող բողոքի չարտոնված ցույցերի մասնակիցների նկատմամբ իրավապահները քրեական գործեր են հարուցել, այսօր նման մի գործով առաջին դատական վճիռն է հրապարակվել։ Մոսկվայի Տվերսկոյ դատարանը երեք տարվա ազատազրկման է դատապարտել Իվան Պոդկոպաևին` ոստիկանի նկատմամբ բռնություն գործադրելու համար: Ցուցարարն իր մեղքը խոստովանել է՝ հավելելով, թե չէր ուզում որևէ վնաս պատճառել, զայրացել էր այն բանից, որ իրավապահները մետաղյա ցանկապատով հրում և պարզապես ջարդում էին մարդկանց, այդ թվում՝ տարեցներին և կանանց։

Կլինեն նաև այլ դատական որոշումներ, տասնյակից ավելի են այն ցուցարարները, ում դեմ քրեական գործեր են հարուցվել։ Ձերբակալված չորս ցուցարարների դեմ քրեական գործերն այսօր կարճվել են։

Հուլիսի 27-ին Մոսկվայում տեղի էր ունեցել քաղաքային դումայի ընտրություններին չգրանցված թեկնածուների աջակիցների չարտոնված հավաքը, որի ժամանակ ոստիկանությունը և Ռոսգվարդիան բիրտ ուժ էին կիրառել ցուցարարների նկատմամբ, և այդ տեսագրություններն արագ տարածվել էին համացանցում։ Օգտատերերը կարողացել էին հատուկ ծրագրի միջոցով պարզել դիմակներով Ռոսգվարդիայի ներկայացուցիչների ինքնությունը և նրանց անունները տարածում էին համացանցում։ 30-ամյա Սինիցայի գրառումը սրան էր վերաբերում։ Ռուսաստանցիները պարզապես զայրացել էին իրավապահների կոշտ գործողություններից։

Նախօրեին Մոսկվայում հերթական անգամ տեղի են ունեցել գիշերային ձերբակալություններ։ Իրենց բնակարաններում իրավապահները ձերբակալել և բերման էին ենթարկել ընդդիմադիրներ Լյուբով Սոբոլին, Նիկոլայ Ռյասկինին և «Նովայա գազետա» թերթի լրագրող Իլյա Ազարին։ Ընդ որում, Ազարին ձերբակալել էին երեկոյան, երբ նա պատշգամբ էր դուրս եկել ծխելու, տնային հագուստով, և միանգամից ոստիկանություն էին տարել՝ չնայած բնակարանում մենակ էր մնացել նրա մանկահասակ դուստրը։

Երեկ էլ Մոսկվայի Տվերսկոյ դատարանն երեք տարվա ազատազրկման է դատապարտել հուլիսի 27-ին Մոսկվայի կենտրոնում բողոքի ցույցին մասնակցած Կիրիլ Ժուկովին։ Նրան մեղադրել են Ռոսգվարդիայի ներկայացուցչի դիմակը քաշելու և դրանով նրան ցավ պատճառելու մեջ։

Տուժողը Ասկարբեկ Մադրեյմովն է։ Նրա ցուցմունքի համաձայն՝ Ժուկովը ձախ ձեռքով հարվածել է իր գլխին՝ դիմակը հանելու համար։ Մեղադրող կողմը 4,5 տարի էր պահանջում Ժուկովի համար։ Իսկ երիտասարդ տղամարդը դատարանում խնդրում էր, որ իրեն պայմանական ազատազրկման դատապարտեն։

Սեպտեմբերի 3-ին Մոսկվայի դատարանը այսպես կոչված «մոսկովյան գործի» շրջանակներում ևս երկու ցուցարարների էր դատապարտել ազատազրկման։ 25-ամյա Իվան Պոդկապաևը դատապարտվել էր երեք տարվա ազատազրկման, իսկ 25-ամյա Դանիլ Բեգլեցը՝ երկու տարվա։ Նրանց նույնպես մեղադրում են իրավապահների նկատմամբ ուժ կիրառելու մեջ, թեև որևէ վնաս ոստիկաններին չէր հասցվել։ Բեգլեցն ընդհանրապես երկու տարվա ազատազրկման է դատապարտվել միայն նրա համար, որ քաշել էր ոստիկանի ձեռքը։

Քննչական կոմիտեն հայտարարել էր, թե դադարեցնում է քրեական գործը Էկոնոմիկայի բարձրագույն դպրոցի ուսանող Եգոր Ժուկովի դեմ։ Մոսկվայի ամենահայտնի բուհերից մեկի ուսանողին մեղադրում էին զանգվածային անկարգություններին մասնակցելու մեջ, սակայն գործը կարճվել է երեկ, իսկ Ժուկովին կալանավայրից տեղափոխել են տնային կալանքի։ Սրա հետ մեկտեղ՝ ուսանողի դեմ նոր քրեական գործ են հարուցել համացանցում ծայրահեղական գործողությունների կոչերի համար։ Հայտնի է, որ հինգ ցուցարարների դեմ քրեական գործերը կարճվել են։ «Մոսկովյան գործի» շրջանակում դատավարությունները շարունակվում են։

Հիշեցնենք՝ բողոքի այս ալիքը բարձրացել է այն բանից հետո, երբ Մոսկվայի ընտրական հանձնաժողովը հրաժարվել է գրանցել գրեթե բոլոր ընդդիմադիրներին սեպտեմբերի 8-ին կայանալիք Մոսկվայի քաղաքային դումայի ընտրություններին։ Կոռուպցիայի դեմ հիմնադրամի ղեկավար, ընդդիմադիր Ալեքսեյ Նավալնին «Խելացի ընտրություն» ռազմավարության շրջանակում կոչ է անում իր աջակիցներին մասնակցել ընտրություններին և իրենց ձայնը տալ այլ, այդ թվում նաև կոմունիստ թեկնածուներին, միայն թե չանցնեն իշխող «Եդինայա Ռոսիա» կուսակցության թեկնածուները։
Ինչպես հաղորդել է «Ազատությունը»՝ «Պրոյեկտ» պարբերականը գրել է, թե Կրեմլը որոշել է ընդդիմադիր թեկնածուներին չգրանցել որպես թեկնածու, երբ փակ հարցումների արդյունքում պարզել է, որ ընդդիմադիրները շատ բարձր վարկանիշ ունեն և կարող են հաղթել Մոսկվայի դումայի ընտրություններում առնվազն 9 շրջաններում։ Այդ հարցումների համաձայն՝ հաղթելու բոլոր շանսերն ունեին Նավալնու հիմնադրամի աշխատակիցներ Լյուբով Սոբոլը և Իվան Ժդանովը, Մոսկվայի դումայի պատգամավորներ Իլյա Յաշինը, Յուլիա Գալյամինան և Ելենա Ռուսակովան, ինչպես նաև ընդդիմադիր գործիչ Դմիտրի Գուդկովը։ «Պրոյեկտ»-ը պնդում է, որ Կրեմլը մինչև այդ փակ հարցումը պատրաստ էր թույլ տալ ընդդիմադիրներին մասնակցել և որոշ տոկոս ստանալ ընտրություններին, սակայն չէր կարող թույլ տալ, որ մայրաքաղաքում Կրեմլի կոշտ ընդդիմադիրները լուրջ հաղթանակ արձանագրեին։

Մետաքսյա Շալունց

դիտվել է 4524 անգամ
Լրահոս
Ալիևը ձերբակալում է Հայաստանի հետ թիվ մեկ բանակցողի զինակիցներին. Ի՞նչ է կատարվում Բաքվում Մեսիջներ Երևանից՝ Ստեփանակերտ. ինչու էր Մնացականյանը հասել Արցախ «Նոր՝ 300000-500000 դրամ տուգանք են բերում մարդկանց գլխին». Արման Աբովյան Ինչպես «երեք հրացանակիրները» օգնեցին երկրին պայքարել կորոնավիրուսի դեմ. BBC-ին անդրադարձել է Վրաստանի հաջող փորձին ու Հայաստանի հետ զուգահեռներ տարել (լուսանկարներ) Տիգրան Պետրոսյանն ու Ռոմանոս Պետրոսյանը նոր բնակարաններ են ձեռք բերել. ի՞նչ ունեցվածք ունեն մարզպետները Տղամարդը ընկերոջ տատի տնից մոտ 1 մլն դրամ էր գողացել ու բռնվել /տեսանյութ/ «Հավաքներից վախը, հավաքներն արգելելը այս իշխանության, Նիկոլիզմի թիվ մեկ իդեա-ֆիքսն է». Մարգարիտ Եսայան «Գործող մանկապարտեզների աշխատակիցները կստանան հավելավճարներ, մյուսները կստանան 100%-ով». Տիգրան Վիրաբյան Ի՞նչ տեղի ունեցավ այս 4 ամսվա ընթացքում համաճարակի կանխարգելման առումով....ՈՉԻՆՉ Հայ-ռուսական հարաբերությունների վատթարացման համար պայքարում են թուրքերը, ադրբեջանցիները, սորոսները Արտակարգ դրության ու համավարակի պայմաններում հանցագործությունները չեն պակասել Հայտնվեցին մարդիկ, որոնք ոչ թե Երևան գալով իրենք դարձան երևանցիներ, այլ իրենց նկարագիրը պարտադրեցին Երևանին Նիկոլական պողոսիկները խիստ նեղվել են Արամոյի բառապաշարից ու քննադատությունից Բաց տարածքում դիմակ չկրելու համար՝ 20 հազար դրամ, փակ տարածքներում՝ 50 հազար դրամ տուգանք. նոր նախագիծ Ազգային պետություն ունենալու հարցում մեր սերունդների գործերը, մեղմ ասած, լավ չեն Պարետ Տիգրան Ավինյանը նոր որոշումներ է ստորագրել Կարևոր նորություն աղբահանության վճարների մասին Նիկոլը օրվա կուրսով քաղաքականություն է վարում․ Երվանդ Բոզոյան. անոնս Արամոն լավն էր, երբ կնոջ հետ թավշյա հարթակից ձեռքերը վեր՝ հու, հա, դըմփ, ցըմփ էր անում, հենց սկսեց քննադատել Նիկոլին, դարձավ հակահեղափոխական Երևանում 70-ամյա վարորդը Mercedes-ով բախվել է էլեկտրասյանն ու առաջ ընթանալով՝ բախվել կայանված Toyota-ին. կա վիրավոր
Ամենաընթերցվածները
Շուտով
Հուլիսի 7-ին, ժամը 11:00-ին Հայելի ակումբի հյուրերն են փորձագետներ Ա. Հարությունյանը և Ա. Ավագյանը: Թեմա՝ «Հայոց Եկեղեցու պատմություն» առարկան վերացնելը տրամաբանությունից զուրկ է և վտանգավոր, տեսակետներ թեմայի շուրջ, հայ-ռուսական ներկա հարաբերություններ, ինչի կհանգեցնեն, Ինչ է իրենից ներկայացնում Լանզարոտի կոնվենցիան, եվ արդյոք կհեշտացնի՞ Ստամբուլյան կոնվենցիայի վավերացումը: Հուլիսի 7-ին, ժամը 12:00-ին Հայելի ակումբի հյուրերն են Ռեֆորմիստների կուսակցության նախագահ Վահան Բաբայանը և «Հանրային վերահսկողության կենտրոն» ՀԿ նախագահ Բաբկեն Հարությունյանը: Թեմա՝ «Հայոց Եկեղեցու պատմություն» առարկան վերացնելը տրամաբանությունից զուրկ է և վտանգավոր, տեսակետներ թեմայի շուրջ, հայ-ռուսական ներկա հարաբերություններ, ինչի կհանգեցնեն Հուլիսի 7-ին, ժամը 12:30-ին Հայելի ակումբի հյուրն է ԲՀԿ-ական պատգամավոր Գևորգ Պետրոսյանը: Թեմա՝ «Հայոց Եկեղեցու պատմություն» առարկան վերացնելը տրամաբանությունից զուրկ է և վտանգավոր, տեսակետներ թեմայի շուրջ, հայ-ռուսական ներկա հարաբերություններ, ինչի կհանգեցնեն, կորոնավիրուս, արտակարգ իրավիճակի հնարավոր երկարաձգում, հետևանքները Հուլիսի 7-ին, ժամը 12:30-ին Հայելի ակումբի հյուրն է ԲՀԿ-ական պատգամավոր Գևորգ Պետրոսյանը: Թեմա՝ «Հայոց Եկեղեցու պատմություն» առարկան վերացնելը տրամաբանությունից զուրկ է և վտանգավոր, տեսակետներ թեմայի շուրջ, հայ-ռուսական ներկա հարաբերություններ, ինչի կհանգեցնեն, կորոնավիրուս, արտակարգ իրավիճակի հնարավոր երկարաձգում, հետևանքները Հուլիսի 7-ին, ժամը 13:00-ին Հայելի ակումբի հյուրերն են փորձագետ Գևորգ Գրիգորյանը և Արեն Ապիկյանը: Թեմա՝ «Հայոց Եկեղեցու պատմություն» առարկան վերացնելը տրամաբանությունից զուրկ է և վտանգավոր, տեսակետներ թեմայի շուրջ, հայ-ռուսական ներկա հարաբերություններ, ինչի կհանգեցնեն: Կորոնավիրուս, արտակարգ իրավիճակի հնարավոր երկարաձգում, հետևանքները Հուլիսի 7-ին ժամը 12:00 Փաստարկ մամուլի ակումբի հյուրն է քաղաքագետ Սերգեյ Շաքարյանցը: ԹԵՄԱ՝ Ռուսաստանին և Իրանին վիճակված է որոշել տարածաշրջանի ճակատագիրը: Իրողություններ և հնարավոր զարգացումներ: ՀՈՒԼԻՍԻ 7-ին` ժամը 11:00-ին, «Արմենպրես» պետական լրատվական գործակալության մամուլի սրահում տեղի կունենա ՀՀ առողջապահության նախարար Արսեն Թորոսյանի ասուլիսը: Թեմա- Առողջապահության նախարարությունը հրապարակել է կորոնավիրուսային հիվանդության դեմ պայքարի գործընթացում իրականացված աշխատանքների վերաբերյալ ամփոփ տվյալներ: Նախարար Արսեն Թորոսյանը կպատասխանի թեմայի վերաբերյալ հարցերին: Հարգելի գործընկերներ, COVID-19 համավարակի տարածմամբ պայմանավորված, ասուլիսներն առայժմ անցկացվելու են առցանց ձևաչափով:... Հուլիսի 6-ին՝ ժամը 14:00-ին, «Մեդիա կենտրոն»-ը տեսակապի միջոցով կազմակերպում է քննարկում «Հանրակրթության չափորոշիչներ․ որտե՞ղ է մանիպուլյացիան, որտեղ՝ իրականությունը» թեմայով: Բանախոսներ՝ - Սերոբ Խաչատրյան, Կրթության փորձագետ - Վահրամ Թոքմաջյան, պատմաբան - Վահրամ Սողոմոնյան, Կրթական քաղաքացիական նախաձեռնության անդամ Հուլիսի 4-ին ժամը 12:00 Փաստարկ մամուլի ակումբի հյուրն է Ժողովրդագրական զարգացում սոցիալական ՀԿ-ի նախագահ, պատմական գիտ. թեկնածու Վանիկ Բաբաջանյանը: ԹԵՄԱ՝ ,,Մարդու սոցպաշտպանությունը և սոցիալական իրավունքների իրացումը ՀՀ-ում արտակարգ դրության պայմաններում /2020թ. մարտ-մայիս/, սոցաջակցության ծրագրերը և հետևանքների մեղմման արդյունավետությունը՛՛ թեմայով ՀԿ-ի իրականացրած հետազոտության մասին: Հարգելի գործընկերներ, այսօր՝ հունիսի 3-ին, Արմենպրես լրատվական գործակալության մամուլի սրահում նախատեսված ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանի ասուլիսի ժամը փոխվում է: Այն տեղի կունենա այսօր՝ 15:00-ին: COVID-19 համավարակի տարածմամբ պայմանավորված, ասուլիսներն առայժմ անցկացվելու են առցանց ձևաչափով: Խնդրում ենք լրագրողներին չներկայանալ ասուլիսի վայր: Դուք կարող եք «Արմենպրես» լրատվական գործակալության՝ «Ֆեյսբուք» սոցիալական ցանցի էջում հետևել առցանց հեռ...
Հետևեք մեզ Facebook-ում https://www.facebook.com/hayeliclub