Եթե գումարը գողացված է պետբյուջեից, ավելի լավ, որ փոխանցվում է մեր հիմնադրամին. Աննա Հակոբյան
ՀՀ վարչապետի կինը՝ Աննա Հակոբյանը, հարցին, թե միգուցե իր հիմնադրամին փոխանցվող գումարները պետբյուջեից գողացված գումարներ են, ասաց.
«Գումարի ծագումն ինձ համար կապ չունի: Կապ չունի, թե այդ գումարն ինչպես է հասել այն մարդուն, ով այն փոխանցում է մեզ: Մենք միևնույն է այն ծառայեցնելու ենք ամենաբարի, ամենաճիշտ, ամենաօգտակար նպատակներին: Այդ գումարը, եթե որևէ ձևով հասել է ինչ-որ մեկին, եթե մնա նրա մոտ, ավելի օգտակար չի լինի, քան եթե հասնի մեզ: Կան սակայն բանկային հարաբերություններ. «Մենք դրան ենթարկվում ենք: Եթե նման խնդիր է առաջանում մենք ոչինչ անել չենք կարող: Եթե կասկածելի ծագում է կամ բանկը թույլ չի տալիս, մենք անելիք չունենք: Անձամբ իմ տեսանկյունից կարևոր չէ գումարի ծագումը»: