Ոստիկանները բեռնատարի մեջ փակված 150 ներգաղթյալի են փրկել
ria.ru-ն՝ հղում անելով Excelsior-ին գրում է,որ Մեքսիկայի ոստիկանությունը տրանսպորտային միջոցում մի քանի օր առանց ուտելիքի և ջրի մնացած 150 ներգաղթյալի է փրկել:
Բեռնատարը, որն իբր բանջարեղեն տեղափոխելիս է եղել, կանգնեցվել է Վերակրուս նահանգում՝ ճանապարհային երթևեկության կանոնները խախտելու համար: Ստուգումների ժամանակ ոստիկանները մեքենայից եկող օգնության կանչեր են լսել:
Ոստիկաններն այնտեղ Գվատեմալայի 73, Հոնդուրասի 45, Էլ Սալվադորի 26 և Էկվադորի 6 քաղաքացու են հայտնաբերել, որոնք հայտարարել են, որ մի քանի օր առանց ուտելիքի են մնացել:Նրանք տեղափոխվել են միգրացիոն կենտրոն:
Բեռնատարի վարորդն ու նրա հանցակիցը ձերբակալվել են: