Վաշինգտոնի դեսանտը «Բատկային» հյուր․ պատմական այց

«Խառնաշփոթ». այսպես է Ալեքսանդր Լուկաշենկոն բնութագրում Բելառուսի և Թուրքիայի տնտեսական հարաբերություններում վերջին ժամանակահատվածում ստեղծված վիճակը: Այս մասին Բելառուսի նախագահը հայտարարեց պաշտոնական այցով Մինսկ ժամանած Թուրքիայի արտաքին գործերի նախարար Մեվլութ Չավուշօղլույի հետ հանդիպման ժամանակ:

«Մենք, իհարկե, պետք է կատարելագործենք մեր հարաբերությունների հիմքը` առևտրատնտեսական կապերը: Զարգացման նման հսկայական ներուժ ունեցող պետությունները, ինչպիսին են Թուրքիան և Բելառուսը, կարող են երկկողմ ապրանքաշրջանառության մի քանի անգամ ավելի մեծ ծավալներ ունենալ: Անկեղծ պետք է խոստովանեմ, որ այս հարցում այժմ որոշակի խառնաշփոթ է տիրում», - նշում էր Լուկաշենկոն, պնդելով, որ երկու երկրների դեսպանությունները և Թուրքիա-Բելառուս միջկառավարական հանձնաժողովը այս հարցում բավական պասիվ դիրքորոշում են որդեգրել:

Լուկաշենկոյի` Թուրքիայի արտգործնախարարի հետ հանդիպման ընթացքում հնչեցրած դժգոհություններն այնքան էլ անհիմն չէին: 2019-ի առաջին կիսամյակում Բելառուսի և Թուրքիայի միջև ապրանքաշրջանառության ծավալների աճի տեմպը զգալիորեն նվազել է` կազմելով մոտ 400 միլիոն ամերիկյան դոլար: Նախորդ տարվա նույն ժամանակահատվածի համեմատ գրեթե չի աճել Բելառուսում թուրքական ներդրումների ծավալը` կազմելով շուրջ 24 միլիոն դոլար:

2018-ին արձանագրված ցուցանիշները անհամեմատ ավելի հուսադրող էին: Ողջ տարվա կտրվածքով թուրք-բելառուսական ապրանքաշրջանառության ընդհանուր ծավալը մոտ մեկ միլիարդ դոլար էր կազմում, որի 80 տոկոսը բաժին էր հասնում թուրքական ապրանքների ներկրմանը` հիմնականում տեքստիլ արդյունաբերության արտադրանք և մրգեր:

«Չնայած այն հանգամանքին, որ առևտրային հաշվեկշռի սալդոն Թուրքիայի օգտին է, մեզ դա այնքան էլ չի բավարարում: Հավասարակշռված առևտուրն անհամեմատ ավելի առողջ ու երկարաժամկետ օգուտներ ապահովող երևույթ է», - հայտարարում էր Չավուշօողլուն:

Լուկաշենկոյի համոզմամբ էլ երկկողմ առևտրի ծավալների աճը հնարավորություն կտա էլ ավելի ամրապնդել Բելառուսի և Թուրքիայի քաղաքական կապերը: «Համաձայնեք, եթե ապրանքաշրջանառությունը մեծ է, եթե մենք միմյանցից մեծ կախվածության մեջ ենք գտնվում, ապա որևէ մեկն այլևս չի կարողանա խաթարել այդ հարաբերությունները», - նշում էր Լուկաշենկոն:

Ըստ «Ազատության», թուրք-բելառուսական հարաբերությունների հերթական քննությունը լինելու է Առևտրի միջազգային կազմակերպությանն անդամակցելու՝ Մինսկի դիմումի քննությունը: «Մենք ջերմեռանդորեն պաշտպանում ենք Առևտրի համաշխարհային կազմակերպությանն անդամակցելու Բելառուսի ցանկությունը և հետագայում ևս շարունակելու ենք ձեր երկրին այդ հարցում աջակցություն ցուցաբերել», - դիմելով Ալեքսանդր Լուկաշենկոյին՝ նշում էր Թուրքիայի արտգործնախարարը:
Միաժամանակ ուշագրավ մի այց տեղի ունեցավ․ այն կարելի է պատմական որակել։ Միացյալ Նահանգների նախագահի ազգային անվտանգության գծով խորհրդական Ջոն Բոլթոնի այցը Մինսկ։

«Չնայած այն ողջ աղմուկին, որ տեղի է ունենում ձեր ուղևորության շուրջ, հատկապես Բելառուսի համար դրանում շատ դրական կողմեր ևս կան: Միացյալ Նահանգների հետ մեր հարաբերությունների վատթարացման մեկնարկից ի վեր մենք մշտապես առաջարկում էինք փակել մեր պատմության այս բացասական էջը և մեր հարաբերությունները սկսել նոր էջից: Ձեր այցը, անկասկած, պատմական բնույթ է կրում, քանի որ նման նշանակալի և բարձրաստիճան պաշտոնյա Բելառուս վաղուց չէր այցելել», Բելառուսի նախագահ Ալեքսանդր Լուկաշենկոն:

Դիվանագիտական մի շարք աղբյուրների տեղեկություններով Ալեքսանդր Լուկաշենկոյի և Ջոն Բոլթոնը առանձնազրույցը ծրագրվածից շատ ավելի երկար է տևել: Այս մասին այցի ավարտին, Մինսկի օդանավակայանում, «Ազատության» հետ զրույցում նշում էր նաև ինքը՝ Ջոն Բոլթոնը: Լուկաշենկոյի հետ իր զրույցը ամերիկացի պաշտոնյան բնութագրում էր որպես «խիստ հետաքրքրաշարժ»: «Ես ասացի նախագահ Լուկաշենկոյին և մյուս պաշտոնյաներին, որ մեր երկկողմ հարաբերություններում լուրջ խնդիրներ են առկա, մասնավորաբար՝ մարդու իրավունքների պաշտպանության և սպառազինությունների չտարածման հարցերը: Բայց ես նաև կարծում եմ, որ աշխարհաքաղաքական այն մթնոլորտը, որ տիրում է Եվրոպայի այս հատվածում, ինչպես նաև աշխարհում առկա սպառնալիքները, մեզ պետք է դրդեն մի այնպիսի երկխոսության, որի ընթացքում պետք է հասկանանք, թե որտեղ են համընկնում Բելառուսի և Միացյալ Նահանգների շահերը: Լուկաշենկոյի հետ իմ զրույցի ընթացքում, որն անսպասելիորեն տևեց երկու ժամ և 15 րոպե, մենք բազմաթիվ թեմաների անդրադարձանք: Որևէ խնդրի լուծում այդ զրույցի ժամանակ մենք չեն գտել, կարող եմ ասել, որ ես նման ակնկալիքով չէ, որ Մինսկ էի ժամանել: Ամեն դեպքում մեր զրույցը խիստ հետաքրքական էր», - նշում էր Ջոն Բոլթոնը:

Այս հարցազրույցում Սպիտակ տան խորհրդականը հստակորեն չնշեց, արդյոք Լուկաշենկոյի հետ քննարկել է վերջին շրջանում ակտիվացած այն խոսակցությունները, որոնց համաձայն պաշտոնական Մոսկվան փորձում է նոր լիցք հաղորդել Ռուսաստան-Բելառուս միութենական պետությանը, ինչը շատերի գնահատմամբ բելառուսական պետականության անկմանը կհանգեցնի: «Երբ Խորհրդային Միությունը փլուզվեց և [նախկին խորհրդային] հանրապետությունները անկախացան ես աշխատում էի նախագահ Ջորջ Բուշի վարչակազմում: Այդ ժամանակաշրջանից ի վեր Միացյալ Նահանգները շատ հետևողական քաղաքականություն են որդեգրել այս հարցում` աջակցելով այդ պետությունների ինքնիշխանությանն ու անկախությանը: Ակնհայտ է, որ այս հարցում ամեն մի երկիր ինքը պետք է որոշում կայացնի: Ռուսաստանի հետ հարաբերություններն էլ պետք է բխեն Բելառուսի ժողովրդի ցանկություններից», - հայտարարում էր Բոլթոնը:

Ի դեպ՝ Սպիտակ տան ազգային անվտանգության գծով խորհրդականը Մինսկը լքեց նվերներով ծանրաբեռնված: Ալեքսանդր Լուկաշենկոն Դոնալդ Թրամփին Բոլթոնի միջոցով դաշույն ուղարկեց, Մելանիա Թրամփին` բելառուսական կտավից կարված սփռոց և անձեռոցիկներ: Ինքը` Բոլթոնը, Լուկաշենկոյից որպես նվեր սահմանափակ քանակությամբ արտադրված շոկոլադե կոնֆետների հավաքածու ստացավ: «Ձեր նախագահին փոխանցեք Բելառուս ժողովրդի ամենաջերմ շնորհավորանքները: Ի դեպ, նրա փեսայի՝ Ջարեդ Քուշների արմատները այստեղ են՝ Բելառուսում», - նշում էր Լուկաշենկոն:

Թամար Բագրատունի

դիտվել է 1309 անգամ
Լրահոս
Նիկոլ Փաշինյանի կինը հանդիպել է հայտնի աղանդավորական կառույցի ղեկավարի հե՞տ. analitik.am Թբիլիսիում ցուցարարները փակել են խորհրդարանի մուտքերը. իշխանական պատգամավորները չեն կարողանում ներս մտնել Ավտովթար՝ Արարատի մարզում. բախվել են Toyota-ն, Ford Transit-ը և Opel-ը Պակիստանը բալիստիկ հրթիռ է փորձարկել 6-րդ վարչությունը Ավինյանի խորհրդականի եղբոր ընկերությունում է Ոստիկանության 52-ամյա ծառայողը, նետվել է ջրամբարն ու փրկել ծերունու կյանքը Ինչպիսի՞ն է արտագաղթի իրական պատկերը (Աղյուսակ) «Սորոսականները պատանդ են վերցրել վարչապետին». «ՎԵՏՕ»-ն ցույց կանի «Ազատություն Նիկոլ Փաշինյանին» խորագրով «Սորոսականները պատանդ են վերցրել վարչապետին». «ՎԵՏՕ»-ն ցույց կանի «Ազատություն Նիկոլ Փաշինյանին» խորագրով «Երեխաներից 2-ը տեղաշորի մեջ էին, էն 2 տղաները լոգարանում են եղել». հարեւանները մանրամասներ են պատմում Ով է թեկնածուն «Դրվագներ Փաշինյանի աշխատակազմի ղեկավար, դիջեյ Աղաջանյանի աշխատաոճից». Ռոբերտ Հայրապետյան Բողոքի ալիք, պայթյունավտանգ իրավիճակ. Հարևան երկրում համացանցն էին անջատել «Հայկ Մարությանը կրկին քննադատությունների թիրախում է եղել». «Մեդիա պաշտպան» «Բատկան» նորից դժգոհ է Պուտինից. Զենք՝ ոչնչի դիմաց Ինչու են Ամուլսարի հարցով քննարկմանն արգելել լուսաբանումը Շենքերից մեկում հրդեհ է բռնկվել. մահացել է քաղաքացի Ձյուն է գալու Մովսես Հակոբյանը՝ իր և տեղակալների ազատման մասին Ինձ չի հետաքրքրում՝ Մել Դալուզյանի ներքնաշորի ներսում ինչ կա. Ազատ Արշակյան (video) Հեղափոխականների ինքնավստահությունը թույլ չի տալիս բանիմաց մարդկանց հետ խորհրդակցել. Ազատ Արշակյան (video) Աղբահանության համար բերված «Կամազ»-ները վատ վիճակում են,աղբի ջուրը «տակից գնում է».Անի Խաչատրյան (video) Ու՞ր ենք հասել՝ Մատենադարանի կադրային հարցերով զբաղվում է շիշ բռնող տղան. Լիա Ավետիսյան (video) Ռոբերտ Քոչարյանի նստելն այսօր սիմվոլիկ է, որ ցույց տան՝ Նիկոլ Փաշինյանի լինելն իմաստ ունի». Սևակ Թորոսյան (video) Ինչո՞ւ Սեյրան Օհանյանը չէր մասնակցում «Վերնատան» համաժողովին
Ամենաընթերցվածները
Շուտով
Նոյեմբերի 18-ին՝ ժամը 11:30-ին Հայելի ակումբի հյուրն է ակտիվիստ Նարեկ Սարգսյանը: Թեմա՝ Բյուրեղավանի երեխաների խնամքի և պաշտպանության գիշերօթիկ կենտրոնի փակվելը: Տեղի ունեցած ապօրինությունները և երեխաների հետագա ճակատագիրը: Նոյեմբերի 18-ին, ժամը 11:00 -ին Հայելի ակումբի հյուրերն են Երևանի ավագանու «Լույս» դաշինքի անդամ Թեհմինա Վարդանյանը և Անի Խաչատրյանը: Թեմա՝ Երևանի 2020-ի բյուջեն աննախադեպ աճ է գրանցում. 