Պուտին-Մակրոն թեթև փոխհրաձգություն

Երեկ Ֆրանսիայի նախագահ Էմանյուել Մակրոնը ամառային իր նստավայրում ընդունեց Ռուսաստանի նախագահ Վլադիմիր Պուտինին: Դեռ մինչև հանդիպումն ասվում էր, որ ակնկալվում է, որ Ուկրաինան կլինի նրանց բանակցությունների հիմնական հարցերից մեկը՝ վերահսկելու համար ուկրաինական բանակի և Մոսկվայի աջակցությունը վայելող ռուսամետ անջատականների միջև մահաբեր բախումները:

Այս ամսվա սկզբին Ուկրաինայի նախագահ Վլադիմիր Զելենսկին հեռախոսազրույցներ է ունեցել Պուտինի և Մակրոնի հետ: Ուկրաինայի նախագահը Վլադիմիր Պուտինին հորդորել էր ազդեցություն գործել Դոնբասի ռուսամետ անջատականների վրա, որոնց հրետակոծությունների հետևանքով օգոստոսի 6-ին ուկրաինական բանակի 4 զինծառայող է զոհվել: Նույն օրը ավելի ուշ Զելենսկին զանգահարել էր Էմանյուել Մակրոնին՝ հորդորելով «Նորմանդական քառյակի» հանդիպում անցկացնել․ Ուկրաինայի հակամարտության կարգավորմամբ զբաղվող բանակցային այդ ձևաչափում ընդգրկված են Ֆրանսիան, Գերմանիան, Ուկրաինան և Ռուսաստանը: «Նախագահ Զելենսկին առաջարկ է արել, որին, ինչպես մեզ թվում է, նախագահ Պուտինը պետք է որ հավանությամբ արձագանքի», - անունը չհրապարակելու պայմանով France-Presse-ին ասել էր ֆրանսիացի պաշտոնյան, հավելելով, որ ապրիլին Զելենսկիի ընտրությունը «մանևրելու հնարավորություն» է տալիս:

Հայտնի էր, որ Մակրոնն ու Պուտինը քննարկելու են նաև Իրանի միջուկային ծրագրերի հետ կապված խնդիրներն ու Սիրիայի հակամարտությունը:

Ռուսաստանի նախագահի արտաքին կապերի գծով խորհրդական Յուրի Ուշակովն ասել է, որ վերջին ամիսներին Մոսկվայի և Փարիզի միջև երկխոսությունն ակտիվացել է, և Պուտինի այցը Ֆրանսիա Մակրոնի հետ նրա շփումների տրամաբանական շարունակությունն է:

Մակրոն-Պուտին հանդիպումը տեղի ունեցավ Մեծ յոթնյակի (G7) գագաթնաժողովից մի քանի օր առաջ: Օգոստոսի 24-26-ը Ֆրանսիան հարավային Բիարից հանգստավայր քաղաքում հյուրընկալելու է Մեծ յոթնյակի գագաթնաժողովը, որի կազմում են աշխարհի ամենազարգացած ու ազդեցիկ երկրները՝ Ֆրանսիան, Գերմանիան, Բրիտանիան, Իտալիան, Կանադան, Ճապոնիան և Միացյալ Նահանգները: Մի ժամանակ Ռուսաստանը ևս զարգացած երկրների ակումբի անդամ էր, բայց Ղրիմը բռնակցելուց հետո դուրս մնաց, և G8-ը նորից դարձավ G7:

Այսպես, Ռուսաստանի և Ֆրանսիայի նախագահներ Վլադիմիր Պուտինը և Էմանյուել Մակրոնը քննարկել են Ուկրաինայի արևելքում ուկրաինական ուժերի և Մոսկվայի աջակցությունը վայելող անջատողականների միջև հակամարտության կարգավորման բանակցություններն առաջ տանելու ջանքերը, մասնավորապես՝ այդ հարցով քառակողմ գագաթնաժողով հրավիրելու հեռանկարները:
Հանդիպումը տևել է 2,5 ժամ, դրա ընթացքում անդրադարձ է կատարվել նաև սիրիական հակամարտությանը, Լիբիայում իրավիճակին և Իրանի խնդրին, հաղորդում են ռուսական լրատվական գործակալությունները։

Ուշագրավ է, որ անդրադարձ է եղել նաև ռուսաստանյան ներքաղաքական իրավիճակին։ Կարելի է ասել՝ տեղի է ունեցել Պուտին-Մակրոն թեթև փոխհրաձգություն։

