Այս գործով չի կարող լինել մեղադրական ակտ. Երրորդմասցի Լյովիկի սպանության գործով պաշտպանը՝ դատարանին

ՀՀ վերաքննիչ քրեական դատարանում դատավոր Կարեն Մարդանյանի նախագահությամբ այսօր՝ օգոստոսի 22-ին, շարունակվեց քրեական հեղինակություն Երրորդմասցի Լյովիկի եւ նրա երկու ընկերների սպանության գործով վերաքննիչ բողոքի քննությունը։

Գործով պաշտպաններ Լուսինե Սահակյանը և Երվանդ Վարոսյանը վերաքննիչ դատարանից պահանջում են բեկանել և փոփոխել Երևան քաղաքի ընդհանուր իրավասության դատարանի դատավճիռն ու Վահան Հակոբյանին, Սարգիս Հախանումյանին և Սարգիս Գրիգորյանին առաջադրված մեղադրանքներում ճանաչել նրանց անմեղությունը։ Դատախազություն էլ պահանջում է ամբաստանյալներին դատապարտել ցմահ ազատազրկման։


Այս գործով վերաքննիչ բողոք է ներկայացրել նաև տուժող կողմը։ Նրանք պահանջում են մասնակի բեկանել առաջին ատյանի դատարանի դատավճիռն ու ամբաստանյալների նկատմամբ նշանակել առավել խիստ պատիժներ:

Այսօրվա դատական նիստում տուժող Լևոն Ղազարյանի իրավահաջորդի ներկայացուցիչ, փաստաբան Երեմ Սարգսյանը առարկություններ ներկայացրեց պաշտպանական կողմի բերած վերաքննիչ բողոքի դեմ:

Երեմ Սարգսյանը հիշեցրեց ընդհանուր իրավասության դատարանում ամբաստանյալ Սարգիս Գրիգորյանի հայտարարությունը, թե իրենց վրա «շառ են արել», հեռուստատեսությամբ հայտարարել են, թե իրենք են կատարել տվյալ արարքն ու այդ կարծիքն են սերմանել:

Ամբաստանյալը շեշտել է, թե իրենց համար էլ ցանկալի է, որ Լևոն Ղազարյանի ու մյուս տուժողների ծնողներն իմանան՝ ով է իրականում կատարել սպանությունները:

Երեմ Սարգսյանը նշեց՝ եթե ամբաստանյալի հայտարարությունն անկեղծ էր, տուժող կողմը իրավունք ուներ ակնկալելու, որ ամբաստանյալները կնպաստեին իրականությունը բացահայտելուն, սակայն այդպես չի եղել: Պաշտպանն անդրադարձավ նաև մի շարք ապացույցներ անթույլատրելի ճանաչելու՝ պաշտպանական կողմի միջնորդություններին՝ դրանք համարելով անհիմն: Ապացույցները իրենց համակցության մեջ, ըստ Սարգսյանի, հաստատում են ամբաստանյալներին առաջադրված մեղադրանքները, հետևաբար՝ պաշտպանական կողմի վերաքննիչ բողոքը ենթակա է մերժման:

Գործով մեղադրողի ու տուժողի իրավահաջորդի ներկայացրած առարկությունների դեմ իր առարկությունները ներկայացրեց ամբաստանյալների շահերի պաշտպան, փաստաբան Լուսինե Սահակյանը։

Անդրադառնալով Երեմ Սարգսյանի կողմից Սարգիս Գրիգորյանի հայտարարության մեջբերմանն ու ամբաստանյալների՝ ցուցմունքներ չտալու վերաբերյալ արված մեկնաբանությանը՝ Լ. Սահակյանը տարակուսեց. «Մենք իրականությունը բացահայտո՞ղ ենք»՝ նկատի ունենալով, որ հանցագործությունը լիարժեք բացահայտելը համապատասխան մարմինների՛ պարտականությունն է:

Լուսինե Սահակյանը հայտարարեց. «Այլ մարդ չեն գտել, այս երեք հոգուն են բերել, տուժողներն էլ ֆիքսվել են այս երեքի վրա»:

Ըստ Լուսինե Սահակյանի՝ մեղադրանքի հիմքում դրվել են, կարծես թե, «շատ ապացույցներ», բայց մեծ քանակը դեռ չի նշանակում, որ ապացույցները թույլատրելի, վերաբերելի են ու հիմնավորում են երեք ամբաստանյալների մեղավորությունը:

Սահակյանը հնչեցրեց վարկած՝ Սարգիս Հախանումյանի բնակարանում հայտնաբերված թղթի վերաբերյալ, որի վրա Լևոն Ղազարյանին սպասարկող մեքենաների համարներն էին ձեռագիր նշված: Երեմ Սարգսյանը, ինչպես նաև մեղադրանքի կողմը այդ թուղթը համարում են ամբաստանյալների մեղավորությունը հաստատող կարևոր ապացույցներից մեկը, սակայն ըստ Լ. Սահակյանի՝ քրեական գործում առկա է օպերատիվ տեղեկություն, որ տվյալ դեպքից առաջ հարձակում է եղել երեք ամբաստանյալներից մեկի նկատմամբ, նրա կյանքը վտանգի է ենթարկվել ու եղել է շարունակական վտանգի տակ:

Այսօրվա դատական նիստում Լուսինե Սահակյանը դատարանին ներկայացրեց «Էրեբունի» ԲԿ-ից տրված տեղեկանքի պատճենը՝ Վահան Հակոբյանի առողջական վիճակի վերաբերյալ: Համաձայն տեղեկանքի՝ Վահան Հակոբյանը հնարավոր է՝ լուրջ հիվանդություն ունի, որի լիակատար ախտորոշումն ու բուժումը ՀՀ-ում անհնար են:

Պաշտպանը տեղեկանքի բնօրինակը չուներ, նշեց, որ բնօրինակը գտնվում է ՔԿՀ-ում: Դատարանը որոշեց գրությամբ դիմել ՔԿՀ ու պահանջել հիշյալ տեղեկանքի բնօրինակը:

Լուսինե Սահակյանը նշեց՝ որպես իրավաբան՝ այդ տեղեկանքը ներկայացնելով՝ միանգամից պիտի միջնորդեր փոխել իր պաշտպանյալ Վահան Հակոբյանի խափանման միջոցն ու նրան անհապաղ ազատ արձակել՝ առողջական խնդրի հետ կապված: Սակայն պաշտպանը նման միջնորդություն չարեց.

«Վստահ եմ՝ այս գործով չի կարող լինել մեղադրական ակտ… Իմ պաշտպանյալը կարդարացվի, ազատ կարձակվի ու կգնա այն երկիրը, որտեղ բուժում կստանա»,- ասաց նա։

Ամբաստանյալ Վահան Հակոբյանը՝ «Գաստիկը», հայտարարեց. «Ես վերջին շրջանում օրվա 24 ժամը անտանելի ցավերի մեջ եմ, ոսկորներս ցավում են… Խնդրում եմ՝ ուշադիր եղեք…»:

«Ծըգլ» մականունով հայտնի ամբաստանյալ Սարգիս Գրիգորյանն էլ ի պատասխան Երեմ Սարգսյանի խոսքի, թե գործով վկաները ճանաչել են ամբաստանյալներին, նշեց, որ իրենց ոչ մի վկա չի ճանաչել դատարանում, իսկ նախաքննության ընթացքում ճանաչման գործողությունները կատարվել են օրենքի խախտումներով:

Սարգիս Գրիգորյանը նաև մի զավեշտալի դեպք պատմեց։ Ամբաստանյալի խոսքով՝ ԱԱԾ–ում փորձել են իրենց վրա բարդել 2015թ. մարտի 30-ին Չարբախում մահափորձի դեպքը, այն դեպքում, երբ իրենց ազատությունից զրկել են ավելի վաղ՝ 2015 թվականի մարտի 23-ին:

Այս գործում «շատ գաղտնիքներ կան»՝ ասաց ամբաստանյալը՝ հորդորելով, որ դատարանը ուշադիր լինի: «Շուտվանից են ուզեցել սենց մի բանի մեջ մեզ գցեն… Շուտվանից են մեր վրա աշխատել…»,- ասաց ամբաստանյալը:

Ամբաստանյալների շահերի պաշտպան Լուսինե Սահակյանն էլ հաստատեց Գրիգորյանի ներկայացրած փաստարկները. «Չգիտես ինչու՝ կենտրոնացած են եղել իր պաշտպանյալների վրա. նրանք գտնվել են ԱԱԾ-ում, իսկ նրանց դեմ մեղադրական ցուցմունք են տվել, իբր նրանք այդ նույն ժամանակ կատարել են մեկ այլ մահափորձ»,- ասաց փաստաբանը։

Դատական հաջորդ նիստը նշանակվեց սեպտեմբերի 20-ին:

Հիշեցնենք, որ Երևան քաղաքի ընդհանուր իրավասության դատարանի դատավոր Արտուշ Գաբրիելյանի 2018թ. օգոստոսի 27-ի դատավճռով՝ «Գաստիկ» մականունով հայտնի Վահան Հակոբյանը, «Ծըգլ» մականունով հայտնի Սարգիս Գրիգորյանը եւ «Տլե» մականունով հայտնի Սարգիս Հախանումյանը մեղավոր ճանաչվեցին և դատապարտվեցին 18 տարի ժամկետով ազատազրկման:

«Երրորդմասցի Լյովիկը», նրա երկու ընկերները՝ Մեսրոպ Նազարյանցը, Դրաստամատ Թադևոսյանը սպանվել են 2015 թվականի մարտի 4-ին՝ «Նուբարաշեն» ՔԿՀ-ի ավտոկայանատեղիի մոտակայքում:

Վահան Հակոբյանը («Գաստիկ»), Սարգիս Հախանումյանն («Տլե») ու Սարգիս Գրիգորյանը («Ծըգլ»), ըստ մեղադրանքի, 2015թ. մարտի 4-ին ժամը 13:50-ի սահմաններում նախնական համաձայնությամբ, շատերի կյանքի համար վտանգավոր եղանակով, երկու և ավելի անձանց ապօրինաբար կյանքից զրկելու դիտավորությամբ, իրենց մոտ ապօրինի պահվող 3 ինքնաձիգներից Լևոն Ղազարյանի, Դրաստամատ Թադևոսյանի եւ Մեսրոպ Նազարյանցի ուղղությամբ կրակահերթ են արձակել: Կրակոցների հետևանքով ստացված հրազենային վնասվածքներից Մեսրոպ Նազարյանցը՝ տեղում, իսկ Լևոն Ղազարյանն ու Դրաստամատ Թադևոսյանը՝ «Էրեբունի» բժշկական կենտրոն տեղափոխվելու ճանապարհին մահացել են:

դիտվել է 155 անգամ
Լրահոս
Ես, առհասարակ, իմ բոլոր քայլերն անում եմ շատ գիտակցված և մտածված Արթուր Վանեցյան Քավոր-սանիկ-բարեկամ նշանակումներ՝ ԵՊՀ-ում «Քաղաքական սկլերոզի առանձնահատկությունները». Վահան Բաբայան Փաշինյանը խուճապի մեջ է. այլևս չի վստահում իր ուժայիններին և դրա համար պատրաստ է հրաժարվել իր սուպերվարչապետական համակարգից Մեր փողն ենք ուզում, չենք մուրում. բախում «Սանիթեք»-ի աշխատակիցների և ոստիկանների միջև քաղաքապետարանի դիմաց/տեսանյութ/ Վանեցյանի հետ ԱԱԾ-ից հեռացել է նաև խոսնակը Դե մի բան էլ «Զիգզագ»-ի մասին ասա', պարո'ն վարչապետ Նիկոլ Փաշինյանի կառավարության 6 մլրդ-ի ժառանգությունը նախկիններից. նոր փաստ Վանեցյանի հրաժարականը. Փաշինյանի իշխանության ռեստարտը Վանեցյանը զգուշացնում է, ինչ է տեղի ունեցել Քոչարյանի գործը` մի կրակոցով մի քանի նապաստակ Քոչարյանին տեսակցելու հրամայականը. Ինչ կորոշի Փաշինյանը Գագիկ Հարությունյանի «գիդը».օձը տաքացնողին է կծում Հեղափոխությոնը խժռում է հեղափոխության կողքը կանգնածներին Վանեցյանի հրաժարականով Փաշինյանը ի՞նչ մեսիջ ուղարկեց Վաշինգտոնին ու Անկարային Լայնամասշտաբ զորավարժություններ. Պատերազմի ու դիմակայության արանքում Եթե Պուտինը գայթակղիչ առաջարկ անի Ալիևին Սկանդալային զարգացումների հանգուցալուծում՝ ՊՆ-ի շուրջ Ռուսաստան-Բելառուս միություն՝ հանուն Պուտինի ապագայի. Բատկան ժամանակին հեգնում էր «Դե պարզ է, որ թեʹ նախագիծը, թեʹ «դաբրոն» պողոսապետին էր պետք». Լուսինե Հարոյան Վալերիյ Օսիպյանի՝ պաշտոնից ազատելու միջնորդագիրը նախագահականում է Հաջորդ ոստիկանապետի անունը հայտնի է ԱԽ նիստում այդ թեման անգամ չի շոշափվել. Արարատ Միրզոյանը՝ Օսիպյանի հրաժարականի լուրերի մասին Դավիթ Տոնոյանը՝ իր հնարավոր պաշտոնանկության և Նիկոլ Փաշինյանի հետ հարաբերությունների մասին Մեծածավալ աշխատանք են կատարել . Դավիթ Տոնոյանը՝ Ապրիլյան պատերազմի հարցով ԱԺ քննիչ հանձնաժողովի մասին
Ամենաընթերցվածները
Շուտով
Սեպտեմբերի 18 –ին, ժամը 14:00-ին, Իբիս հյուրանոցի «Արարատ» սրահում տեղի կունենա մամուլի ասուլիս, որտեղ կներկայացվեն աղքատության հաղթահարմանն ուղղված նոր մոտեցումներն ու «Աղքատության փուլային հաղթահարում» ծրագրի շրջանակներում արձանագրված առաջին դրական արդյունքները։ Մամուլի ասուլիսի խոսնակներն են՝ ՀՀ աշխատանքի և սոցիալական հարցերի նախարար տկն․ Զարուհի ԲաթոյանըՎորլդ Վիժն Հայաստանի տնօրեն Ժիրայր Էդիլյանը«Իմ քայլը» հիմնադրամի գործադիր տնօրեն Հովհաննես Ղազարյանը Սեպտեմբերի 18-ին` ժամը 11:00-ին, Պոստ Սկրիպտում մամուլի ակումբում Ադրբեջանահայերի ասամբլեայի նախագահ, ադրբեջանագետ Գրիգորի Այվազյանը կխոսի Ադրբեջանում անցկացվող լայնամասշտաբ հերթական զորավարժությունների, դրանց վտանգի մասին, ինչպես նաեւ կանդրադառնա ԼՂՀ հիմնախնդրի լուծմանն ուղղված բանակցային գործընթացին` հնարավոր զարգացումներով: Սեպտեմբերի 18-ին ժամը 11:00 Փաստարկ մամուլի ակումբի հյուրն է Ընդդեմ իրավական կամայականության հ/կ գործադիր տնօրեն Լարիսա Ալավերդյանը: ԹԵՄԱ՝ Ղարաբաղյան գործընթաց. իրողություններ և հնարավոր զարգացումներ: ՍԵՊՏԵՄԲԵՐԻ 18-ին՝ ժամը 13:00-ին, «Արմենպրես» պետական լրատվական գործակալության մամուլի սրահում (Սարյան 22) տեղի կունենա Զբոսաշրջության պետական կոմիտեի մարքեթինգի և խթանման վարչության խորհրդական Անահիտ Ոսկանյանի, «Արենի Փառատոն» հիմնադրամի ծրագրի կառավարիչ Անի Մավյանի, Խաչիկ Գյուղի վարչական ղեկավար Հովիկ Սմբաթյանի, Խաչիկ գյուղի Քահանա Տեր Հովհաննեսի ասուլիսը: ԹԵՄԱ.-Գաթայի փառատոն, սպասվող միջոցառումներ. Փառատոնները որպես զբոսաշրջային արդյունք: ՍԵՊՏԵՄԲԵՐԻ, 18-ին՝ ժամը 11:00-ին, «Արմենպրես» պետական լրատվական գործակալության մամուլի սրահում (Սարյան 22) տեղի կունենա Բարձրագույն որակավորման կոմիտեի նախագահ Սմբատ Գոգյանի ասուլիսը: ԹԵՄԱ.- Կոմիտեի արված աշխատանքն ու առաջիկա անելիքները: Սեպտեմբերի 18-ին, ժամը 13.00 «Տեսակետ» մամուլի ակումբի հյուրերն են«Արծիվ մահապարտների միություն» ՀԿ նախագահ, գեներալ-մայոր Աստվածատուր Պետրոսյանը, Կին ազատամարտիկների միության նախագահ, գնդապետ Աիդա Սերոբյանը, մահապարտներից Արթուր Ալեքսանյանը (Ամարասի Արթուր), Մարտին Մարտիրոսյանը և Սուրիկ Խաչատրյանը: Թեման՝ «Մահապարտների հաղթանակի դափնեպսակը. սեպտեմբերի 18-ը Վաղուհասի, Հարությունագոմերի և Չլդրանի ազատգրման օրն է»: Սեպտեմբերի 18-ին, ժամը 12.00 «Տեսակետ» մամուլի ակումբի հյուրերն են ԱՀԹ Առաջնորդանիստ Ս. Սարգիս եկեղեցու և Երիտասարդաց միությունների հոգևոր հովիվ Տեր Պետրոս ավագ քահանա Մալյանը և Երիտասարդաց միության ներկայացուցիչները: Թեման՝ «Կիրականացվի «Բերքից լավագույնը զինվորներին» ծրագիրը: Ո՞րն է ծրագրի նպատակը, որտե՞ղ է այն իրականացվելու, ովքե՞ր են մասնակիցները, և ո՞րն է ծրագրի այս տարվա առանձնահատկությունը»: Սեպտեմբերի 18-ին՝ ժամը 12:00-ին, «Հենարան» մամուլի ակումբում կհյուրընկալվի քաղաքագետ Հայկ Մարտիրոսյանը: ԹԵՄԱ՝ ՀՀ երկրորդ նախագահ Ռոբերտ Քոչարյանի գործը. ԱԱԾ պետի հրաժարականը. ՀՀ վարչապետ Նիկոլ Փաշինյանի ասուլիսը. ներքաղաքական օրակարգ: Սեպտեմբերի 17-ին, ժամը 11.00 «Տեսակետ» մամուլի ակումբի հյուրերն են Հայաստանի տաքսի ծառայությունների գործատուների ճյուղային միության նախագահ Վահագն Սահակյանը և ՀՊՏՀ Տնտեսության կարգավորման և միջազգային տնտեսական հարաբերությունների ֆակուլտետի դեկան Գրիգոր Նազարյանը: Թեման՝ «Հունվարի մեկից ավտոմեքենաների մաքսազերծման գնի բարձրացումն ու դրա հնարավոր ազդեցությունը տնտեսության վրա: Վարորդների բալային համակարգը. առավելություններ և թերություններ: Տեսախցիկների խնդիրը, հարակից հարցեր»: Օգոստոսի 17-ին` ժամը 12.00-ին «Զարկերակ» մամուլիակումբում (Հասցե Արշակունյաց 6 (Մամուլի շենքիհարևանությամբ), մանրամասները 098(043)-50-93-50հեռախոսահամարով) տեղի կունենա «1000 տարվագյուղամեջ» փառատոնի հեղինակ և կազմակերպիչ ԿարինեՓանոսյանի, կազմակերպիչ Լիլիթ Գրիգորյանի ևԶբոսաշրջության կոնիտեի զբոսաշրջանային արդյունքիզարգաման փորձագետ Անահիտ Ոսկանյաի ասուլիսը: Թեմա`1000 տարվա գյուղամեջ՝ գյուղական կենցաղի, արհեստների ուարվեստի փառատոն, որն ...