Ով կփորձի այդ անառակությունը բերել Հայաստան,շատ խայտառակ վերջաբան է ունենալու.Հայաստանը և Ստամբուլյան կոնվենցիայի ուրվականը
Հրապարակը գրում է.Ստամբուլյան կոնվենցիայի ուրվականն ամռան վերջին ամսվա շոգ օրերին Հայաստանում է։ Բոլորը, ովքեր չեն ալարում, կարծիք են հայտնում,։Ստամբուլյանին դեմ է արտահայտվել անգամ Սաշիկ Սարգսյանի որդին՝ Հայկ Սարգսյանը։ Այսինքն՝ անգամ այն իմաստով, որ անգամ նա այդ մասին գրառում է արել։ Այս ընթացքում, արձանագրենք, ստեղծվել է ընդդեմ Ստամբուլյան կոնվենցիայի Ընտանեկան արժեքների պահպանության Գյումրու հռչակագիր, և առնվազն 2 կառույց՝ Հանրային խորհուրդը և Մայր աթոռը դեմ են արտահայտվել և կոչ արել չվավերացնել փաստաթուղթը։
Այս առումով հետաքրքիր է իմանալ նաև ազատամարտիկների կարծիքը։ Խոսեցինք «Սասնա ծռերի» նախկին անդամ Պավլիկ Մանուկյանի հետ։ Վերջինիս խոսքով՝ «ով կփորձի էդ անառակությունը բերել Հայաստան, նա շատ խայտառակ վերջաբան է ունենալու»։
Պավլիկ Մանուկյանը այս կոնվենցիան համարում է նախորդ իշխանությունների «պատրաստած ցեղասպանության երանգներից մեկը»։
«Եվ միևնույն ժամանակ, չմոռանանք, որ եթե Սփյուքը մինչև հիմա ձգտում էր ուներ դեպի հայրենիք վերադառնալ էս մաքրության վրա, եթե սա էլ կլինի, արդեն իմաստազուրկ է սփյուռքի ձգտումը դեպի Հայաստան»,-«Հրապարակին» ասաց Պավլիկ Մանուկյանը։ Նրա ամփոփմամբ՝ «ես միայն գիտեմ, որ սա անառակության մի սարսափելի երանգ է»։
Երկրապահ Արայիկ խուդավերդյանն էլ մեզ հետ զրույցում հայտնեց․« Ես կողմ եմ ու ջատագովն եմ ավանդական ընտանիքի, ոչ մի Ստամբուլցյան կոնվենցիա Հայաստանի համար նպատակահարմար չեմ տեսնում՝ անկախ վերպետական, միջպետական հարաբերություններից, արտաքին հարաբերության խողովակներից»։
Հարցրեցինք, կարդացե՞լ է կոնվենցիան,․թե Արայիկ Խուդավերդյանը «Կից» մեկնաբանություններով է խոսում։ «Ոնց կարա չլինի՞, եթե ԼԳ ընտանիքը Հայաստանում պետք է առաջ գա որպես այդպիսին և արժեզրկի մնացած բարոյական, ավանդական բարքեր տանող արժեքները, ոչինչ էլ որ չլինի, արդեն բան է»,-ասաց ազատամարտիկը
«Իրենց պետք է մուտք գործել։ Եթե դա լավ կանոնակարգ լիներ, ինձ թվում է՝ աշխարհի բոլոր պետությունները գրկաբաց կընդունեին»։
Նա նաև անդրադարձավ Եռաբլուրում երեկ կատարվածին ու ասաց, որ շատերի նման ինքն էլ չի հավատում, որ այդ կինը գնացել է, ինչ-որ արարողություններ է արել։
«Ինձ թվում է, որ դա կանոնակարգված գործողություն է ինչ-որ մի իքս ուժերի կողմից, էական չէ անող գործիքն ով էր։ Ու պատահական չէ, որ Սովետաշենի գերեզմանատնից սկսվեց ու հանկարծակի հասան հայ ժողովրդի համար ամենասուրբ ու ամենանուրբ լարին՝ Եռաբլուրին ու գերեզմանին։ Ամենանուրբ լարը գերեզմանն է, նախնիներն են, շիրիմներն են։ Ինձ թվում է՝ կան ինչ-որ շահագրգիռ ուժեր, որոնք ուզում են իշխանափոխություն անելու համար, փորձում են ժողովրդի այսօրվա եղածի կարգավիճակի վերաբերյալ ևս մի բան ավելացնել ընդդեմ նոր իշխանության։ Ընդդեմ նաև ԼԳ համայնքի, ինչու չէ»,-ասաց Արայիկ Խուդավերդյանը։