Նույնիսկ Վենետիկի հանձնաժողովի դրական եզրակացության դեպքում շարունակելու ենք պայքարը Ստամբուլյան կոնվենցիայի դեմ
«168 ժամ» թերթը գրում է. ««Այս գործողությամբ գործադիր իշխանությունը ևս փաստում է, որ Ստամբուլյան կոնվենցիայի դրույթների հետ կապված մտահոգությունն անտեղի չէ։ Վենետիկի հանձնաժողովի պատասխանը Ստամբուլյան կոնվենցիայի օգտին է լինելու, քանի որ Վենետիկի հանձնաժողովը ԵԽ խորհրդատվական մարմինն է։ Եվ Վենետիկի դրական եզրակացությունը ՀՀ իշխանությունը կօգտագործի Ստամբուլյան կոնվենցիայի վավերացման գործընթացի ժամանակ հասարակության ճնշումը թուլացնելու նպատակով»,– «168 Ժամ»-ի թղթակցին ասել է ՀՀ փաստաբանների պալատի նախագահ Արա Զոհրաբյանը՝ անդրադառնալով հարցին, թե արդյոք անհրաժեշտություն կա՞ր, որ կառավարությունը դիմել է Վենետիկի հանձնաժողով ստանալու պաշտոնական կարծիք ՀՀ Սահմանադրության տեսանկյունից Կոնվենցիայի վավերացման ազդեցության վերաբերյալ։
Ըստ նրա իշխանության ներկայացուցիչները, ի վերջո, ներկայացնում են ժողովրդին. «Այո, ժողովրդի դիրքորոշումը պետք է կաշկանդի իշխանություններին։ Նույնիսկ Վենետիկի հանձնաժողովի դրական եզրակացության դեպքում մենք շարունակելու ենք մեր պայքարը Ստամբուլյան կոնվենցիայի դեմ»»։
Մանրամասն՝ թերթի այսօրվա համարում