Երևան-Գորիս երթուղին գորիսեցիների համար չպիտի դառնա ուղևորություն դեպի աքսորավայրեր
Երևան-Գորիս երթուղին իրականացնում է մեկ ընկերություն` չհաշված մասնավոր տաքսիները: Եվ Գորիս-Երևան ուղևորափոխադրում իրականացնող այդ մեկ ընկերությունն իր աշխատանքը կազմակերպում է խայտառակ, անթույլատրելի խախտումներով:
1. Միկրոավոտւբուսների լուսամուտները չեն բացվում: Զովացնող սարքը չի աշխատում: Անձամբ ես կես ճանապարհից հրաժարվել եմ այդ պայմաններում շարունակել ճանապարհը. երեխայիս հետ իջել եմ մեքենայից, տաքսի նստել, նորից հասել կայարան, որպեսզի կարողանամ այնտեղից մասնավոր տաքսիներով գնալ Գորիս: Հետո ուղևորներից մեկից տեղեկացել եմ, որ այդ նույն մեքենայում ճանապարհի կեսից երկու ուղևորի առողջական վիճակը կտրուկ վատացել է` մեկի մոտ քթի արյունահոսություն է սկսվել, երկրորդի մոտ` արյան ճնշումն է բարձրացել: Երևան-Գորիս երթուղին գորիսեցիների և այլ քաղաքացիների համար չպիտի դառնա ուղևորություն դեպի աքսորավայրեր: Շուրջ 250 կիլոմետր ճանապարհն անթույլատրելի է անցնել այսպիսի անմարդկային, խայտառակ պայմաններում:
2. Անթույատրելի է, որպեսզի Երևան-Գորիս երթուղին իրականացնի մեկ ընկերություն: Ընկերության տնօրենն այդ իսկ պատճառով իրեն թույլ է տալիս վարվելու ուղևորների ու վարորդների հետ ինչպես հարմար է գտնում: Ոչ մի պատկերացում տրանսպորտի և ուղևորափոխադրման օրենքի մասին: Միայն բիզնես: Չոր բիզնես: Եթե անգամ կարճ ժամկետներում հնարավոր չէ գիծը սպասարկող այլ ընկերությունների մրցույթ հայտարարել, ապա գոնե թող կարգի բերվեն միկորավտոբուսները:
Հույս ունեմ, որ ՀՀ կապի և տրանսպորտի պատասխանատուները կկասեցնեն այս հակաօրինական և անմարդկային ակտը, որի միջով ամեն օր անցնում են Գորիս մեկնող բազմաթիվ քաղաքացիներ:
Պարոն Armen Pambukhchyan, քանի որ Տրանսպորտի, կապի և բարձր տեխնոլոգիաների նախարարին և ոչ էլ տեղակալին հնարավոր չէ նշել գրառման տակ, Ձեզ եմ նշում` իբրև ոլորտի նախկին նախարարի և ներկայումս` պատգամավորի: Խնդրում եմ` տեղեկացրեք Ձեր գործընկերներին այս խնդրի մասին: Հուսամ` քաղաքացու խնդրանք-պահանջն անարձագանք չի մնա: Կանխավ շնորհակալ եմ:
Մարինա Բաղդագուլյանի գրառումը