Գործարար Վլադիսլավ Մանգասարյանը Սերժ Սարգսյանի եղբորը՝ Լևոն Սարգսյանին առնչվող հանցագործության մասին հաղորդում է ներկայացրել Հատուկ քննչական ծառայություն։ Այս մասին ԼՈՒՐԵՐ․com-ի հետ զրույցում ասաց ՀՔԾ մամուլի խոսնակ Մարինա Օհանջանյանը։
Նա նշեց՝ Մանգասարյանի ներկայացրած հաղորդման հիման վրա հարուցվել է քրեական գործ․ «Հարուցված քրգործը միացվել է Լևոն Սարգսյանի վերաբերյալ՝ մեզ մոտ քննվող քրեական գործին»- նշեց նա՝ նշելով, որ քրեական գործով Վլադիսլավ Մանգասարյանը ճանաչվել է տուժող։
Գործը նախաքննության փուլում է։
Նշենք, որ Վլադիսլավ Մանգասարյանը մեղադրվում է «Արին Կապիտալ» ընկերությունից առանձնապես խոշոր չափերի հափշտակություն կատարելու մեջ։ Ընկերության սեփականատերը ամերիկահայ գործարար Էդմոն Խուդյանը տարիներ առաջ ներդրումներ էր կատարել Հայաստանում՝ Երևան քաղաքի Մաշտոցի 33Ա հասցեում (ներկայիս՝ Մաշտոցի 33/1) գտնվող հողամասի վրա իրականացնելով բազմաֆունկցիոնալ շենքի շինարարություն, սակայն հայաստանյան գործընկերներն անբարեխիղճ էին գտնվել և հափշտակել շենքի գրասենյակային տարածքների ու բնակարանների, ավտոտնակներից վաճառքից գոյացած գումարները։
Տարիներ առաջ տարածված տեղեկությունների համաձայն՝ չարաշահումներին առնչություն է ունեցել նաև 3-րդ նախագահ Սերժ Սարգսյանի եղբայր Լևոն Սարգսյանը, ըստ դրանց՝ Վլադիսլավ Մանգասարյանը վայելում էր նրա հովանավորությունը։
Սակայն մեղադրանք էր առաջադրվել միայն Վլադիսլավ Մանգասարյանին՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով` 31 դրվագով՝ 2005-2011թթ. ընթացքում միասնական դիտավորությամբ բազմաթիվ քաղաքացիներից և ՍՊԸ-ից առանձնապես խոշոր չափերի` ավելի քան 2 մլրդ դրամի հափշտակություն կատարելու համար։ Քրեական գործն արդեն 3 տարի է գտնվում է դատարանի վարույթում և դատավարությունը դեռևս չի ավարտվել։ Ավելին, Հայաստանում տեղի ունեցած իշխանափոխությունից հետո, Մանգասարյանը հանցագործության մասին հաղորդում է ներկայացրել։
Ինչ վերաբերում է 3-րդ նախագահ Սերժ Սարգսյանի եղբորը, ապա նա հայտարարագրման ենթակա գույքը թաքցնելու և ապօրինի հարստանալու դեպքերի վերաբերյալ ՀՔԾ-ում քննվող քրեական գործի շրջանակներում գտնվում է հետախուզման մեջ։
Ապրիլի 23-ին՝ ժամը 16:45-ին, Հայելի ակումբի հյուրն է Աննա Մայիլյանը
Ապրիլի 23-ին՝ ժամը 16:00-ին, Հայելի ակումբի հյուրն է վերլուծաբան Արգիշտի Կիվիրյանը
Ապրիլի 23-ին՝ ժամը 13:30-ին, Հայելի ակումբի հյուրն է Տաթև Արցախը
Ապրիլի 22-ին՝ ժամը 16:30-ին, Հայելի ակումբի հյուրն է Հայկ Նահապետյանը
Ապրիլի 22-ին՝ ժամը 15։00-ին, Հայելի ակումբի հյուրն է Սուրեն Սուրենյանցը
Ապրիլի 22-ին՝ ժամը 11։00-ին, Հայելի ակումբի հյուրն է Էդգար Ղազարյանը
Ապրիլի 22-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 19-ին՝ ժամը 13։00-ին, Հայելի ակումբի հյուրն է Հովհաննես Իշխանյանը
Ապրիլի 19-ին՝ ժամը 16։00-ին, Հայելի ակումբի հյուրն է Պարույր Հայրիկյանը
Ապրիլի 19-ին՝ ժամը 11։00-ին, Հայելի ակումբի հյուրն է Տիգրան Չոբանյանը
Հետևեք մեզ Viber-ում
