Նիկոլ Փաշինյանը վտանգավոր խաղ է խաղում ռազմավարական դաշնակցի հետ: Խոսքը, բնականաբար, Ռուսաստանի մասին է, ում նկատմամբ Փաշինյանի սերը տարբեր երանգներ ունի: Մինչ իշխանության գալը նա Ռուսաստանին էր վերագրում Հայաստանի բոլոր դժբախտությունների ու ձախողումների մեղքը, անխնա քննադատում Վլադիմիր Պուտինին: Իշխանության գալով Փաշինյանը ոչ միայն պահպանեց նախկինների վերցրած արտաքին քաղաքական կուրսը եւ Ռուսաստանի հետ հարաբերությունների գերակայությունը, այլեւ ինչ որ պահի հայտարարեց, որ հայ-ռուսական հարաբերությունները երբեւէ այսքան փայլուն չեն եղել, որ Վլադիմիր Վլադիմիրովիչը մի հրաշալի անձնավորություն է եւ այլն: Այդ հարաբերություններն այսօր այնքան անքակտելի են դարձելը, սերն առ Ռռուսաստան այնքան ռոմանտիկ է ու անկրկնելի, որ հանուն պուտինի Նիկոլ Փաշինյանը չեղարկեց Լեհաստանում տնտեսական ֆորումին մասնակցությունը, քանի որ Լեհաստանում ՌԴ ղեկավարին չէին հրավիրել երկրորդ համաշխարհայինի 80 ամյակի միջոցառումներին: Բայց ինչ է պարզվում, պարզվում է անձամբ Փաշինյանը գոնե արտաքուստ տոչորվում է Ռուսաստանի սիրուց, բայց վերջին շրջանում պարբերաբար փորձում է ինչ որ մարդկանց ձեռքով կրակից շագանակներ հանել: Դիցուք Շիշկինին քաղաքական ապաստան տալու մասին ինֆորմացիոն արտահոսքը, որն առաջինը եղավ Փաշինյանի ընտանեկան լրատվամիջոցով, իհարկե, հետո պաշտոնապես չհաստատվեց; Փորձ էր արվում ներկայացնելու, թե Փաշինյանը պատասխան ապտակ է տալիս Պուտինին Միհրան Պողոսյանին եւ մյուսներին չարտահանձնելու համար: Կամ կառավարության վերջին նիստում ընդունված որոշումները, համաձայն որոնց սորոսական հայտնի երկու ընկերություններ կգործուղվեն Արցախ՝ դիտարկելու ՏԻՄ եւ համապետական ընտրությունները: Նրանք ավելի քան 30 մլն դրամ է հատկացվել այդ առաքելության համար, բայց խիստ տարօրինակ է, որ նրանց թեկնածությունները հաստատվել է առանց մրցույթի: Սա նշանակում է, որ սորոսական այս ընկերությունները Արցախ են մեկնում հատուկ առաքելությամբ, որպեսզի այնտեղ էլ իրականացնեն այն պլանը, ինչը արել է եւ շարունակում է Սորոսը Հայաստանում: Լինելով պատերազմական երկիրը, սակայն, այս ամենը կարող է ճակատագրական ավարտ ունենալ Արցախի համար, քանի որ այս խմբակները փորձելու են իրենց համախոհների դաշտը ստեղծել ու ճիշտ պահին, ճիշտ տեղում անցնել գործի: Բնական է, որ սորոսական ընկերությունների առջեւ կանաչ լույս վառելն ընդդեմ ՌԴ-ի է նաեւ, ի պատասխան, ինչպես վերեւում ասացինք, նախկիններին ապաստան տալու, ի պատասխան Քոչարյանին ցուցաբերած բացահայտ աջակցության: Դանիել Իոաննիսյանն էլ այնքան է ոգեւորվել, որ արդեն սպառնում է Վլադիմիր Պուտինին, թե տես, երբ գաս կալանավայր Քոչարյանին տեսության, մտածի, որ բանտախցի դուռը կարող է քո հետեւից էլ փակվել:
Ապրիլի 19-ին՝ ժամը 13։00-ին, Հայելի ակումբի հյուրն է Հովհաննես Իշխանյանը
Ապրիլի 19-ին՝ ժամը 16։00-ին, Հայելի ակումբի հյուրն է Պարույր Հայրիկյանը
Ապրիլի 19-ին՝ ժամը 11։00-ին, Հայելի ակումբի հյուրն է Տիգրան Չոբանյանը
Ապրիլի 19-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 18-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը
Ապրիլի 18-ին՝ ժամը 12։00-ին, Հայելի ակումբի հյուրն է Հովհաննես Շահինյանը
Ապրիլի 18-ին՝ ժամը 14։00-ին, Հայելի ակումբի հյուրն է Ռուբեն Հակոբյանը
Ապրիլի 18-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Ապրիլի 17-ին՝ ժամը 14։30-ին, Հայելի ակումբի հյուրն է Տաթև Արցախցին
Ապրիլի 17-ին՝ ժամը 12։00-ին, Հայելի ակումբի հյուրն է Հովհաննես Գալստյանը