Ֆրանսիայի նախագահ Էմանյուել Մակրոնը Ռուսաստանի իշխանություններին կոչ է արել հետևել ժողովրդավարության հիմնարար սկզբունքներին: Ելիսեյան պալատի ղեկավարը այդկերպ արձագանքել է Ռուսաստանի նախագահ Վլադիմիր Պուտինի խոսքերին, թե «Ֆրանսիայում բողոքի ակցիաներն ուղեկցվել են բռնություններով»: «Իսկապես, բազմաթիվ ոստիկաններ վնասվածքներ են ստացել, և ես շատ մտահոգ եմ այդ իրավիճակով: Բայց, այդուհանդերձ, Ֆրանսիան միշտ հետևել է ոչ միայն իր Սահմանադրությանը, այլ նաև մարդու իրավունքների հարցերով եվրոպական կոնվենցիաներին», - ասել է Ֆրանսիայի նախագահը:

Պուտինը, պատասխանելով Մակրոնի խոսքերին, առաջին անգամ հրապարակային անդրադարձել է մոսկովյան ակցիաներին: «Քաղաքացիներն իրավունք ունեն խաղաղ, գործող օրենսդրության շրջանակներում բողոքի ակցիաների, իսկ իշխանությունները պետք է ապահովեն այդ իրավունքների իրականացումը: Սակայն ոչ ոք՝ ոչ իշխանությունները, ոչ էլ ինչ-որ քաղաքացիների խմբեր, իրավունք չունի խախտել գործող օրենքը և իրավիճակը հասցնել անհեթեթության կամ բախումների իշխանությունների հետ: Դա օրենքի խախտում է, և նրանք, ովքեր մեղավոր են այդ խախտումներում, պետք է պատասխանատվության ենթարկվեն ռուսաստանյան նույն օրենքներին համապատասխան», հակադարձել է Պուտինը: Խոսելով ընտրություններին 57 ընդդիմադիր թեկնածուների չգրանցման մասին՝ Պուտինը պնդել է, որ նրանք հեռացվել են «ընտրական օրենսդրության ակնհայտ խախտումների պատճառով»:

Այսպիսով, Ռուսաստանի նախագահը շաբաթներ շարունակված լռությունից հետո առաջին անգամ մեկնաբանեց Մոսկվայում սկսված բողոքի ցույցերը քաղաքային դումայի ընտրություններում ոչ իշխանական թեկնածուներին չգրանցելու դեմ: Փաստորեն, Պուտինը հրապարակավ «նախատել է» իրեն հյուրընկալող երկրի՝ Ֆրանսիայի նախագահին ու ակնարկել, թե ի տարբերություն նրա, ինքը իր երկրում թույլ չի տա, որ ոմանք անկարգություններ հրահրեն: «Ոչ իշխանությունը, ոչ էլ ինչ-որ քաղաքացիներ իրավունք չունեն իրավիճակը աբսուրդի հասցնել», - պնդել է Վլադիմիր Վլադիմիրովիչը՝ շարունակելով․ - «Բոլորս գիտենք այսպես կոչված «դեղին բաճկոնների» հետ կապված իրադարձությունների մասին, որոնց ընթացքում, մեր հաշվարկներով, 11 մարդ սպանվել է, 2 հազար 500-ը՝ վիրավորվել: Մենք չենք ուզում, որ նման դեպքեր կրկնվեն Ռուսաստանի մայրաքաղաքում, և կանենք այն, ինչ հնարավոր է, որպեսզի մեր ներքաղաքական իրավիճակը մնա օրենքի շրջանակներում»:

Իհարկե, Ֆրանսիայի նախագահի արձագանքն էլ չի ուշացել․ Մակրոնը փաստել է՝ իսկապես, Փարիզում ու Ֆրանսիայի մյուս խոշոր քաղաքներում սկսված զանգվածային ակցիաների ժամանակ շատերն են տուժել, բայց դա որևէ մեկին իրավունք չի տալիս սահմանափակել Ֆրանսիայի քաղաքացիների հիմնարար իրավունքներն ու ազատությունները: «Պետք է տարբերակել տեսակետների արտահայտման ազատությունը հանրային կարգի պաշտպանությունից», - ընդգծել է երիտասարդ առաջնորդը: - «Իսկապես, ցուցարարներից շատերը տուժել են, ոստիկանները վնասվածքներ են ստացել, և ես շատ եմ մտահոգ ստեղծված իրավիճակով: Այդուամենայնիվ, Ֆրանսիան մշտապես հետևել է ոչ միայն իր Սահմանադրությանը, այլև Մարդու իրավունքների եվրոպական կոնվենցիային: Փարիզը մշտապես կատարում է Մարդու իրավունքների եվրոպական դատարանի որոշումները: Եվ որ ամենակարևորն է՝ այստեղ, Ֆրանսիայում բոլորն էլ կարող են ազատորեն մասնակցել ընտրություններին»:

Թամար Բագրատունի

դիտվել է 3849 անգամ
Լրահոս
Խի՞ եմ էսքան հայհոյանք ու անեծք վերցնում․ Փաշինյանը՝ տավուշեցիներին (video) Հայաստանը մտադիր է վավերացնել համաձայնագիրը՝ 12 մլն եվրո ստանալու նպատակով Թուրքիայից կարո՞ղ են դիտորդներ ընդգրկվել ԵՄ առաքելության կազմում․ Գեղամ Մանուկյան (video) Կոնկրետ պատասխան տվեք․ Քրիստինե Վարդանյանը՝ ԱԳ փոխնախարարին (video) Առատ ձյան պատճառով Սևանի տարածաշրջանի ավտոճանապարհները դժվարանցանելի են Ստոլտենբերգին եմ ներկայացրել «Խաղաղության խաչմերուկ» նախագիծը եւ զորքերի հայելային հետքաշման առաջարկը. Փաշինյան Ինչ է ասել Փաշինյանը Ստոլտենբերգին Ծառն ընկել է «Opel»-ի վրա և միակողմանի փակել ճանապարհը Նիկոլն իր ՔՊ-ականներով շարվելու է Տավուշում․ Խաչիկ Մանուկյան (video) «Հողերը հանձնում է»,բայց պետք է ուրախ լինենք՝ Նիկոլը հանդիպում է այդ հատվածներում ապրող մարդկանց հետ (video) Ակնալիճ գյուղի արագաչափի մոտ բախվել են «Hyundai»-ն և Opel-ը. վերջինս գլխիվայր շրջվել է. կա վիրավոր Ռոբերտ Քոչարյանը շնորհավորել է Պուտինին՝ ստացած համաժողովրդական աջակցության և վերընտրվելու կապակցությամբ Չարենցավանի կամրջի մոտ բախվել են «Nissan»-ը և «Mercedes-Benz»-ը, 3 մարդ հոսպիտալացվել է ՆԱՏՕ-ն աջակցում է Հայաստանի ինքնիշխանությանն ու տարածքային ամբողջականությանը. Յենս Ստոլտենբերգ 33-ամյա երիտասարդը վիճաբանության ժամանակ դանակահարել էր կնոջը «Գորիս» ՔԿՀ պետն ազատվել է պաշտոնից Տավուշի այդ բնակավայրերը պետք է հանձնենք Ադրբեջանին․ դա իրենցն է․ Հովիկ Աղազարյան (video) Նիկոլը զորքը հետ քաշի ու զենք չտա՝ սրիկա է․ ոսկեպարցի (video) Պուտինը չպետք է հաղթի․ ՆԱՏՕ-ի գլխավոր քարտուղարի հայտարարությունը Հայաստանում (video) ԶՊՄԿ-ն շարունակում է անտառվերականգնման աշխատանքները (video) Նիկոլը տավուշեցիներին ասել է՝ հլը չտաք, ձեր վրա գործեր եմ հարուցել տալու․ Վարդուհի Գևորգյան (video) ԱՀԱԶԱՆԳ․ Նիկոլը Տավուշի հնարավոր զոհերն ուզում է բարդել տավուշեցիների վրա․ պատերազմի մասնակից (video) Տավուշ են մտնելու ադրբեջանցիները․ ի՞նչ 4 գյուղ․ գիտե՞ք՝ ինչեր են հանձնելու․ Տիգրան Աբրահամյան (video) Փաշինյանին ցեխն ենք կոխել ու հանել, ես վախենալու բան չունեմ․ զենք կճարեմ, կխփեմ իրան․ ոսկեպարցի (video) Տեղի է ունեցել ՀՀ վարչապետի և ՆԱՏՕ-ի գլխավոր քարտուղարի առանձնազրույցը
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am