«Թավշյա» հարձակումը դատական համակարգի վրա շարունակվում է. առաջնագծում է նաև Նիկոլը

«Թավշյա» հարձակումը դատական համակարգի վրա շարունակվում է. առաջնագծում է նաև Նիկոլը

2018 թվականին Հայաստանում իրականցվող ներքաղաքական իրադարձությունների ընթացքում ներկայիս վարչապետ Փաշինայնը և իր թիմը խոսում էին ժողովրդավարական երկրի, արդարության ու կյանքի որակը բարելավելու մասին: Այս ամենից արդեն անցել է մեկ տարուց ավելի ու ինչքան էլ որ Փաշինայնը նշում է, որ կառավարման 14 ամիսների ընթացքում ամենամեծ ձեռքբերումը Հայաստանի ժողովրդավարությունն ու երկրի ժողովրդավարական իմիջն է, իր ծավալած գործողություններն ու ներկա իրավիճակը լրիվ այլ բանի մասին են փաստում:

Նկատենք, որ ոչ մի ժողովրդավարական երկրում իշխանության կողմից ճնշումներ չեն գործադրվում դատական համակարգի վրա, այն էլ նրա համար, որ որոշումները կայացնելիս հաշվի չի առնվում իշխանական վերնախավի քմահաճույքները: Ճնշումների վառ ապացույցը Արցախի ներկա ու նախկին նախագահների անձնական երշախավորության դիմաց Ռոբերտ Քոչարյանի խափանման միջոցը փոխելուց հետո Փաշինայնի կոչն էր՝ ուղղված հասարակությանը, որով հորդորում էր փակել դատարանների մուտքերն ու ելքերը՝ խանգարելով վերջիններիս բնականոն աշխատանքը:

Այս ամենին հետևեց Լևոն Տեր-Պետրոսյանի գրպանային փաստաբանի՝ Վահե Գրիգորյանի՝ ՍԴ դատավոր ինքնահռչակվելը, որը խիստ քննադատության արժանացավ մի շարք մասնագետների կողմից՝ որակվելով որպես օրենքի խախատում: ՍԴ-ի վրա հարձակումներին միացավ անձամբ վարչապետը՝ հայտատարելով, որ 2019 թվականի Հայաստանում պետք է լինի 2019 թվականի ՍԴ: Դատարանների վրա իրականացվող ճնշումներն իրենց գագաթնակետին հասան, երբ օրեր առաջ հատուկ քննչական ծառայությունը մուտք էր գործել Ռոբերտ Քոչարյանի խափանման միջոցը փոխած դատավոր Դավիթ Գրիգորյանի աշխատաենյակ և առգրավել վերջինիս աշխատանքային համակարգիչը: Այս ամենից հետո գործից անտեղյակ մարդն էլ կհասկանա, որ դատավոր Դավիթ Գրիգորյանի նկատմամաբ իրականացվում է հետապնդում, քանի որ վերջինիս կայացրած որոշումը ուղղակի դուր չէր եկել իշխանությանը:

Իշխանության կողմից իրականացվող այս խայտառակ քայլերին վերջերս անդրադարձել էր նաև Վենետիկի հանձնաժողովը` նշելով, որ միգուցե կա անվստհաություն դատական համակարգի նկատմամբ, բայց բոլոր ձեռնարկված միջոցառումները պետք է իրականացվեն միմիայն Սահմանադրությանը և միջազգային չափանիշներին համապատասխան:

Վերլուծելով այս ամենը, փաստում ենք, որ գործող իշխանությունը դատական համակարգի և հատկապես ՍԴ-ի վրա իրականացնում է ակնհայտ հարձակում, և այս պահին միայն ՍԴ-ն է պայքարում սեփական անկախության համար, որի գրավումից հետո Փաշինայնը վերջնականապես բռնապետություն կհաստատի: Հաշվի առնելով սա՝ ՀՀ-ում և դրա սահմաններից դուրս գործող բոլոր առողջ ուժերը պետք է բարձրացնեն իրենց բողոքի ձայնը՝ նպատակ ունենալով կանխել Փաշինյանի` ամուսնապետություն հաստատելու փորձերը, հակառակ դեպքում հետևանքները կարող են անդառնալի լինել:

Աղբյուրը՝new way