Դավադրության տեսությունը և արյան գինը․ Նարեկ Մանթաշյան. Լուսանկար

«Այլընտրանք» ՀԿ համանախագահ Նարեկ Մանթաշյանն իր ֆեյսբուքյան էջում գրել է․

Հայաստանում իշխում էին ուժեր, ովքեր երկիրը քանդելով, թալանելով ու սպանություններով էին զբաղված, հետո նրանք Արցախը հռչակեցին որպես՝ մեր վատ կյանքի միակ մեղավոր, հետո այս ուժերն ուժով իշխանությունից հեռացվեցին, և սկսվեցին դավադրությունները.

Իրենք մտածում էին, որ իշխանությունն ամբողջովին պատկանում է Վազգեն Սարգսյանին, և ժողովրդական սերը մեծ է Կարեն Դեմիրճյանի հանդեպ և կազմակերպեցին ռևանշիստական քայլ՝ հոկտեմբերի 27։ Նույն օրը ներկայացրին ստորև ներկայացված հայտնի ցուցակը՝ վստահ լինելով, որ հաղթեցին, սակայն չէին հաշվարկել, որ նախագահն այնքան ուժեղ է, որ իրենց դավադիր սրիկայությանը տուրք չի տա։ Հետո նույն ուժերը նույն փորձը կատարեցին 2008-ին՝ կրկին սպանություններ հրահրելով, և կրկին նախագահի նույն ուժեղ ձեռքը կանգնեցրեց այդ սրիկաներին...

Հետո նրանք ստեղծեցին այլ պլան՝ սկսեցին աշխատեցնել իրենց տիկնիկին, անձնապես չերևացին, և ստացվեց հեղափոխություն։ Պատահական չէր, որ հեղափոխությունից հետո ռևանշիստներն առաջինը քաղաքական վենդետան սկսեցին հենց այդ ուժեղ ձեռքից՝ Ռոբերտ Քոչարյանից, և այսօր այդ ցուցակի մարդիկ տարբեր առիթներով ի հայտ են գալիս, ստանում են պաշտոններ, վերականգնվում կոչումների և այլն, սակայն ճանաչելով դրանց նենգ տեսակը՝ կարծում եմ՝ հեռու չէ այն օրը, երբ իրենց տիկնիկը սկսի իրենց խանգարել և իրենց հատուկ ձևով հրաժեշտ կտան Նիկոլին...