16-ամյա պատանին սպանել է ընտանիքի հինգ անդամներին և ինքնասպանությունից առաջ գրություն թողել

Ինչպես տեղեկացնում է РИА Новости-ն, ՌԴ  Ուլյանովսկի մարզի գյուղերից մեկում օգոստոսի 18-ի առավոտյան 16-ամյա պատանին սպանել է  66-ամյա պապիկին, 69-ամյա տատիկին և 42-ամյա մորը  ինչպես նաև երկու 4-ամյա քրոջն ու եղբորը:

 Իրավապահները  ավելի ուշ բջջային կապի աշտարակի մոտակայքում գտել են զոհվածների բարեկամի՝ 16-ամյա պատանու մարմինը: Տարածաշրջանային դատախազության ներկայացուցիչը հայտնել է, որ պատանին մահվանից առաջ գրություն է թողել:

Տղան գրությամբ հայտնում էր, որ որոշել է հեռանալ կյանքից և իր հետ տանել մտերիմներին, որպեսզի նրանք չտանջվեն:

Ընտանիքը բարեկեցիկ էր ապրում, պատանին բազմիցս մասնակցել է օլիմպիադաների և գերազանց է սովորել:

Վարկած կա,որ  տղան կացնով սպանել է ընտանիքի անդամներին, որից հետո ինքնասպան է եղել: Տարածաշրջանային դատախազության ներկայացուցչի խոսքով՝ նա, հավանաբար, շիզոֆրենիայով էր տառապում:

РЕН ТВ հեռուստաալիքի տվյալներով՝ պատանին ողբերգության նախօրեին ընկերոջը ձայնային հաղորդագրություն է թողել՝ բողոքելով հարազատներից:

«РИА Новости»-ի փոխանցմամբ,հնրավոր է,որ տղան տառապում է շիզոֆրենիայով:

Քրեական գործ է հարուցվել: