Ընտանիքի անդամներին սպանած պատանու ընկերը պատմել է կատարվածի նախօրեին իրենց հանդիպման մասին
Արդեն գրել ենք,որ ՌԴ Ուլյանովսկի մարզի Պատրիկեևո գյուղում, որտեղ այսօր առավոտյան զանգվածային սպանություն էր տեղի ունեցել, նախօրեին նշվել է գլխավոր գյուղական տոնը՝ Զորամասի օրը: Տոնը նշվում է հենց զորամասում, որտեղ էլ հավաքվում է գյուղի ողջ բնակչությունը:
«Մոսկովսկի կոմսոմոլեցի» փոխանցմամբ ընտանիքի անդամներին սպանած պատանու մտերիմ ընկերներից մեկը պատմել է,որ ընկերն ու նրա մայրը նույնպես ներկա էին տոնակատարությանը: Տղայի խոսքով՝ նրան մայրն էր մեծացնում, հորը երբեք չեն տեսել:
«Ես վերջիններից մեկն եմ, որը տեսել եմ տղային կատարվածից առաջ: Մենք կանգնած զրուցում էինք, նա պատմում էր, թե ում է տեսել տոնի ժամանակ, ում հետ է պարել»,- ասել է պատանու ընկերը: Նրա խոսքով՝ տղան նորմալ վիճակում էր, չարացած չէր, սակայն նրանից սպիրտի հոտ էր գալիս: Նրանց հանդիպումը տեղի է ունեցել 23:00-24:00-ի ընթացքում:
Մահացած պատանու ընկերը նշել է նաև, որ նա բարի և կամեցող էր, ցանկանում էր գերազանց ավարտել դպրոցը, մեդալ ստանալ և ընդունվել Ուլյանովսկի բուհերից մեկը:
«Այնպիսի տպավորություն է, ասես նրան ինչ-որ մեկը հիպնոսացրել է, նա ինքն այդպես չէր կարող անել: Նա բարի և նորմալ մարդ էր»,- եզրափակել է դպրոցականը:
Հետևեք մեզ Viber-ում
