Դատավորի երդում տալու պահից, դատավորներն ընկերներ չեն ունենում այլևս. Վահե Գրիգորյան
««Իմ քայլը» խմբակցությունում, ինչպես նաև քաղաքական տարբեր կուսակցություններում ունեմ շատ ընկերներ: Ես չեմ թաքցնելու ու չեմ թաքցնում, որ ունեմ շատ ընկերներ «Իմ քայլը» խմբակցությունում, տարբեր քաղաքական կուսակցություններում ու խմբավորումներում: Ոչ մի տարօրինակ բան չկա դրանում, ես չէի կարող չունենալ, իմ գործունեությունը ամբողջությամբ եղել է քաղաքական ու քաղաքացիական իրավունքների պաշտպանությունը: Մեր ընկերությունը եղել է գաղափարական հիմքի վրա, որը ամենևին էլ ոչ կուսակցական գաղափարական հիմքն է՝ ժողովրդավարական, ազատ Հայաստանը: Այդ ընկերությունը ձևավորվել է տարբեր այնպիսի իրավիճակներում, որ մեր խնդիրն է եղել կանխել բացասական երևույթները Հայաստանում: Անկախ այն բանից նրանք իմ ընկերներն են, թե ոչ՝ դատավորի երդում տալու պահից, դատավորները ընկերներ չեն ունենում այլևս», - Ազգային ժողովում Սահմանադրական դատարանի դատավորի ընտրության հարցի քննարկման ժամանակ հայտնեց թեկնածու Վահե Գրիգորյանը: