Նիկոլ Փաշինյանի տեղը նեղ է, ուրիշների տարածքն է զավթում
Վարչապետ Նիկոլ Փաշինյանը Բաղրամյան 26-ում հյուրընկալել է 2018-2019 ուսումնական տարում բարձր առաջադիմություն ցուցաբերած հանրակրթական ուսումնական հաստատությունների մեդալակիր շրջանավարտներին, ինչպես նաև դպրոցականների միջազգային առարկայական օլիմպիադաներում 2019թ. հաջողություններ արձանագրած մայրաքաղաքի և մարզերի սովորողներին, «Կենգուրու» միջազգային մաթեմատիկական և հայոց լեզվի «Մեղու», ռուսաց լեզվի «Ռուսական արջուկ» մրցույթների մրցանակակիրներին:
Նիկոլ Փաշինյանը Կրթության, գիտության, մշակույթի և սպորտի նախարար Արայիկ Հարությունյանի հետ դպրոցականներին հանձնել է պարգևներ՝ մեդալներ, հավաստագրեր և նվերներ: Ամեն ինչ շատ լավ կլիներ ու փայլուն, եթե Նիկոլ Փաշինյանը այս ամենը չիրականացներ Բաղրամյան 26-ոիմ, մի վայր, որն ամիսներ առաջ համապատասխան որոշմամբ հանձնվել է ՀՀ նախագահին եւ համարվում է նրա նստավայրը: Մի քանի օր առաջ էլ Նիկոլ Փաշինյանը Ամուսլարի հարցով Բաղրամյան 26-ում էր քննարկումը կազմակերպեսլ: Լավ, միթե իր նստավայրում Փաշինյանն ընդունելությունների կամ քննարկումների սենյակ չունի, կամ միթե հնարավոր չէ նման մի տարածք վերցնել ու դարձնել վարչապետի ընտդունելությունների, պաշտոնական միջոցառումների սրահ:
Գուցե շատերի համար հարցը մանրուք թվա, բայց նախագաի նստավայրի օգտագործումը հեչ գեղեցիկ չէ: Նախ դա խոսում է վարչապետի մարդկային հատկանիշների մասին առ այն, որ նա աչքը միշտ ուրիշի իրերի ուրիշի տարածքի վրա է ու սեփականով չի բավարարվում, իսկ երկրորդ եւ ամենակարեւորը սա վերաբերմունք է ինստիտիտուտի նկատմամբ: Եւ խնդիրն այստեղ ոչ այնքան Արմեն Սսարգսյանն է, որի նկատմամբ Փաշինյանը կարող է անձնական եւ քաղաքական մեծ հակակրանքով լցված լինել, այլ ընդհանրապես նախագահական ինստիտուտը:
Կարելի է պատկերացնել, թե ինչ կաներ Փաշինյանը, եթե հանկարծ Արմեն Սարգսյանի փոխարեն նախագահի պաշտոնում լիներ խիստ սկզբունքային եւ հավակնոտ մի անձնավորություն, որը պատեհ առիթներով ներքաղաքական զարգացումների եւ վարչապետի գործունեության մասին իր տեսակետը, քննադատությունը կհայտներ: Կարելի է չկասկածել, թե ինչ կաներ այդ պարագայում Փաշինյանը: Նախ Բաղրամյան 26-ը չէր տրամադրի նման անձնավորության, կամ էլ ինչ որ պահից նախագահին կվտարեր այդ շենքից:
Հիմա չի անում, բայց իր պահվածքով ցույց է տալիս, որ նախագահ գոյություն չունի, ու ինչպես Հանրապետության հրապարակի կառավարության շենքն է իր տնօրինության տակ, այնպես էլ Բաղրամյան 26-ը:
Անի Սահակյան