Իսկ ռուսներն Ալիևի համար են աշխատում

Վրաստանում շարունակվում են իրադարձությունները արագ զարգանալ: Արդեն յոթերորդ օրը չեն մարում բողոքի ցույցերը: Հակակառավարական ակցիաների մասնակիցները իշխանություններին մի շարք պահանջներ են ներկայացրել՝ հայտարարելով, որ Ռուսթավելի փողոցից կհեռանան միայն դրանք իրականացվելու դեպքում: Այդ պահանջներից մի քանիսը Վրաստանի իշխանությունները արդեն կատարել են՝ հրաժարական է տվել խորհրդարանի խոսնակ Իրակլի Կոբախիձեն, իշխող ուժը Ընտրական օրենսգիրքը բարեփոխելու նախաձեռնություն է սկսել՝ խոստանալով մեծամասնական ընտրակարգը փոխարինել համամասնականով:

Այսօր ազատ է արձակվել վերջին օրերին բողոքի ցույցերի ձերբակալված մասնակիցների մեծ մասը: Մինչդեռ, ինչպես ցուցարարներն են պնդում, գլխավոր պահանջը մնում է անկատար. Վրաստանի ստվերային առաջնորդ Բիձինա Իվանիշվիլիի մերձավոր դաշնակից Գիորգի Գախարիան՝ Ներքին գործերի նախարարը, շարունակում է պաշտոնավարել:

Փոխադարձ մեղադրանքներ ու քաշքշուկի պայմաններում երեկ Վրաստանի խորհրդարանը նոր խոսնակ ընտրեց: 94 կողմ, 1 դեմ քվեների հարաբերակցությամբ Վրաստանի խորհրդարանի նախագահ ընտրվեց Արչիլ Թալաքվաձեն: Նա այս պաշտոնում փոխարինում է Թբիլիսիում ծավալված բողոքի ցույցերի ֆոնին հրաժարական ներկայացրած Իրակլի Կոբախիձեին:

Վրաստանի իններորդ գումարման խորհրդարանում Թալաքվաձեն զբաղեցնում էր իշխող «Վրացական երազանք» խմբակցության ղեկավարի պաշտոնը: «Ես խոստանում եմ մեր հանրությանը, որ խորհրդարանում այսուհետ խաղաղ և կառուցողական մթնոլորտ է տիրելու և մենք կայացնելու ենք բացառապես այն որոշումները, որոնք բխում են մեր ազգային շահերից», - ըստ «Ազատության»՝ նշեց Թալաքվաձեն քվեարկության արդյունքների հրապարակումից անմիջապես հետո: Վրաստանի խորհրդարանի նորընտիր նախագահը օրենսդիր մարմնում խաղաղ մթնոլորտ հաստատելու մասին պատահական չէ որ հիշել էր: Խոսնակի պաշտոնում նրա ընտրությանը բավական բուռն իրադարձություններ նախորդեցին:

Ընդդիմադիր «Ազգային միացյալ շարժում» և «Եվրոպական Վրաստան» կուսակցությունների անդամները ողջ նիստի ընթացքում պահանջում էին հունիսի 20-ի լույս 21-ի գիշերը Ռուսթավելիի պողոտայում տեղի ունեցած բախումների վերաբերյալ առանձին քննարկում անցկացնել: Ընդդիմադիր պատգամավորները պնդում էին, որ ոստիկանությունը ոչ համարժեք է գործել և ցուցարարների դեմ անհամաչափ ուժ է կիրառել:

Իրավիճակը խորհրդարանի դահլիճում սրվեց այն բանից հետո, երբ իշխող «Վրացական երազանքի» անդամ Մամուկա Մդինարաձեն հայտարարեց, թե Ռուսթավելիի պողոտայում ծավալված իրադարձությունների գլխավոր մեղավորը վրացական ընդդիմությունն է: Դրան հետևած լեզվակռիվն ու քաշքշուկը շարունակվեցին մոտ 10 րոպե, որից հետո ընդդիմադիր խմբակցությունները լքեցին նիստերի դահլիճը:

Այնուհետև խորհրդարանում տեղի ունեցած միջադեպի ամենաակտիվ մասնակիցներից մեկի` «Ազգային միացյալ շարժման» ղեկավար Նիկա Մելիայի դեմ քրեական գործ հարուցվեց: Վրաստանի գլխավոր դատախազության պաշտոնական ներկայացուցիչը նշում էր, որ Մելիան մեղադրվում է հունիսի 20-ի երեկոյան Ռուսթավելիի պողոտայում զանգվածային անկարգություններ հրահրելու համար: Քննիչների պնդմամբ ցուցարարների և իրավապահների միջև բախումները ծագեցին այն բանից հետո, երբ Նիկա Մելիան փորձեց ճեղքել ոստիկանական շղթան և մուտք գործել խորհրդարանի շենք:

Խորհրդարանում ժամեր տևած թեժ քննարկումների արդյունքում պատգամավորները ի վերջո բավարարեցին գլխավոր դատախազության միջնորդությունը՝ ընդդիմադիր պատգամավոր Նիկա Մելիային զրկելով պատգամավորական անձեռնմխելիությունից: Որոշումը ընդունվեց խորհրդարանում մեծամասնություն ունեցող «Վրացական երազանքի» պատգամավորների կողմ քվեների արդյունքում, ինչին հաջորդեց խորհրդարանական փոքրամասնության կոշտ քննադատությունը։ Անգամ տեսախցիկների առկայության պայմաններում իշխանական ու ընդդիմադիր պատգամավորները չեն խորշել սուր լեզվակռվից, փոխադարձ վիրավորական մեղադրանքներից:

Նիկա Մելիան, ով Վրաստանի նախկին նախագահ Միխեիլ Սաակաշվիլիի ղեկավարած «Միացյալ ազգային շարժում» կուսակցության առաջնորդներից է, մեղադրվում է Թբիլիսիում անցյալ հինգշաբթի օրը սկիզբ առած բողոքի ակցիաների ժամանակ բռնություններ և անկարգություններ հրահրելու ու առաջնորդելու մեջ: Գլխավոր դատախազությունը ընդդիմադիր պատգամավորին ձերբակալելու միջնորդություն է ներկայացրել: Ինքը՝ ընդդիմադիր պատգամավորը կտրականապես հերքում է իրեն առաջադրված մեղադրանքը, իսկ նրա կուսակիցները դատախազությունից ապացույցներ են պահանջում՝ պնդելով, թե Մելիայի նկատմամբ քաղաքական հետապնդում է իրականացվում:

Ռուս-վրացական լարված հարաբերությունների ֆոնին՝ Հայաստանը փորձում է տարանցիկ օդային փոխադրումների կենտրոն դառնալ Ռուսաստանի և Վրաստանի միջև: Քաղավիացիայի օդային փոխադրումների կարգավորման վարչության պետի տեղակալ Ստեփան Փայասլյանի խոսքով՝ ավիաընկերությունների միջև արդեն իսկ սկսվել են քննարկումներ, թե ինչ տարբերակներով է հնարավոր Հայաստանով Ռուսաստանի և Վրաստանի միջև օդային հաղորդակցություն իրականացնել։

«Տարբերակներ կան, որ Վրաստանից ավտոբուսներով բերեն դեպի Երևան ուղևորներին և հակառակը, այնուհետև թռիչքներ իրականացնել Երևանից կամ Գյումրուց։ Տարբերակներ են քննարկվում նաև, որ մենք ունենք Georgian Airway, որը թռնում է Թբիլիսի-Երևան ուղղությամբ շաբաթական 7 հաճախականությամբ, կրկնապատկել այդ չվերթների հաճախականությունը և, հետևաբար, դառնալ տրանզիտ տարբերակով, այսինքն՝ Թբիլիսի-Երևան, այնուհետև ռուսական ավիաընկերություններով դեպի Ռուսաստանի այլ քաղաքներ», - ըստ «Ազատության» նշել է Փայասլյանը:

Հիշեցնենք, որ հուլիսի 8-ից Ռուսաստանի նախագահ Վլադիմիր Պուտինի արգելանքով Ռուսաստանից դեպի Վրաստան չվերթները կդադարեցվեն։ Պուտինը նման արգելք էր դրել Թբիլիսիում կազմակերպված հակառուսական ցույցերից անմիջապես հետո։

Վրաստանի մայրաքաղաքում դժգոհության ալիք էր բարձրացել, երբ Ուղղափառության միջխորհրդարանական վեհաժողովի ժամանակ հակավրացական հայացքներով հայտնի ռուսաստանցի պատգամավոր Սերգեյ Գավրիլովը նստել էր Վրաստանի խորհրդարանի խոսնակի աթոռին։

Հայաստանում այժմ քննարկվում է նաև երկաթուղու տարբերակը. թռիչքներ Ռուսաստանից դեպի Գյումրի, Հարավկովկասյան երկաթուղով էլ Գյումրիից Թբիլիսի ուղևորափոխադրումներ։ Հայաստանի վարչապետի ավիացիայի հարցերով խորհրդական Հակոբ Ճաղարյանի տեղեկացմամբ՝ դեպի Ռուսաստան թռիչքներ իրականացնող վրացական ավիաընկերություններն արդեն պատրաստվում են Հայաստանով չվերթներն իրականացնել։ «Գլխավոր փոխադրողն էնտեղ Georgian Airway-ն է` Airzena-ն։ Airzena-ն հանդիսանում է հայկական «Արմենիա» ավիաընկերության գործընկերը և քույր ձեռնարկությունը։ Նրա բոլոր չվերթները կկատարավեն կամ Գյումրիով կամ Երևանի Զվարթնոց օդանավակայանով», - ասաց Ճաղարյանը։

Հայաստանում գործող «Արմենիա», «Տարոն Ավիա» և «Ատլանտիս Եուրոփիան» ընկերությունները վարչապետի խորհրդականի հետ քննարկման ժամանակ պատրաստակամություն են հայտնել Թբիլիսիի և Մոսկվայի միջև օդային հաղորդակցություն կազմակերպելու համար։ Արդյո՞ք արդեն չվացուցակները հաստատվել են, 3 ընկերություններից դեռ հստակ պատասխան չի տրվում։ Սակայն «Արմենիա» ավիաընկերության փոխտնօրեն Գևորգ Խաչատրյանն ավելի վաղ Ֆեյսբուքում գրել էր, որ «Արմենիան» ծրագրում է հուլիսի 9-ից օրական 2 չվերթ Երևան-Մոսկվա-Երևան, Մոսկվա-Երևան-Թբիլիսի-Երևան-Մոսկվա ուղղություններով։ Վարչապետի խորհրդականը մտավախություն ունի՝ ռուսական հիմնական ավիափոխադրողները հնարավոր է Ադրբեջանի միջոցով թռիչքներ իրականացնեն դեպի Թբիլիսի։ «Հիմնական ռուսական ավիափոխադրողները ունեն գործընկերական և ինտերլայն պայմանագրեր «Ազալ»-ի հետ, և կարծում եմ, որ ադրբեջանական կողմը կօգտագործի այդ հնարավորությունները այդ ընկերությունների թռիչքները համակցելու հնարավոր է Գանձակի օդանավակայանում», - «Ազատությանն» ընդգծել է Ճաղարյանը։

Ռուսական պետական «Վեստի 24» հեռուստաալիքով մեկնաբանը նշել էր, թե օդային փոխադրումները Մոսկվայից Թբիլիսի Բաքվի միջոցով կրկնակի էժան կարժենան, քան Երևանով։ Դե ինչ, սպասենք Փաշինյանի կառավարությունից ճկունություն: Արդյոք Հայաստանը կկարողանա՞ այս հարցում շահեկան քայլերի դիմել...

Թամար Բագրատունի

դիտվել է 2830 անգամ
Լրահոս
Պետք է մոռանալ Նիկոլին, քանզի նա քաղաքական և նաև աշխարհաքաղաքական դիակ է Որ միշտ չկանխատեսենք անցյալը Այ ըսենց երեսպաշտ են ամեն հարցում Պարոն 420-ը «Նիկոլենք թուրքերի հետ բանակցում են»․ Հայկ Մանասյան ՀՀ-ից սորոսականներ են գնացել Բելառուս՝ փորձի փոխանակման (տեսանյութ) Սա՛ է «նոր՝ հին թալանչիների» Հայաստանը, վայելե՛ք Գործակալական ցանցը դիկտատոր ու բռնարար է անվանում Լուկաշենկոյին այն դեպքում, երբ իրենց վարչապետը՝ Ն․ Փաշինյանը, չի զիջում Լուկաշենկոյին Չկա առանձին որևէ ուժ, որը կարող է այս իշխանությանը ստիպել հեռանալ. Արա Վարդանյան Հուլիսյան պարտությունն ու Ադրբեջանի Պնախարարի ու ԱԳ նախարարի այցը Թուրքիա. ինչ սպասել Ինչ են պատրաստվում Պուտինն ու արևմուտքը պոկել Լուկաշենկոյից 5 «արժեք», որոնք մի մարդու գլխում են, քյարփինջ ծախողի չէ... Փաշինյանը, փաստորեն, 25 տարի առաջվա երազներով է «նոր Հայաստան կառուցում» Մաշտոցի պուրակի սրճարանի տարածքում ծառ նախատեսված չէ. Լուսանկար Հիվանդը դու՛ք եք. Ռուբեն Հակոբյանը՝ իշխանությանը Արարատի մարզի բնակիչը ձերբակալվել է՝ ոստիկանի նկատմամբ բռնություն գործադրելու կասկածանքով Խմելու ջրի մատակարարման և ջրահեռացման սակագները կփոխվե՞ն Կոռուպցիոն սխեմաներ Գյումրու սոցիալական ծառայություններում. մարզի դատախազը դիմել է նախարարին Ծանոթացել են հրետակոծված տների վերականգնման աշխատանքներին Հայկ Սարգսյանի հայտարարագիրը անհետացել է կայքից Մասիսում և Արարատի մարզում գտնվող մի քանի շինանյութի խանութների, բենզինի և գազի լցակայանների գործունեությունը կասեցվել է Հորդորում ենք զերծ մնալ չհաստատված թռիչքներով զբոսաշրջային փաթեթներ ձեռք բերելուց․ ՀՀ Զբոսաշրջության կոմիտե Գագիկ Ծառուկյանի պաշտպանները վճռաբեկ բողոք են ներկայացրել Ալավերդիում վիճաբանության ժամանակ կինը դանակով հարձակվել է ամուսնու վրա. հարուցված քրգործի նախաքննությունն ավարտվել է. ՔԿ Ամուլսարի հանքի շահագործումը Սևանին ահռելի վնասներ կհասցնի. ահազանգ
Ամենաընթերցվածները
Շուտով
Բլից ինֆո մամուլի ակումբը վերսկսում է իր գործունեությունը և տեղեկացնում, որօգոստոսի 12-ին, ժամը 14.00-ին Բլից ինֆո մամուլի ակումբի հյուրն է բնապահպան-իրավաբան, «Հայաստանի անտառներ» ՀԿ-ի տնօրեն Նազելի Վարդանյանը:Թեմա՝ Զարգացումներ Ամուլսարի շուրջ: Ինչո՞վ են պայմանավորված Կառավարության լռությունն ու ոստիկանների գործողությունները:Հասցե՝ Արշակունյաց 2, «Տիգրան Մեծ» հրատարակչություն, 418 սենյակՀեռ. 098-35-61-21 Օգոստոսի 12-ին, ժամը` 11 00 «Հայացք» մամուլի ակումբի հյուրերն են սփյուռքաhայ ներդրող և նրա փաստաբան Տիգրան Հայրապետյանը: Թեման՝ «Իմ քայլը» խմբակցության պատգամավորը խոչընդոտում է սփյուռքահայ ներդրողին, ինչի հետ կապված քրեական գործ է հարուցվել: Հարգելի գործընկերներ, այս պահին Հայացք մամուլի ակումբը գործում է Կորյունի 19 հասցեում՝ 8-րդ հարկ (ՀԱԿ նախկին շենք, Որարտու համալսարանի շենք): Հեռ.091 500992, 098 500448 Օգոստոսի 12-ին, ժամը 11.00 «Տեսակետ» մամուլի ակումբի հյուրն է Novatel LLC-ի գործադիր տնօրեն Մինաս Երզնկյանը: Թեման՝ « NOVATEL ՍՊԸ-ն ցանկանում է ձեռք բերել «ՎԵՈՆ Արմենիայի» 100% բաժնեմասը: Ովքեր են NOVATEL-ի ներկայացուցիչները, ինչ նպատակներ ու հնարավորություններ ունեն, ներդրումային ծրագրի նրանց տեսլականը, հարակից հարցեր»: Օգոստոսի 11-ին, ժամը 13:00-ին Հայելի ակումբի հյուրերն են Հայաստանի մարդու իրավունքների առաջին պաշտպան, «Ընդդեմ իրավական կամայականությունների» ՀԿ նախագահ Լարիսա Ալավերդյանը և «Հանուն կայուն մարդկային զարգացման» ՀԿ նախագահ, բնապահպան Կարինե Դանիելյանը: Թեմա՝ կրթական չափորոշիչներ, Ամուլսար, ծաղկող Սևան Օգոստոսի 11-ին, ժամը 12:00-ին Հայելի ակումբի հյուրն է Ագրարագյուղացիական միավորում հ/կ-ի նախագահ Հրաչ Բերբերյանը: Թեմա՝ նոր սերմերի փորձարկում. Հայաստանում անցկացվելիք միջազգային սեմինարը վտանգի տակ է Օգոստոսի 11-ին, ժամը 11:00-ին Հայելի մամուլի ակումբի հյուրերն են «Հայաստան» համահայկական հիմնադրամի նախկին տնօրեն Արա Վարդանյանն ու «Համերաշխություն» կուսակցության նախագահ Սարգիս Ավետիսյանը: Թեմա՝ ներքաղաքական հարցեր՝ Ամուլսարի հարց, կրթական նոր չափորոշիչներ, արտակարգ դրության երկարաձգում: Արցախի Հանրապետության Ազգային ժողովի նախագահ Արթուր Թովմասյանը ստորագրել է որոշում՝ Արցախի Հանրապետության Սահմանադրության 114-րդ հոդվածի 2-րդ մասի և «Ազգային ժողովի կանոնակարգ» օրենքի 40-րդ հոդվածի 1-ին մասի համաձայն` Արցախի Հանրապետության նախագահի նախաձեռնությամբ 2020 թվականի օգոստոսի 11-ին, ժամը 11:00-ին Ազգային ժողովի արտահերթ նստաշրջան գումարելու մասին՝ նախաձեռնողի սահմանած օրակարգով: Օրակարգում ընդգրկված են հետևյալ հարցերը. 1. «Արցախի Հանրապետության 2020 թվականի պետական բյուջեի... Օգոստոսի 7-ին, ժամը 11:00-ին Հայելի ակումբի հյուրերն են «Մեկ Առողջություն» կոալիցիայի համահիմնադիրներ Սիլվա Ադամյանը, Մարիամ Բադալյանը և Դոնարա Ալեքսանյանը: Թեմա՝ Ամուլսարի շուրջ լարված իրավիճակի վերաբերյալ «Մեկ Առողջություն» կոալիցիայի հայտարարությունը և շրջակա միջավայրի առողջության ոլորտում տապալված պետական քաղաքականության վտանգները: Օգոստոսի 7-ին ժամը 11:00 Փաստարկ մամուլի ակումբի հյուրերեն են Բարգավաճ Հայաստան, Հայ Յեղափոխական Դաշնակցություն և Հայրենիք կուսակցությունների ներկայացուցիչներ Իվետա Տոնոյանը, Արծվիկ Մինասյանը և Արսեն Բաբայանը: ԹԵՄԱ՝ ՀՀ բարձրաստիճան մի շարք պաշտոնատար անձանց կողմից առերևույթ հանցագործությունների մասին հաղորդման հիմքով քրեական գործի հարուցումը մերժելու ՀՔԾ որոշումը և դրա վերաբերյալ կուսակցությունների կողմից բերված բողոքը: Ժամը 13:00՝ քաղաքագետ Սերգեյ Շաքարյանցը: ԹԵՄԱ՝ դիտարկումներ Բեյրութի ողբ... ՕԳՈՍՏՈՍԻ 7-ին` ժամը 13:00-ին, «Արմենպրես» պետական լրատվական գործակալության մամուլի սրահում տեղի կունենա ՊԵԿ հետաքննության և օպերատիվ հետախուզության վարչության պետ Վահան Չարխիֆալակյանի ասուլիսը: Թեմա- 2020 թվականի հունվար-հուլիս ամիսներին հարկային իրավախախտումների և տնտեսական հանցագործությունների բացահայտմանն ուղղված ՀՀ պետական եկամուտների կոմիտեի իրականացրած միջոցառումների արդյունքները: Կարող եք թեմայի հետ կապված ձեզ հետաքրքրող հարցերը ուղարկել [email protected] էլեկտրոնային հասցեին մի...
Հետևեք մեզ Facebook-ում https://www.facebook.com/hayeliclub