Զարմանում եմ, որ դեռ լուրջ մարդիկ կան, որ ՔՊ-ին կուսակցություն և քաղաքական դերակատար են դիտարկում
Զարմանում եմ, որ դեռ լուրջ մարդիկ կան, որ ՔՊ-ին կուսակցություն և քաղաքական դերակատար են դիտարկում: Այդ մարդկանց բազմության ղեկավարը բազմիցս արդեն հայտարարել է, որ իրենք ոչ մի քաղաքական գաղափարախոսության չեն հարում, և հետևաբար իրենց չի էլ կարելի քաղաքական միավոր ու քաղաքական գործոն դիտարկել:
Դա է ապացույցը նաև իշխանության լինելով հանդերձ իշխանական ուժ չդառնալը: Օրինակներ են` մեկ տարի անց այդպես էլ պետական մեքենային չտիրապետելը, իրենց և այլոց համար անհասկանալի քաղաքականություններ իրականացնելը, իսկ եթե վառ օրինակ` դատարան մուտք-ելք փակելու հրահանգը:
Հետևաբար դադարեք պատեհապաշտ կամ պատահականորեն իրար հետ հավաքված մարդկանց այդ հանրույթին քաղաքական դերակատար դիտարկելը և իրենց ասածները մեկնաբանել, առավել ևս վերլուծելը: Դեռ կառավարության Չգործունեության առումով իրենց անդրադառնալը հասկանալի է, բայց ոչ մի կերպ` իրենց հավաքույթները: Թարգեք անլուրջը լրջացնել, ապաքաղաքականն ու ապապետականը քաղաքականացնել ու պետականացնել, ինչքան ՀՀԿ-ն է ներկայում կուսակցություն և քաղաքական ուժ, այնքան էլ ՔՊ-ն: Առաջինը` պետականությունը և պետությունը քանդած, արատավորած և հանրության կողմից մերժված ղեկավարին առ այսօր «կուսակցության» ղեկավար ճանաչելու համար, իսկ երկրորդը` ապիկար ու ապաքաղաքական, երկիրը հոռի շրջանում պահող փոքրիկ ինքնասիրահարված դիկտատորին «կուսակցության» առաջնորդ ճանաչելու համար:
Հովհաննես Ավետիսյանի ֆեյսբուքյան էջից: