Պուտինի հրաժարական. Ճգնաժամի սկիզբ Ռուսաստան

Մոսկվայի դումայի ընտրությունների պատճառով Ռուսաստանում լուրջ ներքաղաքական ճգնաժամի առկայությունն արդեն շատերն են արձանագրում:

Ռուսաստանի մայրաքաղաքի օրենսդիր մարմնի ընտրություններին անկախ թեկնածուների գրանցման պահանջով Մոսկվայում երեկ ծրագրված բողոքի ակցիաներին ընդառաջ ոստիկանությունը ուժեր կենտրոնացրեց քաղաքի տարբեր հատվածներում: Լրատվամիջոցները հաղորդում էին ձերբակալությունների մասին, որոնց թվում էր նաև Կոռուպցիայի դեմ պայքարի հիմնադրամի տնօրեն Իվան Ժդանովը, մինչ այդ ընդդիմադիր գործչի բնակարանում ոստիկանությունը խուզարկություններ էր իրականացրել: Մի խումբ ակտիվիստներ էլ բերման էին ենթարկվել փողոցներից:

Նկատենք, որ մոտ վեց տասնյակ ընդդիմադիր գործիչների Մոսկվայի ընտրական հանձնաժողովը հրաժարվել է գրանցել սեպտեմբերի 8-ին կայանալիք քաղաքային դումայի ընտրություններին որպես թեկնածու։ Նրանց աջակիցների ստորագրությունների մի մասը անվավեր ճանաչվեցին։ Չգրանցված թեկնածուների աջակիցները հուլիսի 20-ին Մոսկվայում բազմամարդ բողոքի ակցիա էին կազմակերպել, որին մասնակցել է շուրջ 30 հազար մարդ. սա վերջին տարիների ամենամարդաշատ ակցիան էր։ Բողոքի ակցիայից հետո Ռուսաստանի կենտրոնական հանձնաժողովի ղեկավար Էլլա Պամֆիլովան հայտարարել է, թե պետք է նորից ուսումնասիրել անվավեր ճանաչված ստորագրությունները։

Հիշեցնենք, մեկ շաբաթ առաջ Մոսկվայում ավելի քան 10 հազար մարդ՝ այդ թվում ընդդիմադիր անվանի քաղաքական գործիչներ, մասնակցել էին բողոքի ցույցի՝ պահանջելով մոսկովյան դումայի ազատ և ժողովրդավարական ընտրություններ: Ցուցարարներին վրդովեցրել էր ընդդիմադիր թեկնածուներին սեպտեմբերի 8-ին նախատեսված ընտրություններում տարբեր շինծու պատրվակներով չգրանցելու իշխանության գործելակերպը: Ցույցին մասնակցեցին մոսկովյան դումա առաջադրված, սակայն ընտրական կառույցների կողմից չգրանցված Իլյա Յաշինը, Լյուբով Սոբոլը և Դմիտրի Գուդկովը:

Իսկ հուլիսի 14-ին ընդդիմադիրները Մոսկվայի ընտրական հանձնաժողովի շենքի մոտ բողոքի նստացույց էին նախաձեռնել, սակայն ոստիկաններն անմիջապես միջամտել են, ցրել են ցույցը և ավելի քան 25 ընդդիմադիրների փոխադրել են ոստիկանության բաժանմունք: Մոսկվայի ընտրական հանձնաժողովի նախագահ Վալենտին Գորբունովը հրաժարվել էր հանդիպել ընդդիմության ներկայացուցիչների հետ: Իշխանությունները պնդել էին, թե իբր թեկնածուների դիմումներում սխալ տվյալներ են եղել:

Այսպիսով, երեկ Մոսկվայում ձերբակալվածների թիվը հասավ 520-ի, հայտնում էին տասնյակ տուժածների մասին: Թե որքան մարդ էր երեկ դուրս եկել Մոսկվայի Տվերսկայա փողոց, դժվար է ասել։ Ոստիկանությունը հայտնել էր, որ մոտ 3 հազար, որոնցից 700-ը լրագրողներ և բլոգերներ են։ Իրականում ցուցարարները շատ ավելի շատ են։

Ինչպես հաղորդում էր «Ազատությունը»՝ ոստիկանությունը լուրջ նախապատրաստվել էր բողոքի ակցիային։ Հազարավոր ոստիկաններ այսօր Մոսկվայի կենտրոնում են։ Նրանք փակել են բոլոր փողոցները, որ տանում են դեպի Տվերսկայա փողոց, փողոցին հարող մետրոյի մուտքերը, ստորգետնյա անցումները, և մարդիկ պարզապես չեն կարող մոտենալ այդ փողոցում տեղակայված քաղաքապետարանի շենքին։

Մարդկանց, որոնք եկել էին չարտոնված ակցիայի կամ Մոսկվայի դումայի ընտրությունների թեկնածուների հետ հանդիպման, ինչպես ասում էին չգրանցված թեկնածուները, ձերբակալում էին արդեն առավոտից։ Այս պահի տվյալներով շուրջ 520 մարդու են ձերբակալել։ Ոստիկաններն այնքան շատ են, որ նույնիսկ տպավորություն է ստեղծվում, թե ոստիկաններն ավելի շատ են, քան ցուցարարները։

Ոստիկանությունը մի քանի օր շարունակ մոսկվացիներին կոչ էր անում դուրս չգալ ապօրինի հավաքին։ Մոսկվայի քաղաքապետ Սերգեյ Սոբյանինը նույնիսկ գրառում էր արել Թվիթերում, թե ակցիային լինելու են սադրանքներ։ Մինչ այդ պահը արդեն բազմաթիվ բախումներ, ձերբակալություններ, տասնյակ տուժածներ կային։

Տուժել էր նաև Ռուսաստանի Դումայի պատգամավոր Անաստասիա Պարուշինան։ Ոստիկանները հարվածել էին նրա գլխին։ «Այսքանից հետո ես կարծում եմ, որ Սոբյանինը պետք է թողնի իր պաշտոնը, նա պարզապես քանդում է մեր քաղաքը», - ասաց Պարուշինան, ում հանրահավաքի վայրից շտապօգնության մեքենայով տեղափոխել էին հիվանդանոց։

Երեկվա ցույցին ներկա էին ընդդիմադիր թեկնածուներից և գործիչներից ոչ մեկը։ Նրանց բոլորին նախօրեին ձերբակալել էին։ Մասնավորապես ձերբակալված են Ալեքսեյ Նավալնին, Դմիտրի Գուդկովը, Լյուբով Սոբոլը։ Ոստիկանությունը գնացել էր նաև "Дождь" հեռուստաընկերության ստուդիա հենց ուղիղ եթերի ժամանակ, սակայն փոխանցել են միայն Քննչական կոմիտե ներկայանալու մասին ծանուցում գլխավոր խմբագրին և հեռացել։ Ցուցարարները պահանջում էին Ռուսաստանի նախագահ Վլադիմիր Պուտինի, Սոբյանինի հրաժարականները, վանկարկում են՝ Ռուսաստանը պետք է ազատ լինի։

Դաշնային հեռուստաընկերությունները երեկվա ցույցերը բնականաբար չլուսաբանեցին։
Հիշեցնենք՝ ամեն ինչ սկսվեց նրանից, որ ընդդիմադիր գործիչներին Մոսկվայի ընտրական հանձնաժողովը չգրանցեց սեպտեմբերի 8-ին կայանալիք քաղաքային դումայի ընտրություններին։ Հանձնաժողովը հայտարարել է, թե այդ թեկնածուների ներկայացրած ստորագրությունների մի մասը անվավեր է։ Ընդդիմադիրներն էլ պնդում են, թե ստորագրությունները կեղծվել են հենց ստուգման ժամանակ։

Մետաքսյա Շալունց

դիտվել է 21899 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am