Սաակաշվիլիի կուսակցությունը կմասնակցի Ռադայի ընտրություններին
Ուկրաինայի Վճռաբեկ դատարանը բավարարել է Միխայիլ Սաակաշվիլիի «Նոր ուժերի շարժում» կուսակցության հայցը՝ ընդդեմ ԿԸՀ-ի: Դատարանի որոշման մեջ ասված է, որ ԿԸՀ-ի որոշումն ապօրինի և բեկանման ենթակա է: Վճռաբեկ դատարանը պարտավորեցրել է ԿԸՀ-ին՝ վերանայել կուսակցության ներկայացրած փաստաթղթերը:
Հիշեցնենք, որ հունիսի 24-ին ԿԸՀ-ն չէր գրանցել Միխայիլ Սաակաշվիլիի «Նոր ուժերի շարժում» կուսակցության Գերագույն ռադայի պատգամավորության թեկնածուներին՝ հուլիսի 21-ի խորհրդարանական ընտրություններում: