Պուտինը դուռը բաց է թողել

Սպիտակ տան ազգային անվտանգության հարցերով խորհրդական Ջոն Բոլթոնը հայտարարել է, որ ԱՄՆ նախագահ Դոնալդ Թրամփը Ռուսաստանի նախագահ Վլադիմիր Պուտինի հետ «անչափ լավ անձնական հարաբերություններ ունի», և հույս է հայտնել, որ դրանք «ինչ-որ ավելի մեծ բանի կփոխվեն»:

«Ամերիկայի ձայնի» հետ հարցազրույցում Բոլթոնն ասել է, որ իր կարծիքով՝ ԱՄՆ-ն և Ռուսաստանը «ընդհանուր ռազմավարական շահեր ունեն, մասնավորապես կապված Չինաստանի ռազմական հզորության աճմանը արձագանքի հետ»: «Նախագահ Թրամփը կարծում է, որ նախագահ Պուտինի հետ անչափ լավ անձնական հարաբերություններ ունի: Մենք մի ամբողջ շարք հարցերի շուրջ մի քանի հանդիպումներ ենք ունեցել: Տառացիորեն 2 շաբաթ առաջ Երուսաղեմում ես հանդիպել եմ իմ ռուսաստանցի գործընկերոջ և մեր ընդհանուր իսրայելցի գործընկերոջ հետ: Դա ազգային անվտանգության հարցերով խորհրդականների եռակողմ հանդիպում էր՝ նվիրված Սիրիային, Սիրիայում Իրանի ներկայությանը: Այնպես որ, մենք նրանց հետ խոսում ենք, նրանց հետ երկխոսություն ենք վարում ահաբեկչության դեմ պայքարի շուրջ: Բայց շատ հարցերում, իհարկե, տարաձայնություններ ունենք»,- ասել է նա:

Նրա խոսքով՝ Թրամփը հույս ունի, որ Պուտինի հետ անձնական հարաբերությունները ինչ-որ ավելի մեծ բանի կփոխվեն: «Դրանից բացի, մենք նրանց հետ բանակցություններ ենք վարել ՄՓՀՀ պայմանագրից դուրս գալու կապակցությամբ: Մենք նրանց ասել ենք, որ նրանք պայմանագիրը խախտել են (դա այդպես էլ եղել է), բայց մենք դուրս գալու համար այլ պատճառներ էլ ունեինք՝ միջին հեռահարության չինական հրթիռների սպառնալիքի պատճառով, որոնք սպառնում են նաև Ռուսաստանին, ընդ որում՝ ավելի շատ, քան Միացյալ Նահանգներին: Ուստի ես կարծում եմ, որ կան ընդհանուր ռազմավարական շահեր, հատկապես Չինաստանի աճող ռազմական հզորությանն առնչվող: Ես այս մասին խոսել եմ Ռուսաստանի ներկայացուցիչների հետ: Կարծում եմ, որ կլինեն նաև այլ ընդհանուր շահեր»,- ասել է Բոլթոնը:

Իր հերթին Ռուսաստանի պաշտպանության նախարար Սերգեյ Շոյգուն «Россия-24» հեռուստաընկերությանը տված հարցազրույցում ասել է, թե Ռուսաստանը նախկինի պես պատրաստ է երկխոսության Միացյալ Նահանգների հետ փոքր և միջին հեռահարության հրթիռների հարցով՝ չնայած Վաշինգտոնը դուրս է եկել համապատասխան պայմանագրից: «Մենք նախկինի պես դուռը բաց ենք թողնում»,- ասել է Շոյգուն: Նա նշել է, որ Ռուսաստանը նման կարգի հրթիռներ Եվրոպայում չի տեղակայի, քանի դեռ այնտեղ չեն հայտնվի ամերիկյան հրթիռներ, նույնը՝ ասիական տարածաշրջանում:

Հիշեցնենք, որ օգոստոսի 2-ին ԱՄՆ-ի պետքարտուղար Մայք Փոմփեոն հայտարարեց, որ Վաշինգտոնը պաշտոնապես դուրս է գալիս փոքր և միջին հեռահարության հրթիռները ոչնչացնելու պայմանագրից: Ավելի վաղ Վաշինգտոնը Մոսկվային մեղադրել էր պայմանագիրը խախտելու մեջ, քանի որ Ռուսաստանը այդ կարգի նոր հրթիռ է ստեղծում: Մոսկվան հերքում է մեղադրանքը, պնդելով որ նոր հրթիռի տեխնիկական տվյալները պայմանագրի սահմանափակումների տակ չեն ընկնում:

Մինչ պաշտոնական Վաշինգտոնը հավաստիացնում է, թե Թրամփը Պուտինի հետ «անչափ լավ անձնական հարաբերություններ ունի»՝ գիտնականները խոսում են Ռուսաստանի և ԱՄՆ-ի միջև հնարավոր միջուկային պատերազմի հետևանքների մասին:

Գիտնականները անվանել են Ռուսաստանի և ԱՄՆ-ի միջև հնարավոր միջուկային պատերազմի հետևանքները: Այս մասին հայտնում է Journal of Geophysical Research ամսագիրը ՝ հղում անելով ամերիկացի գիտնականների ուսումնասիրությանը: Նշվում է, որ երկրների բախումը Երկիրը տասը տարով կընկղմի միջուկային ձմռան մեջ:

Գիտնականները բացատրել են, որ միջուկային պայթյունները կարող են հանգեցնել զանգվածային հրդեհների և մեծ արտանետումների մթնոլորտ: Դա կսահմանափակի արևի լույսի հասանելիությունը, ինչը կարող է հանգեցնել միջին ջերմաստիճանի անկմանը 9 ° C- ով: Նրանք նաև նշել են, որ միջուկային պատերազմը կարող է հանգեցնել մուսոնների և Խաղաղ օվկիանոսի հասարակածային մասի ջրի մակերևութային շերտի ջերմաստիճանի ուժեղ տատանումների, ինչը նկատելի ազդեցություն կունենա կլիմայի վրա:

«Լայնամասշտաբ միջուկային հարձակումը ինքնասպանություն կլինի այն երկրի համար, որը կորոշի սկսել այն», – նշում են հետազոտողները:

Մետաքսյա Շալունց

դիտվել է 2288 անգամ
Լրահոս
Փաշինյանը պաշտոնա՞նկ կանի Շիրակի մարզպետին Ռուսական և ամերիկյան քաղաքական շրջանակները՝ «Միասնություն» շարժման հավաքին «Ամեն մարդ թող իր գործով զբաղվի. դա իր տիրույթում չէ». Փաշինյանին վրդովեցրել է Պապիկյանի ասածը. նոր մանրամասներ՝ Ոսկեպարի հանդիպումից Ձյան առատ տեղումներն ու բուքը վերադառնում են․ եղանակն՝ առաջիկա օրերին Աննախադեպ երեւույթ «բարեգործությունների» պատմության ընթացքում Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում ԲԱՑԱՌԻԿ․ Տավուշի բնակիչները 10 օր ժամանակ են տվել Փաշինյանին Ոսկեպարի և Բաղանիսի բնակիչները Նիկոլ Փաշինյանի հետ հանդիպումից հետո պատրաստակամություն են հայտնել փակել ճանապարհները ԱԱԾ պահեստազորի սպաների միությունը շնորհավորել է Վլադիմիր Պուտինին Ստոլտենբերգն Անդրկովկասում սկում է «Մեծ խաղ» Հայաստանը չպետք է դառնա միաբևեռ աշխարհի ջատագով․ Էդուարդ Շարմազանով Ռուսաստանը կարող է «սանիտարական գոտի» ստեղծել Ուկրաինայում. Պուտին ՆԱՏՕ-ի գլխավոր քարտուղարը Վրաստանում է Սփյուռքը պետք է վերակազմակերպվի, Արցախի գերեվարված ռազմաքաղաքական ղեկավարները պետք է ազատ արձակվեն. Արամ Ա Որոշ շրջաններում ձյուն է տեղում․ ինչ իրավիճակ է ՀՀ ճանապարհներին ժամը 20։00-ի դրությամբ Առաջին անգամ Ոսկեպարում մետաղորսիչ սարքեր են դրել Փաշինյանի հետ հանդիպմանը. Նոր մանրամասներ Փաշինյանի «ահաբեկչական» այցը Ոսկեպար Ժողովու'րդ, Նիկոլի կողմից այդ 4 գյուղերի նվիրումը Ադրբեջանին ԲՈԼՈՐՍ խնդիրն է և միայն ոսկեպարցին կամ բաղանիստցին այդ հարցով չպետք է զբաղվեն... «Թարգմանեմ ՔՊերենից». Վլադիմիր Մարտիրոսյանը ցանկ է ներկայացրել Փաշինյանը գնացել էր համոզելու ոսկեպարցիներին, որ Ոսկեպարը մերը չի և պետք է հանձնի Ալիևին. Հակոբյան «SOCAR»-ը Թուրքիայում նոր ներդրումային քաղաքականություն է մշակում Եգիպտոսը հաստատել է, որ իր պատվիրակությունը Կատարում մասնակցում է Գազայի հարցով բանակցություններին Ստոլտենբերգը հուսով է, որ Վրաստանը կդառնա ՆԱՏՕ-ի անդամ Քանաքեռավանի գազալցակայանում տեղի ունեցած պայթյունի հանգամանքները պարզվում են քրեական վարույթի շրջանակում Լարսը բացվել է բեռնատարների համար
Ամենաընթերցվածները
Շուտով
Մարտի 19-ին՝ ժամը 16։30-ին, Հայելի ակումբի հյուրն է Աննա Այվազյանը/ Արցախ/ Մարտի 19-ին՝ ժամը 13։00-ին, Հայելի ակումբի հյուրն է Վարդուհի Գևորգյանը Մարտի 19-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Մարտի 19-ին՝ ժամը 16։00-ին, Հայելի ակումբի հյուրն է Մանուել Մանուկյանը Մարտի 18-ին՝ ժամը 12։30-ին, Հայելի ակումբի հյուրն է Հովհաննես Իշխանյանը Մարտի 18-ին՝ ժամը 14։00-ին, Հայելի ակումբի հյուրն է Սարգիս Ավետիսյանը Մարտի 18-ին՝ ժամը 11։00-ին, Հայելի ակումբի հյուրն է Էդգար Ղազարյանը Մարտի 18-ին՝ ժամը 16։00-ին, Հայելի ակումբի հյուրն է Դավիթ Սահակյանցը Մարտի 18-ին՝ ժամը 15։00-ին, Հայելի ակումբի հյուրն էՍուրեն Սուրենյանցը Մարտի 15-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հետևեք մեզ Viber-ում https://cutt.ly/5wn8sJBS
Hayeli.am