Սաուդյան Արաբիայի թագաժառանը բանկային քարտեր է նվիրում Լինդսի Լոհանին և ուղեկցում իր մասնավոր ինքնաթիռով. Daily Mail
Ամերիկացի դերասանուհի, երգչուհի և մոդել Լինդսի Լոհանը, ըստ շրջանառվող լուրերի, «մտերիմ հարաբերությունների մեջ» է Սաուդյան Արաբիայի թագաժառանգ արքայազն Մուհամեդ բեն Սալմանի հետ, որը մեղադրվում է լրագրող Ջամալ Խաշոգջիի դաժան սպանությունը 2018 թվականին պատվիրելու համար, գրում է Daily Mail-ը:
Աղբյուրի հաղորդմամբ՝ արքայազնը 33-ամյա դերասանուհու հետ թռել է իր անձնական ինքնաթիռով և նույնիսկ վերջինիս բանկային քարտեր է նվիրել:
Լոհանը և թագաժառանգը հանդիպել են մեկ տարի առաջ՝ «Ֆորմուլա-1» մրցարշավի ժամանակ, և այդ ժամանակվանից ի վեր շարունակում են իրենց շփումները:
Սակայն, ինչպես հաղորդում է աղբյուրը, Լոհանի ներկայացուցիչը հերքել է այդ պնդումները և միայն հաստատել է, որ զույգը հանդիպել է անցյալ տարի: Դերասանուհուն մոտ այլ աղբյուրներ պնդում են, որ նրանք նույնիսկ հաղորդագրություններով են շփվում: