Նիկոլ Փաշինյանի եւ Ռուստամ Բադասյանի կապը խորը արմատներ ունի. ի՞նչ է արել նորաթուխ նախարարը վարչապետի համար.armday.am
Արդարադատության նախարարի պաշտոնի շուրջ ինտրիգն ավարտվեց: Այսօր արդարադատության նախարար նշանակվեց Ռուստամ Բադասյանը: Մինչ այս նախարարի պաշտոնի համար հավանական մի քանի թեկնածուներ էին շրջանառվում, որը հետաքրքրություններ էր առաջարկում:Այս մասին հայտնում է armday.am-ը:
Նորանշանակ նախարարը երիտասարդ է՝ 28 տարեկան: Հեղափոխությունից հետ նշանակվել եւ առ այսօր զբաղեցնում էր Պետական եկամուտների կոմիտեի նախագահի տեղակալի պաշտոնը:
Այս նշանակումը սակայն հեղափոխականների շրջանում բավականին տարօրինակ ընդունվեց: Պատճառն այն էր, որ նրան շատերը տեսնում էին հենց ՊԵԿ նախագահ: Բանն այն էր, որ հեղափոխության օրերին, այնուհետ Ազգային ժողովում, երբ Նիկոլ Փաշինյանը ելույթներ էր ունենում տնտեսական թեմաներով, նրան այդ հարցում օգնում էր հենց Ռուստամ Բադասյանը: Մեր աղբյուրները փոխանցում են, որ Բադասյանի տնտեսական գիտելիքներն այնքան են հիացրել Փաշինյանին, որ շատերը կարծել են, թե նա վարչապետ ընտրվելուց հետո հենց Ռուստամ Բադասյանին է ՊԵԿ ղեկավար նշանակելու:
Ռուստամ Բադասյանը 2012 թվականից աշխատել է ՊԵԿ-ում, սակայն 2015 թվականին համակարգից դուրս է եկել: 2015թ. մայիսից մինչ 2018 թվականի մայիսը՝ ՊԵԿ փոխնախագահի պաշտոնը զբաղեցնելը, աշպատել է «Կոնցեռն-Դիալոգ» փաստաբանական գրասենյակում, որպես իրավաբանա:
Այս ընկերությունը պատահական մարդու չի պատականում: «Կոնցեռն-Դիալոգ» փաստաբանական գրասենյակը պատկանում է Ռոբերտ Քոչարյանի փաստաբան Արամ Օրբելյանին: Ի դեպ, մամուլն էլ գրել էր, որ «Կոնցեռն-Դիալոգ» ընկերությունը շվեյցարական «Lalive» ընկերության հետ է համագործակցում, որն էլ արդարադատության նախարարության հայտարարած մրցույթներից մեկն է շահել, որի արժեքը 1,2 միլիոն դոլար է: