ՀՀ 2-րդ նախագահի գործին պաշտոնական Փարիզը հետևո՞ւմ է.Քոչարյանի ֆրանսիացի փաստաբանի պարզաբանումը
Ֆրանսահայ փաստաբան Սևակ Թորոսյանը՝ անդրադառնալով ՀՀ երկրորդ նախագահ Ռոբերտ Քոչարյանի դատավարությանն ասաց.«Եվրոպական տեսակետից այս քրեական վարույթն այլևս ավարտված է և այս գործի յուրահատկությունը նրանում է, որ քաղաքական գործընթաց է»:
«Հույս ունեմ, որ չենք հասնի Եվրոպական դատարան, և ՄԻԵԴ-ում Հայաստանի դեմ որոշում չի կայացվի։ Հուսամ՝ Սահմանադրական դատարանը կընդունի որոշում, որը վերջը կտա այս կատակերգությանը։ Եթե դատարանը պարոն Քոչարյանին կամ ցանկացած մեկին դատապարտի 300.1 հոդվածով, ապա վստահ եղեք, որ 1-5 տարի հետո ձեր հետևից էլ կգան՝ լրագրողներիդ, փաստաբանների, յուրաքանչյուր անձի մեղադրելով, որ նրանք սահմանադրական կարգը տապալում են»,- հավելեց նա:
Փաստաբանին նաեւ հարցրեցին, այն մասին որ Ռոբերտ Քոչարյանի գործը գտնվում է միջազգային հանրության ուշադրության կենտրոնում։ Մոսկվայի վարքագիծը հայտնի է։ Վերջերս մամուլում տեղեկություն հայտնվեց, որ Ֆրանսիայի կառավարությունն էլ է ակտիվորեն հետևում գործընթացին, և կա տեսակետ, որ Ձեր ներգրավվածությունը Քոչարյանի փաստաբանական թիմում պայմանավորված է այդ հանգամանքով։ Կա նաև տեսակետ, որ Ձեր իրավական գնահատականներն ու վերլուծությունները հիմք ընդունելով է Ֆրանսիայի իշխանությունը կարծիք կազմում դատավարության մասին։ Այդպես է արդյո՞ք։