Ո՞վ պետք է վատնված գումարները վերադարձնի պետբյուջե

168 ժամը գրում է.«Օրեր առաջ 168.am-ը գրել էր այն մասին, որ հուլիսի 25-ի Հուրգադա-Երևան թիվ OTF 3703 չվերթի չեղարկման պատճառով Հուրգադայում գտնվող ուղևորները հուլիսի 26-ին Հայաստան էին տեղափոխվել արտասահմանյան ավիաընկերության միջոցով։

168.am-ի հարցին ի պատասխան՝ Քաղավիացիայի կոմիտեի նախագահ Տաթևիկ Ռևազյանն ասել էր, որ արտասահմանյան փոխադրողին այլընտրանք չկա, քանի որ «տեխնիկական խնդիրներ են առաջացել, քանի որ մեր հայկական ավիաընկերությունները չեն թռչում Եգիպտոս ու ամբողջ սիստեմա չունեն, թե ինչպես տոմսեր տպեն, սպասարկեն»։

Մեզ հետ զրույցում, սակայն, հայկական երկու՝ «Արմենիա» և «Տարոն-Ավիա» ավիաընկերությունների ներկայացուցիչները նշել էին, որ որևէ խնդիր չկա, պարզապես Կոմիտեում որոշել էին թռիչքն իրականացնել արտասահմանյան փոխադրողի միջոցով։

Կառավարության հաղորդագրությունից տեղեկացանք, որ խնդրի լուծման համար պետբյուջեից հատկացվել է 47 միլիոն դրամից ավելի գումար, այնինչ մեր տեղեկություններով՝ տեղական ավիափոխադրողները շուրջ 3 անգամ պակաս գումարով կիրականացնեին վերոնշյալ թռիչքը։

Ինչևէ, կարծես թե 168.am-ի հրապարակումը զգաստացրել է հայրենի Կառավարությանն ու Քաղավիացիայի պետական կոմիտեին, որովհետև երեկ՝ ուշ երեկոյան, տեղեկացանք, որ, այնուամենայնիվ, Հուրգադա-Երևան երկրորդ թռիչքը կիրականացնի «Տարոն-Ավիա» ավիաընկերությունը։

Այս տեղեկությունը մեզ հետ զրույցում հաստատեց «Տարոն–Ավիա» ավիաընկերության կոմերցիոն տնօրեն Լևոն Քարամյանը։

«Մեր տնօրենն ինձ ասաց, որ Կառավարությունից դիմել են իրեն ու առաջարկել են իրականացնել օգոստոսի 1-ի չվերթը։ Թե կոնկրետ ո՞վ է դիմել, տեղյակ չեմ։ Մենք ամեն ինչ կազմակերպում ենք այդ չվերթը բարձր մակարդակով իրականացնելու համար՝ տարբեր երկրներից՝ Կիպրոսից, Հունաստանից և Թուրքիայից, նրանց տարածքով թռչելու թույլտվություն ստանալուց սկսած՝ մինչև Հուրգադայի օդանավակայանի սպասարկման հետ կապված գործողությունները»,- ասաց Լևոն Քարամյանը։

Վերջինս ևս մեկ ամգամ շեշտեց, որ այդ չվերթն իր կարգավիճակով հատուկ չվերթ է և իրականացվում է Եգիպտոսի տարածքում գտնվող մեր հայրենակիցներին Հայաստան վերադարձնելու համար, ու ոչ մի վաճառքի համակարգ կամ «սիստեմա», ինչպես իրենք են ասում, անհրաժեշտ չէ, քանի որ դա նոր չվերթ չէ, ու այդ չվերթը լցնելու խնդիր չկա։

Խոսելով գնային առաջարկի մասին ու մեր այն դիտարկմանը, թե փաստորեն պետբյուջեից տրամադրվելիք 47 միլիոն դրամից, որը պետք է երկու թռիչք սպասարկեր, զգալի մասը հետ կվերադարձվի պետական բյուջե, քանի որ իրենց գնային առաջարկն անհամեմատ ավելի էժան է, Լևոն Քարամյանն ասաց.

«Այո, որքանով ես եմ տեղյակ, Հայաստանում լիցքավորելու են օդանավի մեկնման և հետադարձի վառելիքը։ Մենք իրականացնելու ենք այնտեղի բոլոր ծախսերը, նաև 3 տոննա նավթ ենք վերալիցքավորելու, որպեսզի պահուստային վառելիք ունենանք հետադարձի համար։ Իրականացնելու ենք նաև օդանավակայանի ծախսերը։ Սակայն կարող եմ Ձեզ վստահեցնել, որ հանրագումարով՝ այդ գինը շատ ավելի մատչելի է, քան նախկին առաջարկը»։

Լևոն Քարամյանը նշեց նաև, որ թռիչքը պետք է իրականացվեր Գյումրիից, սակայն դա դեռ վերջնականապես հաստատված չէ։

««Արմենիա» ավիաընկերությունն է դիմել մեզ, որ մենք իր փոխարեն չվերթեր իրականացնենք Վորոնեժ, Մինվոդի, Բաղդադ, քանի որ իրենք օդանավի հետ որոշակի խնդիր ունեն, և այդ պատճառով հնարավոր է, որ մեր օդանավը գա Երևան, այդ թռիչքներն իրականացնի ու նոր Երևանից թռչի Հուրգադա»,-ասաց «Տարոն-Ավիա» ավիաընկերության կոմերցիոն տնօրեն Լևոն Քարամյանը։

Նա հավելեց նաև, որ իրենք այսօր դիմել են Քաղավիացիայի պետական կոմիտեին։ Հաշվի առնելով այդ չվերթի հատուկ կարգավիճակն ու հրատապությունը, նկատի ունենալով, որ Կիպրոսից, Հունաստանից ու Թուրքիային թույլտվություն ստանալը՝ իրենց երկրների օդային տարածքով թռչելու համար, բավականին ժամանակատար է ու բարդ գործընթաց է, խնդրել ենք, որ Կոմիտեն՝ CDA-ի միջոցով, օգտագործելով իր դիվանագիտական կապուղիները՝ ստանան այդ թույլտվությունները և այդ կերպ իրենց աջակցեն։

«Գործընթացը սկսվել է, հարցումներն ուղարկվել են, ու սպասում ենք այդ թույլտվություններին»,- եզրափակեց Լևոն Քարամյանը՝ ևս մեկ անգամ վստահեցնելով, որ թռիչքը կկազմակերպվի ամենաբարձր մակարդակով, ու մեր քաղաքացիները պատշաճ մակարդակով կվերադառնան հայրենիք։

Ահա այսպիսի շրջադարձ։ Փաստորեն, ոչ մի խոչընդոտ էլ չկար. Եգիպտոսից մեր քաղաքացիներին տարհանող երկրորդ չվերթը կիրականացնի տեղական ավիափոխադրողը։ Եվ ուրեմն, այնուամենայնիվ, ինչո՞ւ էր ստում Տաթևիկ Ռևազյանը, և ո՞վ պետք է պատասխան տա պետբյուջեից միլիոնավոր դրամների՝ ըստ էության, փոշիացման համար։

Ումի՞ց պետք է ստանանք այն հարցի պատասխանը, թե եթե, ի վերջո, հնարավոր էր այդ թռիչքն իրականացնել տեղական ավիափոխադրողի միջոցով, ինչո՞ւ այն վստահվեց արտասահմանյան ավիաընկերության, և ո՞վ պետք է վատնված գումարները վերադարձնի պետական բյուջե»։

 

դիտվել է 972 անգամ
Լրահոս
Ալե՛ն, Նիկո՛լ, գալիս են ձեր հետևից, դե սպասեք․․․ Միկա Բադալյան (video) Ի՞նչ կարգավիճակ ունի Ռուբեն Վարդանյանը Բաքվում․ ի՞նչ է սպասվում նրա ճակատագրին (video) Ոսկեպար, Բաղանիս․․․ Ադրբեջանը Հայաստանի ներսից պատերազմ է սկսում․․․ Տիրան Լոքմագյոզյան (video) Այսօր աշխատանքից ազատվելու դիմում եմ ներկայացրել․ «Երևան ավտոբուս» ՓԲԸ տնօրեն Հորը բռնության ենթարկելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեբուժարանում ՌԴ-ն զանգվածային հարված է հասցրել Ուկրաինայի էներգետիկ օբյեկտներին՝ կիրառելով մոտ 100 անօդաչու, «Իսկանդեր» և «Կինժալ» հրթիռ Հռոմի պապն այցելել է բանտ և լվացել 12 կնոջ ոտքերը. առաջին անգամ ծեսին մասնակցել են միայն կանայք (լուսանկարներ) Փորձ է արվել Հայաստան ներմուծել առանց հայտարարագրման 40 հատ iPhone Ի՞նչ է պատասխանել Պուտինը Փաշինյանի՝ ինչու է ղարաբաղցիներին թողել բախտի քմահաճույքին, հարցին Հալեպի վրա Իսրայելի հարձակման հետևանքով զոհվել է 36 մարդ. Al Hadath «Ալենը ստում է, ստում է, ստում է, ստում է…». Համբարյան «Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել է «Կապիտալ պլյուս»-ի տնօրենին Ալե՛ն, եթե այդքան փխրուն ես, բա ասելիք չունե՞ս, երբ քեզ ասացին՝ «անբարոյականի վաստակ»․ Աննա Մկրտչյան (video) «Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են Արցախի ղեկավարների հարցազրույցները եթեր չեն գնացել Մենք իշխանություն ճանկռելու, գրկելու, կրծելու խնդիր չունենք. Նիկոլ Փաշինյանը խաբել է. մաս 191 Փաշինյանն այս անգամ էլ գնացել է գնդապետ Վոլոդյա Ավետիսյանի հետևից․․․ խուզարկություններ են անում (video) Ելք ՀԱՊԿ-ից և ԵԱՏՄ-ից. Հայաստանի ղեկավարությունը սկսում է արտահայտել այն մտքերը, որոնցով Փաշինյանը ստեղծել էր իր «Ելք» շարժումը. Լավրով Քանի՞ մարդ է թունավորվել Հայաստանում Ի՞նչ կլինի, եթե իշխանությունն իրականացնի Ադրբեջանի ցանկությունը Տավուշում (video) Երևանում թալանել են «Տոյոտա Երևան»-ի վաճառքի բաժնի ղեկավարի «Toyota»-ները Այս ընթացքը կասեցնել չի ստացվի` անկախ նրանից, թե իշխանությունը դա ճնշելու ճանապարհին քաղբանտարկյսլների շարքը կընդլայնի՞, թե՞ մարդկանց դեմ բութ գործիքներ կկիրառի. Տիգրան Աբրահամյան «Հիմա այս ի՞նչ եք դարձրել մեր երկիրը»․ Վարդան Ոսկանյան Լևոն Քոչարյանի անունից կեղծ հայտարարություններ են տարածվում Լավրով. Պուտինին զարմացրել է Ղարաբաղը Ադրբեջանի մաս ճանաչելու Փաշինյանի որոշումը
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am