2019-ի համեմատ բյուջեի եկամտային մասը շուրջ 24 մլրդ դրամով ավելի կլինի։ Ինչ են փոխանցում ավագանու անդամները: Նոյեմբերի 18 -ին, ժամը 13:00 -ին Հայելի ակումբի հյուրերն են քաղաքական գործիչներ Ազատ Արշակյանը, Գուրգեն Եղիազարյանը և Կարինե Հակոբյանը: Թեմա՝Սատանա կա երկրում, Վերնատուն ակումբի հավաքը, քաղաքական հայտեր: Նոյեմբերի 18-ին, ժամը 12:00-ին Հայելի ակումբի հյուրն է Ռոբերտ Քոչարյանի գործերով ֆրանսիացի փաստաբան Սևակ Թորոսյանը: Թեմա՝ կներկայացնի ՀՀ երկրոդ նախագահ Ռոբերտ Քոչարյանի գործի նորությունները Նոյեմբերի 16-ին՝ ժամը 12:00-ին, Պոստ Սկրիպտում մամուլի ակումբում «Հայաստանի երիտասարդ եզդիների ասոցիացիա»-ի նախագահ Սաիդ Ավդալյանը կխոսի ՀՀ-ում եզդիական համայնքի խնդիրների և այդ ուղղությամբ արվող քայլերի մասին, բանախոսը կանդրադառնա նաեւ համայնքի կրթական հարցերին։ Նոյեմբերի 18-ին՝ ժամը 12:00-ին, «Մեդիա կենտրոնում» տեղի կունենա քննարկում՝ «Հատուկ հաստատությունները փակվում են. խնդիրներն ու առաջին արդյունքները» թեմայով։ Բանախոսներ՝ Անահիտ Քալանթարյան` ՀՀ Աշխատանքի և սոցիալական հարցերի նախարարության Երեխաների հիմնահարցերի բաժնի պետ, Սպարտակ Սարգսյան` «ՍՕՍ-մանկական գյուղեր» հայկական բարեգործական հիմնադրամի ազգային տնօրեն, Միրա Անտոնյան` Հայ օգնության ֆոնդի երեխաների աջակցության կենտրոնի ղեկավար, Գայանե Մարտիրոսյան` «Վորլդ վիժըն Հայաստան» կա... Նոյեմբերի 18-ին՝ ժամը 12:00-ին, «Հենարան» մամուլի ակումբում կհյուրընկալվի ՍԱՊԾ առաջին պետ Գրիգոր Գրիգորյանը: ԹԵՄԱ՝ ռուս մասնագետների մուտքը Հայաստանում կենսաբանական լաբորատորիաներ թույլատրելու հուշագիրը մոտ ժամանակներս կստորագրվի. գործընթացի քաղաքական վտանգներն ու հետևանքները Նոյեմբերի 18-ին՝ ժամը 11:00-ին, «Հենարան» մամուլի ակումբում կհյուրընկալվի հոգեբան Իրինա Ծատուրյանը: ԹԵՄԱ՝ հետհեղափոխական հոգեվիճակ. ՀՀ իշխանության խոստումներն ու հասարակության հիասթափությունը. միտինգներ և դժգոհություններ. հասարակության սոցիալ-հոգեբանական պայմանները: Նոյեմբերի 18-ին՝ ժամը 11:00-ին, «Մեդիա կենտրոնում» տեղի կունենա մամուլի ասուլիս՝ «Սպանությո՞ւն, թե ինքնասպանություն․արձագանք «Նուբարաշեն» ՔԿՀ-ի կալանավոր Արմեն Աղաջանյանի խոշտանգման և մահվան դեպքին» թեմայով։ Բանախոսներ՝ Նինա Կարապետյանց՝ «Հելսինկյան ասոցիացիա» իրավապաշտպան ՀԿ նախագահ Արա Ղարագյոզյան՝ «Հելսինկյան ասոցիացիա» իրավապաշտպան ՀԿ փաստաբան Գայանե Աղաջանյան՝ Տուժող Արմեն Աղաջանյանի իրավահաջորդ Նոյեմբերի 15-ին՝ ժամը 13:00-ին Հայելի ակումբի հյուրերն են «Իրավունքի և արժեքների գերակայություն» իրավապաշտպան կազմակերպության նախագահ Սարգիս Տեր-Եսայանը, անդամ Ռոման Ղազարյանը և Երևանի ավագանու նախկին անդամ Սոնա Աղեկյանը: Թեմա՝ կառավարության իրականացրաց աշխատանքները, կատարված չարաշահումները: